Tuturigana 19:24 - Ghari

²⁴ Mi tana tagu tsotsodo nogo ia, na Taovia e molotsunamaia na lake iruiru ke iruvikaira na verabau ni Sodom mi Gomora,

Tuturigana 19:24 Referans Kwoze

Na Vaolusi Ketsa 29:23

Nimui uta sauba kara totu seko lê, me ke dangaligira na solo ma na papasa mila sisigini seko, ma kamu tau goto tangomana na tsukaana sa omea i laona, me atsa moa igira na buruburu atsi me utu goto kara dato i tana. Nimui kao sauba kara vaga na verabau ni Sodom mi Gomora, mi Adma mi Seboim, igira aia na Taovia e toroutsanigira tana korena loki.

Isaia 13:19

Na Babilon aia na verabau rerei dou liuliu bâ vanigira sui; mara gini kaekae sosongo igira na tinonina. Minau na Taovia sauba kau toroutsani saikesalia na Babilon, vaga nogo au nauvanikaira na Sodom ma na Gomora i sau.

Iude 1:7

Kamu padatugukaira goto na vera ni Sodom mi Gomora, migira goto visana na vera ka ligisaqira. Igira na tinonina na vera girani ara naugotoa na sasaga vaga ara naua igira na angelo seko. Ara mauri tana vaisekoligi na mane ma na daki, mi tana vailiuvigi seko. Mara gini tsodoa na kede tana lake e iru saviliu. Ma na omea vaga ia e gadovigira igira, na rongona igita ka rongomiginia ma ka gini parovata.

2 Petero 2:6

God e kedekaira goto na vera ni Sodom mi Gomora, me moloa na lake ke veokaira sui. I tana nogo kara gini moro igira ara dona na peana na mangana God ma kara parovata, rongona ke tau gadovigira goto sa omea vaga ia.

Amos 4:11

“Au toroutsanigira visana nimui verabau vaga kalina au toroutsania na Sodom ma na Gomora. Migamu amu matepitsa tana tagu ia, amu vaga saikesa nogo ti na ketsuma iruiru ara lauligi tania na lake. Migamu amu tau goto reigadovia ma kamu pilovisumai i koniqu inau. Inau nogo na Taovia au tsaria na omea iani.

Jeremia 50:40

Me sauba ke kesa moa atsa na omea ke laba vania na Babilon, vaga nogo e laba vanikaira na Sodom ma na Gomora, kalina inau au toroutsanikaira kolugira goto na tsatsapa tetelo ara totu varangi. Me utu goto sa tinoni ke totuvitugua i tana. Inau nogo na Taovia au tsaria na omea iani.

Sepania 2:9

Inau na Taovia niqira God mamauri na Israel, au vatsa tana asaqu segeni nogo inau, laka kaira na Moab ma na Amon sauba kara ka toroutsa saikesa vaga moa na Sodom ma na Gomora. Me sauba kara ka lia vaga saikesa moa kesa na bokomate i tana e tau tangomana ke dato sa mutsa, ma na itai kokonaga moa sauba ke dato tsavukaira. Migira niqu tinoni ara matepitsa tana vailabu sauba kara laua niqira omea sui ma kara aditamaniqira niqira kao.”

Tangitangi 4:6

Na Taovia e kede sekoli sosongoligira bâ niqu tinoni liusigira na tinoni ni Sodom, igira aia e molotsunamaia na lake ke iruvi novotigira.

Jeremia 20:16

Ke laba vania na mane ia vaga e laba vanigira na verabau igira aia na Taovia e toroutsanigira popono, me tau goto gaegira. Me ke rongomia niqira ngangai igira ara vatsangi savi tana matsaraka, ma na tatangina na vailabu tana niaso vota,

Nina Papi A Job 18:15

Mi kalina ti vaga ke mate aia, me sauba ke tagara goto sa dalena ke totuvia na valena. Ma kara mai na tinoni tavosi ma kara rasavagini bamaia na papasa mila tana valena, rongona kara matesiginia na naquna na lobogu seko ia, mi muri migira nogo kara mai ma kara totuvia na valena.

Hosea 11:8

“?Me koegua ti kau mololegamu igamu na Israel? ?Me ke koegua ti kau tsonilegamu? ?Laka kau sekoligamu vaga au nauvaninogoa na vera ni Sodom, se kau nauvanigamu na omea vaga au nauvanigira na Gomora? !E utu! Niqu galuve vanigamu e loki sosongo me gini utugana vaniau kau sekoligamu.

Jeremia 49:18

Na omea sauba ke laba vania na Edom, sauba ke kesa moa atsa kolua na omea e laba vanikaira nogo na Sodom ma na Gomora i sau, kalina igira, migira sui na tsatsapa tetelo ara totu polipoligira, ara viri toroutsa saikesa. Me tagara goto sa tinoni ke tangomana na ba totutugua i tana. Inau nogo na Taovia au tsaria na omea iani.

Isaia 1:9

Me ti vaga na Taovia Susuliga Sosongo ke tau tamivanigira visana nida tinoni kara mauri, ma na Jerusalem ke toroutsa popono saikesa, vaga nogo kaira na Sodom ma na Gomora i sau.

Linge 11:6

Maia nogoria te aia e naua me gini tumu tsunamai na madaova gagâ ma na papasa mila iruiru i koniqira na tinoni vanga tsutsukibo; me kedeginigira na guguri papara.

Luka 10:12

Au tsarimakali vanigamu laka tana Dani na Pede, sauba God ke galuvegira dodo baa na Sodom, liusia na vera vaga ia i tana ara sove na rongomiana nimui goko.

Na Katemai 14:10

tinoni vaga ia, sauba God ke tusuvania ke inuvia na uaenina na korena loki ia, aia na uaeni susuliga e tau goto lalo kolu koo, aia God e qetumainogoa i laona na tseu na korena! Eo, igira sui ara naua na omea vaga gira, sauba kara rota loki sosongo i laona na lake ma na papasa mila sigini seko, i mataqira na angelo tabu ma na Dalena Sipi.

Tuturigana 13:10

Ma Lot e tû, me moro polipoli me reia laka na poi popono ni Jordan me tsau bâ i Soar, e totu danga na kô i laona, vaga tana Nina Uta na Taovia se vaga tana kao ni Ejipt. Ma na tagu ia kalina na Taovia e tau vati moa toroutsanikaira na verabau ni Sodom mi Gomora.

Tuturigana 13:12

Ma Abram e totu i laona na kao ni Kanaan, ma Lot e ba totu i laoqira na verabau ara totu tana poi varangisia i Sodom,

Tuturigana 18:17

Ma na Taovia e tsarisegenina, “E utu goto kau molopoia vania a Abraham na omea inau sauba kau naua.

Tuturigana 19:23

Ma na aso e tuturiga moa na datomai kalina a Lot e ba laba i Soar.

Binaboli 9:23

Me vaga ia, ma Moses e saudatoa gana itoro tana masaoka, ma na Taovia e moloa ke poda na quluqulu, ma na angaanga ke gado tana kao, me ke tumutsuna na kolina na usa kakai vaga na vatu. Na Taovia nogo e naua

Nina Papi A Job 1:16

Me tau vati goko sui moa aia, me labamai goto kesa na maneaqo me tsaria, “Na angaanga e matesigira sui lakalaka na sipi kolugira na mane ara reitutugugira. Inau lelê moa au tangomana na tsogomauri mau gini mai kau tsarivulagia vanigo.”

Isaia 30:33

I sau nogo aia e vangaraua kesa na qou loki mi tana nogo ke totu na lake loki ke gania na taovia tsapakae ni Asiria. Ma na qou ia e tsuna ao me dama sosongo, me tsupu dato na lake i laona. Ma na Taovia nogo sauba ke magovi bâ na lapina lake i konina gana ke gini iru.

Na Vaolusi Ketsa 28:24

Na Taovia sauba moa ke molomaia na papasa loki ke pungu tana kao popono ngiti usa poi tsau kalina kamu toroutsa sui lakalaka.

Na Vaolusi Ketsa 29:22

“Mi laona na vatavata kara mai i muri, igira na kukuamui ma na tinoni ni vera tavosi ao, sauba kara reigira na omea seko sosongo ma na rota loki aia na Taovia e molomaia tana nimui kao.

Jeremia 23:14

Mau reigira goto na propete ni Jerusalem, migira ara naua na omea e seko liuliu goto bâ. Ara kiboga mara pero, mara sangagira moa na tinoni na nauana na omea e sasi, me vaga ia, migira na toga sui ara tau goto mololea na nauana na omea tabaruga. I mataqu inau igira sui lakalaka na tinoni ni Jerusalem ara seko vaga saikesa nogo igira na tinoni ni Sodom mi Gomora.