Tuturigana 17:21 - Ghari

²¹ Minau sauba kau manalia niqu taso kolua a Isaak na dalemu, aia sauba ke botsa konina ko Sara tana tagu vaga nogo iani tana ngalitupa vaolu.”

Tuturigana 17:21 Referans Kwoze

Galatia 3:29

Ti vaga igamu nina tinoni nogo a Iesu Kristo, vaga ia migamu goto na kukuana manana a Abraham, me sauba igamu sui goto kamu adia na omea God e vekenogoa.

Tuturigana 18:10

Me kesa tu vidaqira na mane e tsaria, “Ke tovu ke siu na vula tû i dani eni, minau sauba kau labavisumai tugua ieni, maia ko Sara ke vasuvanigo nogo kesa na dalemu mane.” Maia ko Sara e tototu tana matsapana na valepolo i murina a Abraham me rorongo.

Hibru 11:9

Aia e tutunina moa God, te e ba totu tana vera God e vekevania, vaga moa na tinonina na veratavosi. Maia e tau goto gini boe na logoana kesa na valena dou. Me totu moa i laona na valepolo vaga ara naugotoa kaira a Isaak ma Jakob, kaira e kalekaira goto na veke God e nauvania a Abraham.

Roma 9:9

Rongona kalina God e naua nina veke vania a Abraham, maia e tsarivaganana iani: “Tana ngalitupa i gotu, tana tagu vaga iani, inau sauba kau visumaitugua ieni, maia ko Sara ke tamanina nogo kesa na dalena mane.”

Aqoaqo 1:7

Me gokovisu a Iesu me tsarivanigira, “Na taguna ma na bongina, aia nogo na Tamaqu e titigira nogo tana susuligana segeni. Me tau nimui aqo igamu, kamu donaginia na tagu i tana kara laba.

Luka 1:72

Me tsaria ke saugaluve vanigira na mumuada me ke padatugua nina veke tabu.

Luka 1:55

!Me tau goto padalea na saugaluve vania a Abraham, me vanigira sui na puku konina aia na dani ma na dani!”

Nina Papi A Job 14:13

“Ke dou sosongo bâ vaniau inau ti vaga igoe ko molopoiau tana barangengo na mate; mo ko tami moa vaniau kau ba totu raviravi tana poi tsau kalina ke luba na koremu, mo ko titia na tagu i tana ko padavisuau tugua.

Binaboli 3:6

Inau niqira God na mumuamu, tu niqira God a Abraham, ma Isaak ma Jakob.” Mi tana ma Moses e tsavupoia na matana rongona e matagunia na moro bâ i konina God.

Binaboli 2:24

Ma God e rongomia niqira kukungu me padavisua nina vaitasogi e naua i sau kolutugira a Abraham, ma Isaak ma Jakob.

Tuturigana 46:1

Ma Jakob e binabolia pipi sui nina omea e tamanina me vano i Beerseba, i tana aia e kodoputsa vania nina God a Isaak na tamana.

Tuturigana 48:15

Maia e tabua a Josep me tsaria: “!Aia na God i kaira na tamaqu a Abraham ma Isaak ara ka aqo vania, ke tabukaira na baka karani! !God aia e tagaovia na mauriqu popono tsaumai i dani eni ke tabukaira!

Tuturigana 17:19

Ma God e tsaria, “Tagara. Aia nogo ko Sara na taumu sauba ke vasuvanigo kesa na dalemu mane, migoe sauba ko soaginia a Isaak. Inau sauba kau vaturi kakaia niqu taso kolua aia me kolugira goto na kukuana na dani ma na dani. Ma na taso iani sauba ke totu saviliu.

Tuturigana 18:14

?Me laka ke kakai vanigotoa sa omea na Taovia? Me vaga nogo au tsaria, ke tovu siu na vula tû i dani eni, minau sauba kau labavisumai tugua ieni, maia ko Sara ke vasunogoa kesa na dalena mane.”

Tuturigana 21:1

Na Taovia e vangalaka vania ko Sara vaga aia e vekenogoa laka ke naua,