Tuturigana 12:15 - Ghari

¹⁵ Mara visana nina mane sasanga na taovia tsapakae ara reia ko Sarai mara ba tsarivania na taovia tsapakae laka e rerei dou sosongo aia; mara adivanoa tana valena na taovia tsapakae.

Tuturigana 12:15 Referans Kwoze

Tuturigana 20:2

maia e tsaria laka aia ko Sara na tauna na tasina. Ma Abimelek na taovia tsapakae ni Gerar e raigira nina maneaqo kara ba adimaia ko Sara i konina.

Hibru 13:4

Na tauga na omea loki manana, me dou ti igira na tinoni sui kara kukuni tania. Migamu na mane tauga ma na daki tauga kamu manalidoua nimui veke amu naua tana tauga. Sauba God ke kedegira igira ara vainausekoligi, migira ara kiboga.

Jeremia 46:17

“Kamu moloa na soana vaolu vania na taovia tsapakae ni Ejipt, kamu soaginia ‘Manga Rerenge Me Tau Tugua Sa Omea.’

Goko Tabana 29:12

Ti vaga kesa na tinoni tagao e dona na tabeana na turupatu peropero, me sauba igira sui nina mane sasanga kara dona moa na pero.

Goko Tabana 6:29

Eo, me sauba ke seko vanigo goto kalina ti ko ba maturu kolua na tauna kesa na mane tavosi. Sauba nomoa ko gini tsodorota.

Linge 105:4

Igita ka bâ i konina na Taovia rongona aia ke sangagita; ma ka totu sailagi i matana.

2 Taovia Tsapakae 18:21

Igoe o padâ laka aia na taovia tsaapakae ni Ejipt ke sangago, ma na papada vaga ia e vaga saikesa moa ti ko adia kesa na ade ngiti gamu itoro, sauba ke tabokuboku lê me ke toroa na limamu. Maia saikesa nogoria e vaga na taovia tsapakae ni Ejipt kalina ti vaga kesa ke vataragi bâ i konina.”

1 Taovia Tsapakae 3:1

A Solomon e bâ me vaigokovigi kolua na taovia tsapakae ni Ejipt, mara ka vaitabegi tana rongona aia ke taugâ na dalena daki. Me adimaia ke mauri kolua tana nina Verabau a David, poi tsau kalina ke suilavaginia na logoana na valena segeni, ma na Vale Tabu goto, ma na baravatu polia i Jerusalem.

Binaboli 2:15

Mi kalina na taovia tsapakae e rongomia na omea vaga ia e laba, maia e lave sautuna na matesiana a Moses, ma Moses e tsogo me ba totu tana kao ni Midian. Me kesa dani, kalina a Moses e tototu i ligisana kesa na tuvu, mara tu labamai tu vitu na dalena daki a Jetro na manetabu ni Midian, ara tu mai na sao kô, ma na dangaliana niqira omea agana na mani inu igira nina sipi ma nina naniqoti tu tamaqira.

Binaboli 2:5

Ma na dalena daki na taovia tsapakae e mai na leso i kô, migira nina daki aqo ara tataonia na liligina kô. Maia e moro bâ me reia kesa na kei i laoqira na gaugau, me molovanoa kesa nina daki tseka ke ba adimaia vania.

Tuturigana 41:1

Me putsi e ruka na ngalitupa, ma na taovia tsapakae ni Ejipt e bolea laka e tutû liligina na Kô Nile,

Tuturigana 40:2

Maia e kore vanikaira nina mane sasanga kaira,

Esekiel 32:2

“Dalena tinoni igoe, ko ba parovatavikakaia na taovia tsapakae ni Ejipt, mo ko tsarivania na goko iani e talu i koniqu inau: Igoe o pada segenimu laka o susuliga vaga saikesa moa na laeone i laoqira na puku na tinoni sui, minau au tsaria laka igoe o vaga saikesa moa kesa na vua loki e tsipu tsunadato i laona na kô, mo vuloa na boko me gini kuma.

Jeremia 25:19

Iani nogo na mamarena na soaqira igira sui au raiginigira kara sanga inu tana tseu iani: na taovia tsapakae ni Ejipt, kolugira nina mane sasanga ma na tinoni lokiloki; migira sui na Ejipt kolugira sui goto na puku tavosi ara totu i tana; migira sui na taovia tsapakae tana kao ni Us; migira sui na taovia tsapake tana niqira verabau igira na Pilistia i Askelon, mi Gasa, mi Ekron, ma na turina na Asdod; migira sui na tinoni ni Edom, mi Moab, mi Amon; migira sui na taovia tsapakae ni Tire mi Sidon; migira sui na taovia tsapakae tana butona kao ligisana na Tasi Mediteranean; migira na verabau ni Dedan, mi Tema, mi Bus; migira sui ara putsi teteloa na ivuqira; migira sui na taovia tsapakae ni Arabia; migira sui niqira taovia tsapakae na puku ara totu tana kaomate; migira sui na taovia tsapakae ni Simri, mi Elam, mi Media; migira sui goto na taovia tsapakae tabana i vava, igira ara totu ao, migira ara totu varangi. Pipi sui lakalaka na puku tana barangengo popono sauba nomoa kara sanga na inuviana. Me ke muri tsotsodo na inu i konina, aia nogo na taovia tsapakae ni Babilonia.

Tuturigana 12:14

Mi kalina ara savu taligu tana votavota ni Ejipt, migira na tinoni ni Ejipt ara reia laka na tauna a Abram e rereidou sosongo.

Tuturigana 26:7

Mi kalina igira na mane ni tana ara veisuâ a Isaak tana rongona ko Rebeka na tauna, maia e tsaria laka aia na tasina. E tau ngaoa na tsarivulagiana laka ko Rebeka na tauna rongona e matagu kara tau labumatesia igira na mane ni tana ma kara adia ko Rebeka rongona aia e rerei dou sosongo.