Tuturigana 11:11 - Ghari

¹¹ Mi murina ia, maia e mauri goto 500 na ngalitupa me tamanigotoa visana na dalena i muri.

Tuturigana 11:11 Referans Kwoze

Tuturigana 9:7

“Igamu nimui aqo kamu tamani ke danga na dalemui, rongona na kukuamui kara dangaliginia na barangengo popono.”

Linge 144:12

Ko naua migira na dalemami mane vaolu kara vaga moa na gai tsukatsuka ara dato susuliga. Migira goto na dalemami daki kara vaga moa na tuguru ara katsu lelevoa, mara turuvaginigira tana tsuru i valena na taovia loki.

Tuturigana 1:28

me tabugira me tsarivaganana vanigira, “Igamu kamu vasusu babâ, ma na kukuamui kara dangalia na barangengo, ma kara tagaovi poponoa na omea sui i laona. Inau au molovanigamu kamu reitutugu kaputigira na tsetse, ma na manu, me pipi sui na omea mamauri ara totu tana barangengo.

Tuturigana 11:10

Igirani nogo na kukuana a Sem. E ruka moa na ngalitupa murina na obo loki kalina a Sem e 100 ngalitupana, maia e tamanina kesa na dalena mane, a Arpaksad na soana.

Tuturigana 11:12

Mi kalina a Arpaksad e 35 ngalitupana, maia e tamanina kesa na dalena mane a Sela na soana;