Tuturigana 10:22 - Ghari

²² Migirani nogo na dalena a Sem: a Elam, ma Asur, ma Arpaksad, ma Lud, ma Aram, tugirani nogo tu mumuaqira na tinoni tana vera ara tangomalavuginia tu soaqira.

Tuturigana 10:22 Referans Kwoze

Isaia 66:19

mi tana ti kara donaginia laka inau nogoria na Taovia au kedegira. “Me sauba nomoa kau gaegira ke visana vidaqira, ma kau molovanogira i laoqira na puku tavosi tana momoru ao gana kara katevulagia gaqu tangirongo tsapakae vanigira igira ara tau vati rongomia moa se kara reilakana gaqu loki tsapakae ma na susuligaqu. Sauba kau molovanogira i Spain, mi Libia, mi Lidia i tana na tinoni ara dona sosongo na gini vanavana na parige, mi Tubal, mi Gris.

Aqoaqo 2:9

Igita na tinoni ni Partia, mi Media, mi Elam; mi Mesopotamia, mi Judea, mi Kapadosia; mi Pontus, mi Asia,

Isaia 22:6

Igira na mane vaumate talu tana butona kao ni Elam ara sagekae tana niqira ose, mara maimai kolua niqira parige ma na pipili. Migira na mane vaumate ni Kir ara vangarau suinogoa niqira tako.

Isaia 21:2

God e molovaniau inau kau morosia tana bolebole na omea seko loki sauba ke laba. Mau rongomia God e goko me tsarivaganana iani, “Igira na Babilon e kesa rago na puku ara dona sosongo na perobulesi tinoni, ma na sekoliaqira na tinoni tavosi sui. !Me vaga ia, migamu na mane vaumate ni Elam kamu tû ma kamu ba bokia na Babilon! !Migamu na mane vaumate ni Media, kamu ba totu polia na verabau ia! Minau sauba kau suilavaginia na rota loki ara naua igira na Babilon vanigira na vera tavosi.”

Isaia 11:11

Mi kalina ke labamai na tagu ia, maia na Taovia sauba ke gini aqo tugua na susuligana loki, me ke adivisumaigira nina tinoni, igira ara totuvisu moa i Asiria, mi Ejipt, mi Patros, mi Sudan, mi Elam, mi Babilonia, mi Hamat, mi tana vera sui i tasi taligu, ma na momoru i tasi.

Nina Papi A Job 1:17

Me tau vati goko sui moa aia, me labamai goto kesa na maneaqo me tsaria, “Ara tu tolu na alaala popono na Kaldea ara maiginigami mara laugira sui lakalaka nimu kamelo, mara matesigira pipi sui nimu tinoni aqo. Inau lelê moa au tangomana na tsogomauri mau gini mai kau tsarivulagia vanigo.”

2 Taovia Tsapakae 15:19

Maia Tiglat Pileser na taovia tsapakae tana Asiria e mai bokia na Israel, me tû a Menahem me sauvania e tolu sangavulu vati toga kilo na siliva gana ke gini tabana kolua me ke sanga na kakaisiana nina aqotagao.

Tsoko Tinoni 23:7

Maia Balaam e katevulagia i mataqira sui na goko God e mologinia: “Aia Balak na taovia tsapakae ni Moab e soamaiau ieni talu i Siria, tana vungavunga tabana i longa. Me tsarivaniau, ‘Ko mai mo ko vealaginigira vaniau inau na tinoni ni Israel.’

Tuturigana 9:26

!Tsonikaea na Taovia nina God a Sem! A Kanaan sauba ke tseka vania a Sem.

Luka 3:36

ma Sela na dalena a Kainan; ma Kainan na dalena a Arpaksad; ma Arpaksad na dalena a Sem; ma Sem na dalena a Noa; ma Noa na dalena a Lamek;

Tuturigana 10:21

Ma Sem, aia na kulana loki a Japet, maia nogo na mumuaqira igira sui na Hibru.

Tuturigana 11:10

Igirani nogo na kukuana a Sem. E ruka moa na ngalitupa murina na obo loki kalina a Sem e 100 ngalitupana, maia e tamanina kesa na dalena mane, a Arpaksad na soana.

Tsoko Tinoni 24:22

Eo, migamu na Ken sauba kamu seko lê sui kalina igira na Asiria kara aditsekagamu.”

Esekiel 32:24

“Ma na Elam e totu goto i tana, ma na qiluqira nina mane vaumate ara totu polia. Igira sui na tinoni ponotoba, mara mate moa tana vailabu, mara pukatsuna sui nogo tana barangengo na mate. Mi kalina igira na Elam ara tau vati mate moa, migira goto ara dona sosongo na molo matagu vaniaqira na tinoni tavosi. Bâ, mi kalina ia ara ba totu tana vangamâ kolugira igira sui ara mate tana vailabu.

Daniel 8:2

Mi tana bolebole iani inau au totu tana verabau ni Susa, aia ara bara poliginia na vatu, tana butona momoru ni Elam. Mau tutû i ligisana na Kô Ulai.