Tuturigana 1:9 - Ghari

⁹ Mi muri, ma God e tsaria, “Kara saikolu na kô i vavana na masaoka ma kara totu kesa moa tana nauna, rongona ke gini laba na momoru.” Me laba vaga aia e tsaria.

Tuturigana 1:9 Referans Kwoze

2 Petero 3:5

Igira na tinoni ara goko vaganana ia ara vongo kapusia na mataqira. Ara ngaoa moa laka kara padaleginia na aqo God e naugira nogo i sau. I sau, God e goko moa mara gini laba na omea sui i gotu mi lao. Ma na barangengo e botsa datomai talu i laona na koo.

Jona 1:9

Me tsaria a Jona, “Inau na Hibru. Mau samasama vania na Taovia, na God na baragata, aia nogo e aqosi poponoa na kao mamatsa ma na tasi.”

Jeremia 5:22

Inau nogo na Taovia. ?Egua igamu ti amu tau mataguniau inau? ?Megua ti amu tau gagariri i mataqu? Inau nogo au moloa na one i tana ke vosa mai na tasi, aia na vovotana kalavata, me utu goto ke liusia. Na tasi atsa moa ti ke karara loki, me tau moa tangomana ke liusia, ma na panu kara kukutu loki, me tau goto tangomana kara liusia.

Linge 95:5

Na tasi nina nogo na Taovia rongona aia nogo e aqosia; ma na kao goto rongona aia segenina nogo e vusâ.

Sasani Sasaga 1:7

Me pipi sui na kô ara tavevotu sui moa i tasi, me tau goto gini danga na tasi. Ma na kô e visutugua i tana e vuramai, me tuturiga vaolutugua na tave.

Linge 33:7

Maia e sarosaigira na tasi sui kesa moa tana nauna; me vongo kapusia na kema ke totu dodo i laona nina bara.

Nina Papi A Job 26:10

Maia nogo e pedea tana ke ba vosa na tasi, na nauna i tana e tavota na marara tania na rodo.

Na Katemai 10:6

me gini vatsa tana asana God, aia e mauri sailagi na dani ma na dani, me volagira na baragata ma na barangengo ma na tasi, migira pipi sui goto na omea i laoqira. Ma na angelo ia e vatsa me tsaria, “!Eo, sauba e utu manana nomoa ke kisaa!

Linge 104:3

mo logoa na valemu i kelana na ko loki i gotu. O gini aqo na parako mala vaga nimu terê, mo sagekae i kelana na rapona na guguri.

Nina Papi A Job 26:7

God nogo e taporatsania popono na masaoka, me tsauraginikaea na barangengo tana nauna e mangamanga lê.

Tuturigana 1:8

Me soaginia na “Masaoka.” Me bongi me matsaraka. Aia na rukanina dani.

Nehemia 9:6

Mi muri ma Esra e nonginongi vaga iani: “Taovia igoe segeni moa o Taovia; igoe nogo o volâ na baragata migira na veitugu tana masaoka. Migoe goto o aqosigira na momoru ma na tasi, me pipi na omea sui ka laoqira, mo tusu mauri vanigira sui. Migira na angelo ni gotu ara tsuporu i matamu, mara samasama vanigo.