Tuturigana 1:16 - Ghari

¹⁶ Me vaga ia, ma God e aqosikaira ruka na marara loki bâ, na aso ke tagaovi kaputia na dani ma na vula ke tagaovi kaputia na bongi; me aqosigira goto na veitugu.

Tuturigana 1:16 Referans Kwoze

Na Vaolusi Ketsa 4:19

Kamu parovata ma kamu tau samasama vanigira na omea igamu amu reia tana masaoka, na aso, na vula, ma na veitugu. Na Taovia nimui God e sauragoa na omea girani vanigira na tinoni tavosi sui gana kara samasama vanigira.

Linge 8:3

Kalina inau au morodato i gotu tana masaoka aia igoe nogo o aqosia, mau reigira na vula ma na veitugu igoe nogo o mologira tana sasaqira,

Isaia 40:26

!Kamu morodato tana masaoka! ?Laka asei nomoa e volagira na veitugu igamu amu reigira? Aia nogo na Taovia. Maia segenina nogo e ida vanigira vaga moa kesa na alaala na mane vaumate, me donaginia na dangaqira, me molovania pipi vidaqira na soana segeni. Mi tana rongona aia e susuliga sosongo, te e tau goto dona ke tsida sa vidaqira.

Linge 148:5

!Igira sui lakalaka kara tsonikaea na asana na Taovia! Rongona aia nogo e ketsalia ti igira ara botsamai;

Linge 74:16

O aqosia na dani ma na bongi; mo molo kalavatavikaira na aso ma na vula tana ka sasaqira;

Linge 148:3

Tsonikaea kagamu na aso ma na vula; tsonikaea igamu na veitugu amu mokemoke.

Nina Papi A Job 38:7

Mi kalina ara reivaganana ia, migira na veitugu ara gini magemage mara linge kolu, migira sui goto na angelo i gotu ara gudato tana magemage.

1 Korint 15:41

Na aso e tamanina na rereidouna segeni. Ma na vula e kesa segeni na rereidouna. Migira na veitugu e kesa segeni na rereidouqira. Mi laoqira na veitugu e tavosi na vatana na rereidouqira.

Mateo 27:45

Mi tuu tana niaso vota, ma na rodo e tsavua na vera popono, me tsau tana tolu na aso.

Habakuk 3:11

Mi kaira na aso ma na vula ara ka reivô, mara ka gini totudodo kalina ara ka morosigira nimu pipili ara viri lovo tsaku sosongo, me pilapila na makana nimu bao.

Isaia 45:7

Inau nogo au goko me gini laba na marara ma na rodo. Minau goto nogo au molomaikaira sui na tagu dou ma na tagu seko. Inau nogo na Taovia au naugira pipi sui na omea girani.

Isaia 13:10

Pipi sui na veitugu sauba kara tau nogo maka, ma na aso sauba ke rodo moa kalina ke datomai, ma na vula sauba ke tau nogo sina.

Linge 19:6

Aia e tuturiga tana kesa tabana na masaoka, me ba savu taligu tabana. Tagara goto ke kesa na omea tangomana ke popoi tania na paparana.

Na Katemai 21:23

Me tau goto kilia na aso se na vula ke sinaria ti ke gini marara na verabau ia, rongona na mararana God nogo e mararasia, ma na Dalena Sipi nogo e ngiti mararana.

Isaia 24:23

Na vula sauba ke opo, ma na aso sauba ke tau nogo sina maka, rongona na Taovia Susuliga Sosongo sauba ke mai tana mararana ma na susuligana loki, me ke ba totu i Jerusalem tana Vungavunga Sion, ma kara morosia gana loki tsapakae igira sui gaqira ida na tinoni.

Nina Papi A Job 31:26

Mi kalina au reia na aso e sina maka sosongo tana parako, ma na vula e rereidou sosongo kalina e datomai tana saipono, me tau goto siloviau ma kau ngaoa na samasama vanikaqira, ma kau domia na limaqu tana kukuni tanikaqira.

Mateo 24:29

“Me ke tau moa oka i murina na dani seko loki vaga ia, me sauba ke rodo na aso, me ke tau goto maka na vula, ma kara puka na veitugu talu i gotu. Ma na omea susuliga sui ni gotu sauba kara pitsa tania na sasaqira.

Tuturigana 1:15

migira kara maka tana masaoka ma kara mararasia na barangengo.” Mara laba sui igira na omea aia e tsaria.

Jeremia 31:35

Na Taovia aia nogo e moloa na aso ke marara tana dani, ma na vula ma na veitugu kara marara tana bongi, me ovukaea na tasi me gini karara popono. Ma na soana ia aia nogo na Taovia Susuliga Sosongo.