Tangitangi 4:3 - Ghari

³ Me atsa moa na tinaqira na pai atsi mara dona kara tsutsudougira na daleqira, migira moa niqu tinoni inau ara vaga saikesa moa na vatana na manu ara soaginia na “ostrik” ara tsoni taumala na daleqira.

Tangitangi 4:3 Referans Kwoze

Esekiel 5:10

Mi kalina kau nauvaganana ia, migira na tamaga i Jerusalem sauba kara gania na daleqira, migira na baka sauba kara gania na tinaqira ma na tamaqira. Eo, sauba kau kedegamu igamu, migira sui i laomui ara pitsa tania na mate tana tagu ia, minau sauba kau sarangasigira bamai tana barangengo popono.

Tangitangi 4:10

Migira na daki dou ara galuve sosongoligira na daleqira, ara tû mara kuki segenia na daleqira ngiti gaqira mutsa kalina igira na gala ara toroutsania na Jerusalem.

Tangitangi 2:20

!Taovia ko moromai! !Ko morosigira igira igoe o rotasi sosongoligira! !Igira na daki ara gania na konina na daleqira galugaluve! !Na gala ara matesigira na manetabu ma na propete i laona saikesa nogo na Vale Tabu!

Jeremia 19:9

Mi kalina igira na gala kara mai na bokiana na Jerusalem, me sauba kara totupoli poponoa na verabau ia. Migira na tinonina sauba kara gini rota na vitoa, ma kara gania na daleqira segeni, ma na koniqira goto gaqira verakolu.’ ”

Aqo Manetabu 26:29

Migamu sauba kamu vitoa seko sosongo ma kamu ganigira na dalemui segeni.

Roma 1:31

Ara totu bubulega lee, mara tau saikesa naua na omea ara vekea na nauana, mara voo goto na galuveaqira se na sangaqira na tinoni tavosi.

Isaia 49:15

Me tû na Taovia me goko vanigira me tsaria, “?Laka tangomana kesa daki ke dona na padaleana na dalena boruboru, me ke tau galuvea na baka aia e vasua? Me atsa moa ti aia ke padalea na dalena tetelo, minau e utu saikesa kau padalegamu igamu.

Isaia 13:22

Me sauba ke tangi moa na ileilena niqira kanga na pai atsi i laoqira na kusudato ma na valeqira na taovia tsapakae. !Eo, nina tagu na toroutsa na Babilon e labamai nogo! !Me sauba ke tau oka me ke sui saikesa vania!”

Isaia 34:13

Na itai kokonaga ma na matetsoa sauba kara viri poko tsavugira sui na valeqira na tinoni tataovia, ma na vera ara barapoliginia na vatu, migira moa na pai atsi ma na tei sauba kara totu i laoqira.

1 Taovia Tsapakae 3:21

Mi tana matsaraka dani ngana, kalina inau au mamata mau vangarau laka kau palâ na dalequ, te au reia laka aia e mate nogo. Mau morosidoua, mau reia laka e tau na dalequ inau.”