Tangitangi 3:3 - Ghari

³ me ramitsiau tana dani popono, me tau goto gaeau.

Tangitangi 3:3 Referans Kwoze

Isaia 63:10

Migira moa ara sove tania, me gini melu nina Tarunga Tabu. Maia nogoria na rongona ti na Taovia e vaigalagi kolugira, me vailabu kolugira.

Isaia 5:25

Na Taovia e kore sosongo vanigira nina tinoni me vangaraunogoa na kedeaqira. Ma na vungavunga sauba kara kakanu, ma na kubuqira igira ara mate sauba kara tsaro bamai lê tana sautu vaga moa ti na kutso. Me atsa moa ke vaga ia, ma na korena na Taovia e utu goto ke sui, ma na limana sauba nomoa ke tatakatsi babâ moa gana na kedeaqira.

Isaia 1:25

Inau nogo sauba kau rotasigo igoe, ti ke gini gotodoutugua nimu sasaga. Eo, sauba kau malesigo vaga moa kalina ara moloa na siliva i laona na lake romaroma gana na malesiligi taniana pipi na bauna.

Nina Papi A Job 31:21

“Me ti vaga au peqonogoa sa baka tinamate, rongona au dona nogo laka sauba ke gini mana moa gaqu tana tinete,

Na Vaolusi Ketsa 29:20

Na Taovia e utu saikesa ke padalea na tinoni e nauvaganana ia. Me sauba moa na korena loki na Taovia ke botsadato vaga na lake me ke iruvia, me sauba kara gadovia aia pipi sui na omea seko ara marea i laona na papi iani, poi tsau kalina na Taovia ke matesiligi saikesalia.

Linge 38:2

Igoe o bokaliginiau nimu pipili; mo surukeliginiau na limamu mau puka.

Nina Papi A Job 6:4

Nina pipili nogo na God Susuliga Sosongo e vanasi lobatiginiau, ma na tabatu e totu tana pipili e liuvia na koniqu popono. God nogo e molo palatetegira nina omea mamataguniga kara maiginiau.

Nina Papi A Job 16:12

Tana idana minau au totu dou rago, maia God e mai me tangolia na lioqu, me lumu rapasiau, me moloau kau lia nina omea na sasanigado.

Nina Papi A Job 19:21

“!Migamu na kulaqu, kamu galuveau kiki! Na limana nogo God e labu pukaliginiau.