Biblia Todo Logo
Bib sou entènèt

- Piblisite -




Tangitangi 1:2 - Ghari

2 Mi tana bongi popono aia e ngangai moa; ma na kô na matana e sarara tsuna tana ngorana. Mi laogira sui lakalaka na kulana ni sau, e tau lelê goto totuvisu ke kesa ke verea. Igira ara tabana kolua tana idana ara tû mara sauligia, mi kalina ia igira sui ara vaigalagi kolua.

Gade chapit la Kopi




Tangitangi 1:2
30 Referans Kwoze  

Au gini kolae sosongo na melu; pipi tana bongi na nigequ e gini kudo popono niqu ngangai; ma gaqu lulunga e gini pori popono na kô na mataqu.


Kamu laka na tutunina niqira goko gamui verakolu, se na noruaqira na kulamui. Kamu parovata dou tana omea sui amu tsaria, atsa moa ti kalina amu goko vania na taumui.


“Ko rongomiau kalina au kukungu. E tagara kiki ke kesa ke vereau. Igira gaqu gala ara gini mage sosongo rongona igoe o alomaia na rota seko loki ke gadoviau. Ko molomaia na dani na tangotugu vaga igoe o veke nogoa. Ko naua migira gaqu gala kara vatsangia na rota loki vaga au vatsangia inau.


“Minau au soagira igira ara tabana koluau i sau, migira sui ara sove saikesa na sangaaqu. Migira niqu manetabu ma na tinoni lokiloki ara viri mate sui tana niqu sautu loki, kalina ara lalave gaqira mutsa gana ke tangoligira ma kara gini mauri.


Nina sasaga tabaru ara totu malemale saikesa, maia e tau moa gini boe na omea kara laba vania i muri. Aia nogo na rongona te e gini puka saikesa gana susuliga, me tagara goto ke kesa ke verea. Maia e tsaria, “!Taovia, ko galuveau kiki tana niqu rota loki, rongona igira gaqu gala ara tuliusiau nogo!”


Igira sui lakalaka na puku tavosi, igira amu norugira kara sangagamu, ara padalegamu nogo, mara tau goto nogo boeginigamu. Inau au baginigamu vaga nogo kesa gamui gala, mau kedelokigamu rongona igamu amu tabaru seko sosongo, mara danga sosongo nimui sasi.


Me ti vaga igamu kamu sove moa na rorongo, minau sauba kau ngangai loki i tobaqu tana rongona nimui sasaga kaekae; me ke ro loki na kô na mataqu tana rongona ara aditsekavanogira sui nogo nina tinoni na Taovia.


Ke dou ti vaga na lovaqu ke vaga na vuravura na kô tana e sarara mai na kô na mataqu, gana kau ngangaisigira na dani ma na bongi igira niqu tinoni ara viri matesigira nogo.


!Jerusalem igoe o seko pitsu nogo! ?Laka rongona gua ti o sagelia na polo tsitsibora vaga ara sagelia igira na daki taovia? ?Me rongona gua goto ti o gini inilau na inilau matega loki sosongo mo tolea na matamu? !Igoe o aragolea na rereimu ke gini rereidou sosongo, me tau saikesa tamani sa rongona! Igira ara galuvego i sau ara reisavigo nogo kalina eni, mara area moa na matesiamu.


Igira sui lakalaka gaqu gala ara reisaviau, migira sui gaqu verakolu ara gilugaqu; migira sui ara donadouginiau ara mataguniau moa; mi kalina ara tsodoau i sautu, mara tsogoligi taniau.


Migira na sangavulu kakatsana igoe o reigira, igira nogoria kolugotoa na omea atsi loki, sauba kara reisavia na rebi ia; me sauba kara lauligi tania pipi nina omea sui e tamanina, ma kara moloa ke totu malaiole lee; me sauba kara gania na lakana, ma kara kodoa tana lake.


Mi tugira tu sangavulu na taovia tsapakae e kesa moa na atsa tu niqira papada, mara tu tuu mara tu saua tu susuligaqira ma tu niqira tsotsovata vania na omea atsi loki.


Aia sauba ke ulo tsarimuriqira igira aia e ngaogira, me utu nomoa ke ba tsauligira. Sauba ke lavegira, me utu nomoa ke ba tsodogira. Mi muri, maia sauba ke tsaria, ‘Inau sauba kau visutugua i konina na savaqu idaida, rongona kalina au totu kolua aia, minau au totu dou bâ liusia kalina ia.’


Mi tana rongona igoe o nauvanganana ia, minau sauba kau adisaigira sui nimu udu ni sau, igira igoe o galuvegira, migira goto igoe o reisavigira, ma kara mai tu polipoligo, mi tana ti inau kau veroligi tanigo na polomu, ma kau molovanigira kara morosigo kalina ko malaiole.


Minau na mataqu ara gini pasa nogo na ngangai, me gini ponopala sosongo tobaqu, me gini tarese na kosuqu na reiaqira niqu tinoni ara viri mate sui, migira na baka ma na meomeo ara gini mateluvu na vitoa tana sautu loki na verabau.


Na Taovia e tsaria, “Ti vaga kesa na mane ke tsonitsunâ na savana, ma na daki ia ke bâ me ke lia goto na tauna kesa na mane tavosi, me tabu vanigotoa na mane ia ke adivisutugua na daki ia. Na sasaga vaga nogo iani e dona ke naqugasia na kao popono. !Migoe Israel, o tamanina danga sosongo nimu god peropero, vaga moa kesa na daki rebi e tamanina danga sosongo gana udu, eo, mi kalina ia, migoe o ngaoa moa ko visumaitugua i koniqu inau!


Igira na kulana manana kesa tinoni e tau tamanina sa omea ara reisavia. Migira sui goto gana saidou ara vanoligi tania. Me atsa moa ti ke tovokakaia na laveaqira, me utu goto ke tsodogira.


Na vula ma na vula au tau lelê dona nagua au totu vania; na bongi ma na bongi au totu vania moa na rota.


Bâ, migamu na kulaqu, amu peroau lê vaga moa na ko tsatsali e tavongani mamatsa buto lê kalina e tau tumu na usa.


Igira ara tsutsuka tana ngangai, sauba kara tsuri tana magemage.


Igoe Israel, ko laka na tamiana ke gini pulo tuamu, se ke mamatsa liomu na takuvi tsariaqira na god peropero. Migoe o tsaria, ‘!Tagara! Inau e utu goto kau pilovisu i konimu igoe. E oka nogo au galuvegira na god ni veratavosi, me sauba nomoa kau tsarimurigira.’ ”


Mi kalina au vitoa, migira ara palaginiau na tabatu; kalina au marou, mara sauvaniau na ko vavai.


Swiv nou:

Piblisite


Piblisite