Sekaria 9:9 - Ghari

⁹ !Kamu magemage igamu na tinoni ni Sion! !Ma kamu gudato tana mage loki igamu na tinoni ni Jerusalem! !Kamu reia bâ nimui taovia tsapakae e maimai nogo! Aia e tangomana me mana nogo gana, me molotsunali segenina me sagekae i gotuna na asi vaolu.

Sekaria 9:9 Referans Kwoze

Sekaria 2:10

Ma na Taovia e tsaria, “!Kamu lilinge tana magemage igamu na toga ni Jerusalem! !Inau au maimai nogo gana kau totu i laomui!”

Marko 11:7

Mara ka tudumivanoa na asi vania a Iesu, mara ka tsaboa ka poloqira i gotuna na asi, mi muri mara ka tangolivania a Iesu maia e dato i gotuna.

Isaia 43:11

“Inau segeni moa na Taovia, minau lelê moa tangomana kau laumaurisigamu.

Mateo 11:29

Kamu tami na kalagaiana gaqu kalagai, ma kamu sasani i koniqu, rongona inau au tsalapo dou, mau voo na kaekae. Mi tana nogo ti igamu kamu tamaniginia na rago i laona na tobamui.

Isaia 40:9

Ko dato bâ i kelana kesa na vungavunga katsi, mo ko ba turupatuna na turupatu dou vanigira i Jerusalem. !Ko gudato me ke tangi loki bâ na liomu kara gini rongomia igira sui tana Sion! Ko gokolaba mo ko laka goto na matagu. Ko tsarivanigira na tinoni pipi sui tana vera ni Juda laka e maimai nogo niqira God!

Isaia 62:11

na Taovia nogo e tetevagini gokona vanigira na tinoni sui tana barangengo popono me ketsaligira kara tsarivaganana iani vanigira na tinoni ni Jerusalem, “Igamu na tinoni ni Jerusalem, kamu reia bâ, e maimai nogo nimui vagamauri, me dulikolumaigira igira na tinoni aia e suivisugira nogo.”

Isaia 43:3

Rongona inau na Taovia nimui God, na God tabu ni Israel minau nogo au laumaurisigamu. Kalina igamu amu totu moa tana limaqira gamui gala, inau au tusugira na Ejipt, ma na Sudan, ma na Seba, na tugumui, rongona igamu kamu gini totu tanusi.

Isaia 12:6

!Igamu sui amu totu i Sion kamu gudato tana mage ma kamu linge! Rongona nimui God tabu igamu na Israel e loki tsapakae, me totu nogo i laomui igamu nina tinoni.”

Linge 2:6

Me tsarivaganana vanigira, “Inau segeniqu nogo au turuvaginia aia au vilia ke lia na taovia tsapakae, mi Sion nogo tana niqu vungavunga tabu au molovania ke totu.”

Ioane 1:49

Me novo a Nataniel me tsaria, “!Ei, Taovia, igoe manana na Dalena God! !Igoe nogo nimami Taovia Tsapakae igami na Israel!”

Mateo 1:21

Me sauba ke vasua kesa na dalena mane, migoe ko soaginia a Iesu, (ma na rongona na soa ia ‘Vagamauri’), rongona aia nogoria sauba ke maurisigira nina tinoni tania niqira sasi.”

Jeremia 30:9

Tagara, sauba moa kara aqo vaniau inau na Taovia niqira God, me vanigotoa kesa na kukuana a David aia inau sauba kau molokaea ke lia na taovia tsapakae.

Isaia 45:21

Kamu mai, ma kamu vaigokovigi talu, mi muri ma kamu sauvulagia nimui gogoko tana tinete. ?Laka asei nomoa e kate idanogoa i sau vasau na omea sauba ke laba? ?Me laka e tau inau nogo na Taovia, aia na God e laumaurisigira nina tinoni? E tagara goto sa god tavosi.

Linge 45:1

Na tsaqina na goko laka ara labadato tana papadaqu, kalina inau au tê gana linge na taovia tsapakae. Na lapiqu e vaga saikesa moa ti nina peni na mani mamare kesa na tinoni e dona sosongo na mamare.

Ioane 19:15

Migira ara guguu mara tsarivisu vania, “!Matesia! !Matesia! !Pogaa tana gai ulutaligu!” Ma Pilate e veisuagira, “?Me laka amu ngaoa kau pogaa tana gai ulutaligu gamui taovia tsapakae?” Migira na taovia na lotu ara gokovisu mara tsaria, “!E kesa lelee moa gamami taovia tsapakae igami, aia nogo na Sesar!”

Mateo 2:2

Mara veisuaa: “?Laka iava e botsa aia na meomeo sauba ke taovia tsapakae vanigira na Tsiu? I tugami ami tu morosinogoa na veituguna kalina e labadato i longa, mami tu gini mai na tsuporu vaniana.”

Luka 24:27

Mi tana, ma Iesu e vuresi makali vanikaira na omea ara marea tana rongona ia pipi tana Mamare Tabu, tuturiga tana nina mamare a Moses, me baa tana niqira mamare igira sui na propete.

Tinoni Pede 10:4

E tamanigira tolu sangavulu na dalena mane, migira ara sage i gotuna tolu sangavulu na asi. Mara tamanigotoa tolu sangavulu na verabau tana kao ni Gilead, me tsaumai i dani eni ara soaginigira na vera girani nina vera a Jair.

Linge 149:2

!Kamu gini magemage igamu na Israel, rongona God nogo e aqosigamu; kamu gini mage loki igamu na toga ni Sion, tana rongona nimui taovia tsapakae!

Isaia 30:6

Iani nogo nina goko God tana rongoqira igira na omea atsi ara totu tana kaomate tabana i ata: “Igira na mane adigoko ara liu i laona kesa na butona kao mamataguniga sosongo, i tana ara totu na laeone, ma na muata vogata, ma na doudoumanu. Ara lutsangiginia niqira asi ma niqira kamelo na vangalaka loki matena vania kesa na puku e tau tangomana ke sangagira.

Isaia 33:22

Ma na itaina niqira vaka ara viri obeobe sui me utu nogo kara tangolikakaia na tuguru, me utu goto ke tavuresi niqira selo. Migita sauba ka ba laugira pipi sui niqira omea levolevo igira gada gala, me ke danga sosongo na omea ma kara mai goto igira na logu ma kara adigotoa niqira turina. Na Taovia segenina nogo sauba ke lia nida taovia tsapakae; maia sauba ke tagaovi kaputigita me ke reitutugugita.

Isaia 57:15

“Inau nogo na God tabu loki mau totu saviliu. Inau au totu i gotu vasau tana nauna tabu, mau totu goto i laoqira na tinoni ara totu palatsuna mara padasavia niqira sasi, gana kau kakaisia na tobaqira, ma kara gini mauri doutugua.

Hosea 1:7

Migira moa na tinoni tana Juda sauba kau galuvegira. Inau nogo na Taovia niqira God, me sauba nomoa kau maurisigira. Me ke tau goto kilia kau maurisigira tana vailabu kolua na isi, na parige, ma na pipili, se kau mologira na mane vaumate ara sage tana ose kara ba sangagira.”

Mika 5:2

Ma na Taovia e tsaria, “Igoe Betlehem Eprata, igoe kesa o palatsuna i laoqira na vera sui tana Juda, mi laomu nogo igoe, sauba ke botsamai kesa na ida loki, maia nogo sauba ke tagaovigira na Israel, ma na vungu konina ia e tu mai nogo i oka.”

1 Taovia Tsapakae 1:38

Vaga ia, mi tugira a Sadok, ma Natan, ma Benaia, migira nina mane matali na taovia tsapakae ara tu molokaea a Solomon i kelana nina asi a David na taovia tsapakae, mara tu dulikolua mara tu vano i tana kô vuravura ni Gihon.

Isaia 52:7

!E dou sosongo na morosiana aia e adi turupatu mai. E ulo gaukutimai tana vungavunga, me adimaia na turupatu dou, na turupatuna na rago! E katevulagia laka God e laumaurisigira nogo nina tinoni, me tsarivania Sion: “!Nimu God aia nogo e taovia tsapakae!”

Esekiel 21:32

Migamu sauba manana nomoa ke gani sekoligamu na lake. !Ma na gabumui sauba ke tareo i laona na veramui segeni, me ke tagara goto ke kesa ke padavisugamu tugua! Inau nogo na Taovia au tsaria na omea iani.’ ”

Mika 4:8

Migoe Jerusalem, God nogo e totu i laomu, me reitutugugira nimu tinoni, vaga moa kesa na mane reitutugu sipi dou e reitutugugira nina sipi. Migoe sauba ko lia tugua na verabau pukuga vaga nogo i sau.