Sekaria 9:3 - Ghari

³ Na Tire e logo vanisegenina na baravatu kakai, me tsupulaginigira danga sosongo nina siliva ma nina qolumila, mara lia vaga moa ti omea lê vania.

Sekaria 9:3 Referans Kwoze

Esekiel 27:33

Mi kalina igoe o molo vanogira nimu omea gana na tsabiri tana vera i mao, migira na tinoni sui ni tana ara gini mage na voliana i konimu na omea ara kilia. Migira goto na taovia tsapakae ara gini tamani niqira omea danga tana na vangana nimu omea tatamani igoe.

Nina Papi A Job 27:16

Me atsa moa ti igira na tinoni vanga tsutsukibo ara tamanina danga sosongo niqira siliva me ke utu na tsokoraeaqira, me ke danga na poloqira me ke utu kara sageligira sui,

2 Samuel 24:7

Mi muri, mara ba tada i Tire na verabau ara barapoliginia na vatu, mi koniqira niqira verabau sui igira na Hivi ma na Kanaan, mi tana susuina mara ba tsau i Beerseba tana Juda tabana i ata.

Josua 19:29

Mi muri, ma na votavota e pilokalea i Rama, me tsau bâ tana verabau loki i Tire ara barapoliginia na baravatu kakai; mi muri me pilokalea i Hosa, me ba vosa tana Tasi Mediteranean. Me adisaikolugotoa i Mahalab, Aksib,

Isaia 23:8

?Laka asei nomoa e voro ganamate na Tire, aia na verabau susuliga loki, migira nina mane kavoqolo ara tinoni lokiloki sui, mara padalokigira tana barangengo popono?

Nina Papi A Job 22:24

Ko tsoniligigira sui nimu qolumila, ma nimu qolumila laka ni Opir i laona na kô tatave.

1 Taovia Tsapakae 10:27

Mi tana tagu popono a Solomon e tagao ma na siliva ara danga moa vaga na vatu lê, ma na gai na sida ni Lebanon ara danga vaga moa na gai lê bamai i tuana na vungavunga tana Juda.

1 Taovia Tsapakae 10:21

Igira sui pipi nina tseu na inu a Solomon ara aqosiginia na qolumila, migira sui na vangana gana na mutsa ara totu i laona na Voki na Legai ni Lebanon ara aqosiginigira na qolumila laka. Mara tau goto aqosiginia sa omea na siliva rongona tana taguna e taovia tsapakae a Solomon ara tau padalokia na siliva.

Isaia 23:11

Na Taovia e tatakatsininogoa na limana i kelana na tasi me tsoni pukaligira na veraloki sui. Me moloketsana kara toroutsanigira pipi sui na verabau agana na tsabiri ma na voli omea ara totu tana Ponisia.

Esekiel 26:12

Migira gamu gala sauba kara adi tamaniqira sui nimu qolo ma nimu vangana na tsabiri. Me sauba kara vui pukaligira nimu baravatu ma kara toroutsanigira nimu vale rereidou sosongo. Ma kara tû ma kara tsakogira na vatuna, ma na gaina, me pipi sui na tarutuna, ma kara ba tsonigira i tasi.

Esekiel 27:34

Mi kalina ia igoe o toga nogo i tasi, mo ba tsuna i laona na maorodo. Me pipi sui nimu omea levolevo kolugira sui goto igira ara aqo vanigo ara ba nanga lê kolugo i laona na tasi.’

Nina Papi A Job 3:15

se kolugira igira na tinoni lokiloki ara dangaliginia na valeqira na qolumila ma na siliva;

Esekiel 27:27

Me pipi sui nimu vangana na tsabiri, migira sui lakalaka nimu mane reitutugu vaka, migira goto nimu mane tita vaka kolugira igira ara naua nimu aqo na tsabiri, me pipi sui nimu mane vaumate ara totu i laomu, igira sui lakalaka ara lulumi mara nanga lê i laona na tasi, kalina igoe o ba toga tana tseve.

Esekiel 28:1

Na Taovia e goko vaniau me tsaria,

Amos 1:9

Na Taovia e tsaria, “Igira na tinoni ni Tire ara sasi babâ moa, mi tana rongona ara nauvaganana ia, ti inau sauba nomoa kau kedegira. Igira ara tsonitsekavanogira tana kao ni Edom kesa na alaala popono na tinoni, mara tau manalia niqira tabana na vekesai gana na vaigaluvegi vaga ara vekea kara naua.