Sekaria 9:13 - Ghari

¹³ Inau sauba kau gini aqo na Juda vaga nina parige kesa na mane vaumate, migira na Israel vaga niqu pipili. Ma kau gini aqo igira na mane ni Sion vaga moa niqu isi, na mani vailabugi koluaqira na mane ni Gris.”

Sekaria 9:13 Referans Kwoze

Na Katemai 17:14

Mi tugira sauba kara tu gini vailabugi kolua na Dalena Sipi. Maia na Dalena Sipi kolugira nina tinoni segeni, igira aia e viligira sui nogo, me kolugira goto igira ara muridoua nina goko, sauba kara sugutitugira na sangavulu na taovia tsapakae, rongona na Dalena Sipi aia nogo e Taovia Loki vanigira na taovia loki sui, me Taovia Tsapakae vanigira goto na taovia tsapakae sui.”

Isaia 49:2

Aia e naua ma niqu tsaqina goko ara vavanga vaga na isi. Maia e tsavupoiginiau na limana segeni. Me naua mau gini vavanga vaga na pipili e totu vangarau gana na vanavana.

Sekaria 1:21

Minau au veisuâ, “?Nagua ara tu mai matena na mane tugirani?” Maia e gokovisu me tsaria, “Tugira ara tu gini mai rongona kara tu molo matagu vanigira, ma kara tuliusigira na puku ara bingi sekoligira na tinoni tana Juda mara sarangasigira bamai.”

Linge 45:3

Ko kautsikakaia na basana nimu isi igoe taovia tsapakae susuliga sosongo. E laba maka takuti na makana gamu tangirongo.

Na Katemai 19:21

Ma niqira alaala na mane vaumate ara gini lamuta sui na isi e labarutsumai i mangana aia e sage i gotuna na ose; migira na manu sui ara gini masu na ganiana na lakaqira na lamuta.

Na Katemai 19:15

Me kesa na isi vavanga sosongo e labarutsu i mangana aia, agana nina mani labu pukaliginiaqira na vera loki sui. Maia sauba ke tagaovi kaputiginigira nina itoro tapala, me ke tsogori rapasiginigira sui na uaenina nina momosatoba ma nina kore loki aia na God Susuliga Sosongo.

Na Katemai 2:12

“Ko mamare baa vania na angelo e reitutugua na lotu i Pergamum, mo ko tsarivaganana vania: “Iani nogo e vaga na goko e talumai i konina aia e tamanina na isi e vavanga ruka levu.

Na Katemai 1:16

Mi tana limana madoa e tangolitugira vitu na veitugu, mi tana mangana e rutsumai kesa na isi vavanga ruka levu. Ma na ngorana e maka vaga na makana na aso tana niaso vota.

Hibru 4:12

Na gokona God e totu mamauri saviliu, me aqo susuliga, me vavanga liusia baa na isi e vavanga ruka levu. Me dona ke tsulu tsapatugu i tana ara ka sai na tidaona ma na sasagana tinoni, na sulina ma na okana na sulina tinoni. Maia e pedegira pipi sui na papada ma na kili ara totu popoi i laona na tobana tinoni.

2 Timoti 4:7

Au vailabu kakai nogo tana vailabugi, mau tovokakai goto laka ke managaqu tana ulo. Mau ulo tsau nogo tana susuina, mau tangolikakaia moa niqu tutuni.

Epesus 6:17

Kamu adia na maurina God ngiti gamui kepi tapala; ma nina goko God ngiti nimui isi, aia na Tarunga Tabu e tusuvanigamu.

Amos 2:11

Au viligira nogo visana na dalemui kara lia na propete, ma kara visana na mane vaolu kara lia na Nasirite. ?Me laka e tau mana ia igamu na tinoni ni Israel? Inau nogo na Taovia au tsaria na omea iani.

Tangitangi 4:2

Migira na mane vaolu ni Sion, igira igita a padaloki sosongoligira vaga moa ti na qolumila laka, mi kalina ia ara nauvanigira vaga saikesa moa ti na popovatu lê.

Jeremia 51:20

Na Taovia e tsaria, “Igoe Babilon, igoe nogo niqu tupi inau, niqu sagore na vailabu. Au aqoginigo nogo igoe gana na tupi rapasiaqira na puku danga ma na veraqira na taovia tsapakae.

Linge 149:6

Kara gudato kalina ara tsonikaea God, kolua na isi vavanga tana limaqira,

Linge 144:1

!Tsonikaea na Taovia aia e reitutuguau! Aia nogo e sasaniau na aqona na vailabu, me vangarauau na vano tana vailabu.