Sekaria 9:11 - Ghari

¹¹ Ma na Taovia e tsaria, “Tana rongona nogo na vaitasogi au naunogoa kolugamu, aia igamu amu manaliginia na gabu na savori-kodoputsa, ti sauba kau mologira nimui tinoni kara totu tanusi, tania na tuvu mamatsa na totu tseka.

Sekaria 9:11 Referans Kwoze

Isaia 51:14

Igira ara totu tseka kalina ia, sauba ke tau oka ma kara totu tanusi, ma kara mauri oka ma gaqira mutsa sauba ke tugugira dou.

Binaboli 24:8

Mi muri, ma Moses e adia na gabu e totu tana popo me tsirikagini bâ i koniqira na toga me tsaria, “Iani nogo na gabu e manalia na taso aia na Taovia e naupatâ kolugamu kalina e vaturigira vanigamu na ketsa sui girani.”

Isaia 42:7

Migoe sauba ko naua ma kara moro igira na koko, mo ko nusigira igira ara totu sosori i laona na vale rodo.

1 Korint 11:25

Mi murina na mutsa, maia e nauvaganana goto, e adia na tseu na uaeni me tsaria, “Iani na tseu na gabuqu, na tseu na taso vaolu. Kalina kamu inuvia na tseu iani, kamu naua na mani padaginiaqu.”

Mateo 26:28

Iani na gabuqu, na gabu na taso vaolu. Aia nogo na gabuqu ke rutsu na mateqira na tinoni danga, ti ke gini veoligigira niqira sasi.

Hibru 10:29

?Me ti ke vaga ia, me laka nagua sauba ke laba vania na tinoni ti ke peaa na Dalena God, me ke tsogoritsunaa na gabuna nina taso vaolu God aia e vulimale vaninogoa nina sasi ia? ?Mi muri ke tuu, me ke peagotoa na Tarunga Tabu aia e vangalaka sosongo vaninogoa aia? !Tinoni vaga ia, sauba nomoa ke loki liuliu baa na kede ke gadovia aia!

Isaia 61:1

Na Taovia God e dangaliginiau nina Tarunga. Me viliau kau adivanoa na turupatu dou vanigira na tinoni sekona lê, ma kau veregira igira e melu loki na tobaqira, ma kau suivisugira igira ara lautsekagira, ma kau maurisigira igira ara totu sosori.

Isaia 49:9

Minau sauba kau tsarivanigira igira ara totu sosori, ‘!Kamu totu tanusi!’ Me vanigira igira ara totu tana rodo, ‘!Kamu rutsumai tana marara!’ Me sauba igira kara magemage vaga na sipi ara mutsamutsa i kelaqira na tetena;

Linge 69:33

Rongona na Taovia e rongomi vatavigira igira ara kilia na sasanga, me utu ke padalegira nina tinoni ara totu moa i laona na vale sosori.

Linge 40:2

Me tû me raqadatoau tania na qiluna na mate, me tanigotoa na bilolona na kao. E molokaea na tuaqu tana vatu mau tsotso tana kakaina.

Marko 14:24

Ma Iesu e tsaria, “Iani na gabuqu, na gabu na taso vaolu. Aia nogo na gabuqu sauba ke rutsu na mateqira na tinoni danga.

Luka 22:20

Mi murina na mutsa, maia e adia na tseu na uaeni, me sauvanigira me tsaria “Iani na tseu nina taso vaolu God, me mana tana gabuqu sauba ke rutsu na tugumui.

Isaia 58:12

Migira nimui tinoni sauba kara logovisutugua na vale ara totu toroutsa oka nogo tana avuna saikesa nogo na vale ni sau. Ma kara soaginigamu, ‘Na tinoni ara pakadatotugua na baravatuna na veraqira mara logovisutugua na valeqira ara totu toroutsa.’ ”

Linge 30:3

mo tangolivisuau tania na qilu. E varangi nogo kau puka tana qouna na mate, migoe o sogogaqu mau gini mauri.

Na Vaolusi Ketsa 5:31

Migoe moa a Moses ko totu koluau inau ieni, minau sauba kau tusuvanigo pipi sui niqu ketsa ma niqu vali. Ko sasaniginigira na tinoni, rongona igira kara gini muritaonigira i laona na kao aia inau sauba kau sauvanigira.’

Hibru 13:20

Inau, au nongi sailaginia God vanigamu sui. Aia God na Taovia na Rago, maia nogo e maurisivisua a Iesu Kristo nida Taovia tania na mate. Maia nida Reitutugu Sipi Loki Tsapakae manana rongona e reoa na gabuna segeni ke gini tukakai saviliu na taso vaolu.

Luka 4:18

“Nina Tarunga Tabu na Taovia e totu i koniqu, maia nogo e viliau, gana kau adivanoa na Turupatu Dou vanigira na tinoni ara tau tamanina sa omea. Aia e molomaiau rongona kau tsarivulagia laka kara tanusi igira ara totu sosori, ma kara momorotugua igira ara koko, ma kara totu sabe igira ara bingi sekoligira,

Isaia 42:22

Bâ, mi kalina ia, migira nina tinoni ara totu sekoseko lê. Ara mai gaqira gala mara laugira sui niqira omea levolevo, mara ba tsonigira tana vale sosori, mara vongo kapusigira tana baba i vavana na kao. Me tagara goto ke kesa ke mai me ke laumaurisigira.

Jeremia 38:6

Mi tana, mara tu adiau, mara tu molotsunaginiau na ropu i laona nina tuvu a Malkia na dalena nogo na taovia tsapakae, aia na tuvu e totu i laona na pakokana valeqira na mane matali. Me tagara goto sa kô i laona na tuvu ia, ma na boko segeni moa, mau ba lupilupi i laona na boko mate.

Na Katemai 20:3

Ma na angelo e tsonitsunaa Satan tana qou loki, me kikapusia na matsapana, me bulutiginia na bubulutina, rongona ke gini utu goto vania Satan na peroginiaqira na tinoni tana barangengo popono, poi tsau ke putsi kesa na toga na ngalitupa. Mi muri ti kara nusitugua, me ke totu lee kesa moa tana tagu tetelo.

Daniel 2:29

“Kalina igoe taovia o mamaturu moa, mo reia tana bolebole na omea sauba ke laba tana tagu ke mai; ma God, aia moa e dona na saulabatiana na omea ara totu popoi, aia nogo e sauvulagi vanigo tana maturu na omea sauba ke laba.

2 Turupatu Dato 7:17

Me ti vaga igoe ko aqodou manana vaniau vaga nogo e naua a David na tamamu, mo ko muridougira niqu ketsa, mo ko naugira pipi sui na omea inau au ketsaliginigo ko naua,

2 Samuel 13:13

?Me sauba ke koegua sagata ti inau kau liu tugua i mataqira na tinoni? Migoe, sauba ko paluvangamamu saikesa i laona na Israel. Kiki, ko ba goko kolua na taovia tsapakae, mau dona laka sauba aia ke tamiau inau vanigo.”

Luka 16:24

Maia e gu baa vania a Abraham me tsaria, ‘!Mama Abraham! !Ko galuveau, mo ko raiginia a Lasarus ke lumia na kakauna tana koo, me ke mai bisiliginia na lapiqu, inau au rota loki sosongo tana lake iani!’

Hibru 10:2

Ti vaga tana vatana na kodoputsa vaga girani tangomana na tinoni kara gini male manana tania niqira sasi, me sauba e utu ke ngoligira goto na kilisasi i tobaqira. Me sauba ke tau goto kilia igira na manetabu kara savorigotoa na kodoputsa matena na sasi.

Nina Papi A Job 33:30

rongona ke tangoli visuginia na tinoni me ke tau mate, me ke gini magemage na totu mamauri baba moa.

Isaia 24:22

God sauba ke tsonisagegira sui na taovia tsapakae vaga moa na tinoni peresini ara kapi i laona kesa na qou loki. Maia sauba ke vongo kaputigira i laona ma kara totu sosori i tana poi tsau ke labamai na tagu i tana aia ke kedegira.