Sekaria 8:12 - Ghari

¹² Igira sauba kara tsukâ niqira uta tana rago. Ma na usa sauba ke malobusia niqira uta me ke gini lakataga dou niqira kao, ma niqira itai na uaeni kara gini tamani vuana dangadanga. Aia nogo sauba kau vangalaka vaga vanigira niqu tinoni igira ara kauvisu.

Sekaria 8:12 Referans Kwoze

Na Vaolusi Ketsa 33:13

Mi tana rongoqira igira tana puku konina a Josep aia e tsaria: “Taovia ko vangalaka vania niqira kao, mo ko malobusiginia na usa e talu i gotu, ma na kô e talu i vavana na barangengo.

Tuturigana 27:28

!Maia God ke molotsuna mai na kolobu talumai i gotu me ke malobusia nimu uta, ma kara dato magobu dou sui nimu omea tsukatsuka! !Aia ke sauvanigo ke danga na mutsa ma na uaeni!

Mateo 6:33

Migamu, kamu gini boe talu na tamivaniana God ke tagaovia na maurimui, ma kamu padaa moa na nauana na omea dou sui vaga God e kilia kamu naua. Maia nogo sauba ke tusulea vanigamu pipi na omea sui tavosi.

Sekaria 8:6

“Me atsa moa ti igira ara kauvisu tana puku iani, kara padâ laka e utu saikesa ke laba vanigira vaganana ia, minau moa e tau saikesa utu vaniau kau naua me ke laba.

Hagai 2:19

Me atsa moa ti ke tau kau sa mutsa, se kara tau vati molo vuaqira na itai na uaeni, ma na gai mutsamutsa, ma na gai na olive, me tuturiga kalina ia me ke bâ, minau sauba kau vangalaka vanigamu.”

Hagai 1:10

Aia nogoria na rongona te e gini tau tumu na usa, me tau dato dou sa omea tsukatsuka.

Joel 2:22

Migamu goto na omea tuavati kamu laka na matagu. Gamui buruburu ara dato magobu dou. Migira na gai ara molo vuaqira danga, mara totu goto danga sosongo na vuana gai mutsamutsa ma na vuana uaeni.

Iakobo 3:18

Na tinoni e rago saviliu vaganana ia, aia nogo e rasavaginia na vatuna na rago, mara gini botsa danga na vuana na sasaga dou laka.

1 Korint 3:21

Vaga ia, me tagara tau ulagana ke kesa ke gini gokokae na omea e aqosia moa na limana tinoni. Pipi sui na omea nimui omea nogo igamu.

Hosea 14:5

Me sauba kau vaga na usa e tumu tana kao mamatsa vanigira na tinoni ni Israel. Igira sauba kara tavuresi vaga moa na tsitsi, ma kara lamuga kakai vaga moa na gai ni Lebanon.

Isaia 61:7

I sau ara paluvangamamui sosongo mamu gini vangamâ na totu sekoseko lê. Bâ, mi kalina ia sauba kamu totuvitugua nimui butona momoru segeni, ma kamu tamani omea danga sosongo bâ liusigira na omea amu tamanina tana idana, ma nimui magemage sauba ke totu saviliu.

Isaia 30:23

Mi kalina igamu kamu tsukagira nimui omea tsukatsuka, ma na Taovia sauba ke molomaia na usa gana kara gini dato dou, ma kamu tsurivia ke danga na lakana, me ke danga goto gaqira buruburu nimui omea tuavati.

Tuturigana 26:12

Ma Isaak e tsuka mutsa tana kao ia, mi tana ngalitupa nogo ia maia e tsurivia nina uta me adia kesa sangatu liusia na dangana na omea aia e tsukâ, rongona na Taovia e vangalaka vania.

Esekiel 36:12

Sauba nomoa kau adivisugira tugua niqu tinoni ni Israel, ma kara ba totudoutugua i konimui igamu na vungavunga, migamu sauba kamu lia niqira kao. Me utu goto kamu sekoligira tugua na daleqira.

Goko Tabana 19:12

Nina kore na taovia tsapakae e vaga moa nina kanga na laeone, me ti vaga na tobana ke dou vania ke kesa maia e vaga na usa e malobusia na uta.

Linge 72:3

Ko naua me ke peluga sosongo na vuana niqira aqo tana vera ia, ma kara vatsangia na douna nimu gotolaka.

Na Vaolusi Ketsa 33:28

Me vaga ia, migamu na kukuana a Jakob sauba kamu totu tana rago, ma kamu totu raviravi dou tana kao e danga na mutsa ma na uaeni i laona, mi tana na kolobu e talu tana masaoka e malobusia na kao.

Na Vaolusi Ketsa 32:2

Niqu sasani sauba ke sangagamu dou vaga kalina na kolobu e pukatsuna tana kao me gini dato dou na buruburu vaolu. Niqu goko sauba kara vaga kalina e tumu na usa me malobusia na omea tsukatsuka vaolu.

1 Taovia Tsapakae 17:1

Me kesa dani, maia Elija na propete ni Tisbe tana Gilead e bâ me tsarivania a Ahab na taovia tsapakae, “Tana asana na Taovia na God mamauri ni Israel aia inau au aqo vania, inau au tsarivanigo laka e utu goto ke puka na kolobu se ke tumu goto na usa i laona ke ruka se ke tolu na ngalitupa ke mai poi tsau kalina inau kau tsaria ke tumu.”

Aqo Manetabu 26:3

“Me ti vaga igamu kamu mauri murigira niqu vali, ma kamu muridougira niqu ketsa,

Linge 85:12

Eo, na Taovia sauba ke paboa nida tamani igita, ma kara lakaga dou sui nida uta.

Hosea 13:3

Me vaga ia, ma na tinoni girani sauba kara nangaligi lê vaga na lavo tana matsaraka, ma na kolobu kalina e dato na aso tana matsaraka. Igira sauba kara vaga na kekevuna uiti e lovosiligigira na bisi tania na nauna i tana ara labududusi uiti, me vaga na pungu e dato tana na kobalake.

Hagai 2:18

Mi dani eni nogo e gado na rukapatu vatinina dani tana siunina vula, aia nogo na dani i tana igamu amu suilavaginia na moloana na papakana na Vale Tabu. Bâ, me sauba kamu reia nagua ke laba tuturiga kalina ia me ke bâ.

Jeremia 31:12

Igira sauba kara mai ma kara linge tana magemage tana Vungavunga Sion, ma kara gini mage loki niqu vangalaka vanigira, na vangalaka na mutsa, ma na uaeni, ma na oela na olive, ma na vangalaka na sipi ma na buluka. Migira sauba kara vaga saikesa na uta ara porisia pipi matsaraka me pipi ngulavi, me sauba kara tamanina moa pipi sui na omea ara kilia gana na mauriqira.

Esekiel 34:28

Migira na tinoni ponotoba tana vera tavosi e utu nogo kara sekoligira tugua, me ke tagara goto sa omea tuavati atsi ke gati matesigira me ke ganigira. Migira sui sauba kara totu raviravi dou tana rago, me ke tagara goto ke kesa tangomana ke molo matagu vanigira.

Esekiel 36:9

Inau nogo au sanga tabana kolugamu, me sauba kau reia laka kara ovugira tugua nimui uta.

Joel 2:19

Maia e tsarivanigira: “Bâ, kalina ia inau sauba kau sautugua vanigamu na mutsa, ma na uaeni, ma na oela na olive, migamu sauba kamu gini masu dou. Migira na tinoni tavosi e utu goto kara peagamu.

Sepania 3:13

Migira na tinoni ni Israel ara pitsa tania na mate, sauba e utu goto kara naua sa omea seko vania sa tinoni, ma kara vô na gokopero ma na valovalo. Me sauba kara tamani omea danga, ma kara totu pukuga kalavata, ma kara tau goto dona na mataguniana ke kesa.”

Malaki 3:11

Me sauba kau tau tamivanigira na nive kara gania na rauqira nimui omea tsukatsuka, ma nimui itai na uaeni sauba kara viri tsautsigi na vunguna i konina.