Sekaria 5:4 - Ghari

⁴ Na Taovia Susuliga Sosongo e tsaria laka sauba aia ke molovanoa na vailagi iani me ke ba sage i valeqira igira sui na vanga komi ma na vanga vatsa pero. Maia sauba ke totu kalavata i laona na valeqira me ke toroutsanigira popono.”

Sekaria 5:4 Referans Kwoze

Goko Tabana 3:33

Na Taovia e vealaginia na valeqira na tinoni vanga tsutsukibo, me tabua na valeqira igira e gotolaka niqira sasaga.

Malaki 3:5

Maia na Taovia Susuliga Sosongo e tsaria, “Minau sauba nomoa kau mai i konimui ma kau pedegamu. Me sauba kau tsaku sosongo na adilabatiana i malena niqira sasaga igira ara naua na basutidao, migira ara kiboga, migira ara tsonia na gokopero tana tinete, migira goto ara voli peqogira igira ara aqo vanigira, migira ara dona na komiaqira na daki, ma na baka tinamate, ma na tinoni ni veratavosi ara sagelalo kolugira, migira sui lakalaka goto ara tau kukuni taniau inau.

Nina Papi A Job 18:15

Mi kalina ti vaga ke mate aia, me sauba ke tagara goto sa dalena ke totuvia na valena. Ma kara mai na tinoni tavosi ma kara rasavagini bamaia na papasa mila tana valena, rongona kara matesiginia na naquna na lobogu seko ia, mi muri migira nogo kara mai ma kara totuvia na valena.

Na Vaolusi Ketsa 7:26

Kamu laka goto na adisageana i valemui sa vidaqira na titinonina na god peropero girani, me ti kamu naua na omea vaga ia, me sauba ke gadovigamu na vealagi vaga e gadovigira igira. Nimui aqo kamu reisavigira ma kamu peagira na titinonina na god peropero girani, rongona na Taovia e vealaginigira nogo.”

Nina Papi A Job 20:26

Me pipi sui lakalaka na omea aia e tamanina sauba kara viri seko takuti; ma na lake ara tau soqoiginia na limana tinoni ke iruvia aia kolugira sui nina tamadale.

Isaia 24:6

Me vaga ia, ma God e vealagininogoa na barangengo. Migira na tinonina ara adikedena kalina ia tana rongona na omea seko ara naua. Mara tsaurae lê moa igira ara totuvisu.

Jeremia 2:26

Na Taovia e tsaria, “Kalina ara tangolia kesa na mane komi maia e gini paluvangamana, me sauba kara paluvangamamui goto igamu sui na tinoni ni Israel kolugira nimui taovia tsapakae, ma nimui tinoni lokiloki, ma nimui manetabu, ma nimui propete.

Hosea 4:2

Igira ara vekeragoa vaniau, mara tau moa dona na manaliana na omea ara vekea; ara dona moa na peropero, ma na labumate, ma na komi, ma na kiboga. Eo, na tangopeke seko ara dato babâ moa i laoqira, ma na labumate ara puka vaimurigi.

Hosea 4:3

Me vaga ia, minau sauba kau naua ma na kao sauba ke mamatsa takuti, me pipi sui na omea ara totu i laona sauba kara mate lê. Migira sui na omea tuavati, ma na manu, me atsa goto na tsetse, sauba kara viri mate sui.”

Amos 3:10

Me tsaria na Taovia, “Na tinoni girani ara dangaliginigira niqira vale loki rerei dou na omea ara adia tana komi ma na tangopeke seko. Mara tau saikesa dona na nauana sa omea ke goto.

Sekaria 5:3

Mi tana maia e tsarivaniau, “I laona na viviruna papi ia e totu na goko na vealagi sauba ke gadovia na kao popono. Me kesa tabana na papi ia e totu na mamarena laka igira sui lakalaka na tinoni vanga komi ara totu tana Juda, sauba God ke matesiligigira; me kesa tabana e totu na mamarena laka igira sui lakalaka ara gini vatsa pero tana asana God, sauba God ke matesiligigira goto.

Sekaria 8:17

Kamu laka na vorogokona na vaisekoligi. Mi kalina kamu tû na goko tana tinete, ma kamu laka goto na tsariana na goko pero, rongona inau au reisavi sosongolia na vatana na sasaga vaga ia.”

Na Vaolusi Ketsa 28:16

“Na Taovia sauba ke vealaginigira na veramui ma nimui uta.

Josua 9:20

Nida aqo nomoa ka mologira kara mauri moa rongona na veke igita a naunogoa; me ti vaga ka tau nauvaganana ia, maia God sauba ke kedegita.

Nina Papi A Job 8:15

?Me ti vaga kara vataragi tana valena komitsi, me laka sauba ke tangoligira? ?Me ti vaga kara tatango bâ i konina kesa na laolao, me laka aia sauba ke sangagira na tukakai?

Nina Papi A Job 8:22

me ke paluvangamaqira igira ara reisavigo igoe, ma na valeqira igira na tinoni vanga tsutsukibo sauba kara viri nangaligi lê.”