Sekaria 3:1 - Ghari

¹ Mi laona kesa segeni goto na moro, inau au reia a Josua na Mane Tabu Loki e tutû i matana nina angelo na Taovia. Ma Satan e totu goto i tana i ligisana a Josua, me vangaraua na parale gana.

Sekaria 3:1 Referans Kwoze

1 Petero 5:8

!Kamu mamata, ma kamu totu parovata! Rongona gamui gala na tidao seko e kuviraru bamai, me ngunguru loki vaga na laeone kalina e lavea asei ke gatia me ke konomia.

Luka 22:31

Ma Iesu e goko baa vania a Petero me tsaria, “!Simone, Simone! !Ko rorongo! Aia Satan e adinogoa na tami rongona ke tovolegamu sui, me ke molovotagira na douana tania na sekona, ke vaga na tamanina na uta kalina aia e molovotagira na lakana dou tanigira na sekona.

Linge 109:6

Taovia e dou ti ko vilia ke kesa na manepede e dona na pedeseko ke pedea gaqu gala, mo ko naua me ke kesa gana gala segeni nogo ia ke tû me ke kelivania.

Luka 21:36

Kamu parovata ma kamu nonginongi sailagi, kamu gini susuliga na savilaginiaqira pipi na omea sui vaga gira sauba kara laba, ma kamu gini tangomana na laba dou i matana na Dalena Tinoni.”

Malaki 3:1

Maia na Taovia Susuliga Sosongo e gokovisu me tsaria, “Inau sauba kau molo bâ niqu mane adigoko ke vangarau vaniau niqu sautu. Mi tana ti na Taovia aia igamu amu lalavea, sauba ke tavongani labamai tana nina Vale Tabu. Maia na mane adigoko igamu amu pipitu sosongolia, sauba nomoa ke labamai me ke katevulagi vanigamu niqu taso.”

Hagai 1:1

Tana rukanina ngalitupa kalina a Darius e taovia tsapakae tana Persia, tana kesanina dani i laona na ononina vula, na Taovia e goko vania a Hagai na propete. Ma na goko iani e kalekaira a Serubabel na taovia tagao tana Juda, aia na dalena a Sealtiel, ma Josua na Mane Tabu Loki, aia na dalena a Jehosadak.

1 Turupatu Dato 21:1

Maia Satan e ngaoa ke alomaia na rota vanigira na tinoni ni Israel, te aia e tû me moloa i tobana a David na padangao sosongoliana na tsokoana na dangaqira na tinoni popono tana Israel.

Sekaria 6:11

Ko aqosiginia kesa na kepi taovia na siliva ma na qolumila i tugira ara tu sauvaniau nogo, mo ko molo bâ i lovana a Josua na Mane Tabu Loki, aia na dalena a Jehosadak.

Sekaria 3:8

Me vaga ia, mo ko rorongo dou igoe a Josua na Mane Tabu Loki. Ma kamu rorongo dou goto igamu sui na manetabu gana sasanga nogo aia, igamu amu lia vaga na papadana na mauri doulaka sauba ke laba tana tagu ke mai: Inau sauba kau adimaia i matamui kesa niqu maneaqo aia ara soaginia Na Arana Gai.

Hagai 2:4

Me ke laka moa na ponopala sagata na tobamui. Kamu nau babâ moa na aqo ia, rongona inau au totu kolugamu nogo.

Hagai 1:12

Mi tana, ma Serubabel, ma Josua, migira na tinoni sui ara visumai tania na totu tsinogo i Babilonia, ara naua na omea na Taovia niqira God e tsarivanigira kara naua. Mara matagu loki sosongo, mara rongomangana a Hagai na propete, aia nina mane adigoko na Taovia.

2 Turupatu Dato 29:11

Dalequ gamu, kamu laka goto na kisâ. Igamu nogo aia na Taovia e viligamu kamu kodoa na bulunagai uruuru vania ma kamu raqagira na toga tana samasama vaniana.”

Tuturigana 48:16

!Ma na angelo aia e laumaurisiau inau tania na omea seko sui ke tabukaira! !Ma na soaqu inau ma ka soaqira kaira na tamaqu a Abraham ma Isaak ke totu mamauri ka koniqira na baka karani! !Ma kara ka tamani danga ka daleqira ma ka kukuaqira!”

Sekaria 2:3

Mi muri, mau reia na angelo aia e goko vaniau nogo tana idana e aligiri na vano, me kesa segeni goto na angelo e mai tsodoa.

Sekaria 1:19

Minau au tû, mau veisuâ na angelo aia e goko vaniau tana idana, “?Laka nagua vaga na rongona na kakatsana buluka tugirani?” Maia e gokovisu me tsaria, “Tugira nogo na papadana vati na puku loki susuliga tana barangengo ara tu sarangasi bamaigira nogo na tinoni ni Juda, mi Israel, mi Jerusalem.”

Sekaria 1:13

Ma na Taovia e goko ragorago vania na angelo ke gini doutugua na tobana.

Sekaria 1:9

Minau au tû mau veisuâ na angelo ia, “?Taovia, nagua vaga na rongona na ose girani?” Maia e gokovisu me tsaria, “Inau sauba kau sauvulagi vanigo na rongona.

Esekiel 44:15

Ma na Taovia God e tsarivaniau, “Igira segeni moa na manetabu tana puku konina a Levi, tana vungu konina a Sadok, ara aqo babâ vaniau i laona na Vale Tabu kalina igira na tinoni tavosi sui tana Israel ara piloligi taniau inau. Me vaga ia, migira segeni moa na manetabu tana vungu konina a Sadok kara tangoli kalavatavia na aqo vaniaqu, ma kara mai i mataqu na savori vaniaqu na seregana ma na gabuna na omea tuavati igira na tinoni ara saua.

Jeremia 15:19

Ma na Taovia e gokovisu vaniau me tsaria, “Ti vaga ko pilovisumaitugua i koniqu, minau sauba kau adivisugo mo ko lia tugua niqu maneaqo. Me ti vaga ko tsonia moa na goko dou tamani rongona, me tau na goko bubulega tagara rongona, migoe sauba ko lia tugua niqu propete inau. Migira na toga sauba kara visumaitugua i konimu igoe, me ke tau kilia igoe ko bâ i koniqira.

Linge 106:23

Mi kalina God e tsaria laka sauba aia ke pedematesigira nina tinoni, maia Moses nina maneaqo vivili e tû, me tongo vania God, me tangolivisu vania na korena ke tau pedematesigira.

Esra 5:2

Mi kalina kaira a Serubabel na dalena a Sealtiel ma Josua na dalena a Jehosadak ara ka rongomia ka niqira goko na propete kaira, mara ka tuturiga saviliu na logovisuana na Vale Tabu i Jerusalem, mi kaira goto na propete ara ka sangakaira.

1 Samuel 6:20

Mi muri, migira na mane ni Bet Semes ara tsaria, “?Asei tangomana ke tû i matana na Taovia na God tabu sosongo vaga iani? ?Iava tana igita ka ba moloa ti ke vanoligi tanigita?”

Na Vaolusi Ketsa 18:15

Maia sauba ke molomai vanigamu kesa nimui propete vaga nogo inau, maia na tinoni nigamu segeni nogo, ma nimui aqo igamu kamu rongomangana.

Na Vaolusi Ketsa 10:8

Mi tana tagu nogo igira ara totu moa i tuana na vungavunga na Taovia e viligira na mane tana puku konina a Levi kara reitutugua na Bokisi na Taso, ma kara aqo vania vaga na manetabu, ma kara tabugira na tinoni tana asana aia. Migirani niqira aqo nogo igira tsaumai i dani eni.

Tuturigana 3:15

Me sauba kau naua ma kamu ka vaireisavigi kagamu igoe ma na daki; ma na dalena aia ma na dalemu igoe sauba kara ka vaigalagi sailagi. Ma na dalena aia sauba ke tsogori rutua na lovamu, migoe sauba ko gatia na bobouna na tuana.”

Esra 10:18

Igirani nogo na soaqira igira na mane ara tauga lalo kolugira na daki ni vera tavosi: Igira na Manetabu, ara maretsunagira muri duli: Tana duli konina a Jesua migira na kulana, igira na dalena a Jehosadak: tugira nogo a Maaseia, ma Elieser, ma Jarib, ma Gedalia.

Sekaria 4:14

Mi tana maia e tsaria, “I karani nogo na papadana ruka na mane God e vilikaira me ninaginikaira nogo na mona tabu, gana kara ka aqo vania na Taovia aia e tagaovi kaputia na barangengo popono.” (v 6) Ma na angelo e ketsaliau kau tsarivania a Serubabel na goko iani e talumai konina na Taovia: “Igoe sauba nomoa ko tangomana, me tau tana susuligaqira nimu mane vaumate, se tana susuligamu segeni igoe, mi tana susuligana moa niqu tarunga inau. (v 7) Me ti vaga ke visana na utu vaga na vungavunga loki kara totukapusia nimu sautu, me sauba inau kau naua ma kara nangaligi lê i matamu. Migoe sauba ko logovisua na Vale Tabu, mi kalina tsotsodo ko molokaea na susuina vatu tana sasana, migira na toga sauba kara guloki ma kara tsaria, ‘!Vanga rereidou sagata! !Vanga rereidou!’ ” (v 8) Me kesa segeni goto na goko e mailaba i koniqu talu i konina na Taovia. (v 9) Aia e tsaria, “A Serubabel e molonogoa na papakana na Vale Tabu, me sauba nomoa ke suilavaginia na logoana. Mi kalina aia ke logosuia, migira niqu tinoni kara donaginia laka inau nogo au mologo igoe vanigira. (v 10) Migira e ponopala na tobaqira rongona e vaga moa ti e tau ratsu na aqona na logoana niqu Vale Tabu. Mi kalina kara reia a Serubabel e aqo babâ moa tana logoana, migira sauba kara gini magemage.”

Esra 2:2

Ma gaqira ida i tugira nogo a Serubabel, ma Josua, ma Nehemia, ma Seraia, ma Reelaia, ma Mordekai, ma Bilsan, ma Mispar, ma Bigvai, ma Rehum, ma Baana. Miani nogo na mamarena na duli ni Israel, kolua na dangaqira i laona pipi na duli igira ara visutugua i Jerusalem: