Sekaria 2:6 - Ghari

^6-7 Na Taovia e tsarivaganana goto iani vanigira nina tinoni, “Inau nogo au sarangasigamu ba vati tana tsukena na barangengo. !Mi kalina ia inau au ketsaligamu kamu tu lalaodo ma kamu tsogoligi tsaku tania na Babilon, ma kamu visumaitugua i Jerusalem.

Sekaria 2:6 Referans Kwoze

Esekiel 17:21

Migira nina mane vaumate susuliga bâ sauba kara viri mate sui tana vailabu, migira ara matepitsa sauba kara viri tsogo saranga bamai. Mi tana nogo ti sauba igamu kamu donaginia laka inau nogo na Taovia au tsaria na omea iani.”

Isaia 48:20

!Bâ, mi kalina ia kamu tû, ma kamu tsogoligi tania i Babilon! Kamu magemage ma kamu gudato kara gini rongomigamu igira na tinoni pipi sui tana nauna, ma kamu tsaria, “!Na Taovia e laumaurisigira nogo na Israel igira nina maneaqo!”

Na Katemai 18:4

Mi muri, minau a Ioane, au rongomia kesa e gokomaitugua talu i baragata me tsaria, “!Igamu niqu tinoni, kamu rutsuligi tania na vera ia! Kamu laka saikesa na patakoluana tana nina sasi; rongona kamu tau sangapata kolugotoa tana kede e totupitua aia!

Esekiel 11:16

“Mi kalina ia migoe a Esekiel, ko ba mo ko turupatuna vanigira gamu verakolu, igira ara totu tsinogo kolugo, na omea iani inau au tsaria. Inau nogo au molovanogira kara ba totu tsinogo tana veratavosi ao, mau sarangasi bamaigira i laoqira na butona momoru tavosi. Eo, e mana rago laka tana tagu iani igira ara tau tamanina sa Vale Tabu i tana kara mai samasama vaniau, minau sauba nomoa kau totu kolugira igira pipi sui tana butona momoru i tana ara ba totu.

Na Vaolusi Ketsa 28:64

“Na Taovia sauba ke sarangasigamu bâ i laoqira na puku tavosi, tû kesa tabana na barangengo me tsau bâ i tabana, mi tana ti sauba kamu aqo vanigira na god peropero ara katsuginigira na gai ma na vatu, na god igamu se igira goto na mumuamui amu tau saikesa samasama vanigira i sau.

Tuturigana 19:17

Me kesa ka vidaqira na angelo kaira e tsaria, “!Kalina ia, ma kamu tu ulo tsaku! Kamu tu laka goto na morovisu ma na mango i laona na qou. Kamu tu ulo bâ tana tetena garia, rongona ke tau ganitugamu na lake ma kamu tu mate.”

Amos 9:9

“Minau sauba kau moloketsa moa, ma kau keseligira na tinoni ni Israel, vaga moa kalina ara keselia na pulaua i laona na neti, gana kau adiligigira sui lakalaka igira na tinoni sasi ma kara nangaligi saikesa tania na barangengo.

Esekiel 5:12

Me sauba ke kesa turina popono i laomui kara gini mate na liuna na lobogu ma na vitoa i laona nogo na verabau; me ke kesa turina sauba kara labumatesiginigira na isi tabana i tano na verabau; ma na tolunina turina sauba kau sarangisigira bamai tana barangengo popono minau kau adia niqu isi ma kau takuvi tsarigira.

Jeremia 51:50

Ma na Taovia e tsarivanigira na tinoni ni Israel ara totu moa i Babilon: “!Igamu amu pitsa nogo tania na mate! !Bâ, mi kalina ia kamu tû ma kamu vano tsaku! !Kamu laka goto na pitu! Me atsa moa ti amu totu ao tania na veramui segeni, ma nimui aqo kamu padaau moa inau nimui Taovia, ma kamu padavisugotoa na Jerusalem.

Jeremia 51:45

!Igamu na tinoni ni Israel, kamu tsogoligi tania i tana! !Kamu ulo tsaku kamu tau mate tana niqu momosatoba loki.

Jeremia 51:6

!Kamu tsogoligi tania na Babilon! !Kamu ulo tsaku kamu tau mate! Kamu laka na mate tana rongona nina sasi na Babilon. Kalina nogo ia ti inau au tangotuguqu mau kedea na verabau ia vaga e ulagana.

Jeremia 50:8

“!Igamu na tinoni ni Israel, kamu tsogoligi tania i Babilon! !Kamu mololea na butona kao ia! !Igamu nogo kamu ida na vano!

Jeremia 31:10

Na Taovia e tsaria, “Igamu na puku sui kamu rongomiau inau, ma kamu ba katevulagigira niqu tsaqina goko tana tasi taligu. Ma kamu tsaria, ‘Na Taovia e sarangisigira nogo nina tinoni, me sauba nomoa ke adisaigira tugua, me ke reitutugugira dou vaga na mane pitusipi e reitutugugira dou nina sipi.’

Jeremia 31:8

Inau sauba kau adivisugira talu i vava ma kau adisaigira tugua ke tû tana e vosa na barangengo, igira sui lakalaka kolugira na koko ma na tuamatea, migira goto na daki titiana, migira e varavara kara vasusu. Eo, na alaala loki sosongo na tinoni sauba kara visumai.

Jeremia 15:4

Me sauba kau naua migira na toga sui tana barangengo kara gini beke loki na reiana na omea seko vaga ia e laba vanigira, tana rongona na omea tabaruga a Hesekia na dalena a Manase e naua i Jerusalem, kalina aia e taovia tsapakae tana Juda.”

Jeremia 3:18

Igira na Israel sauba kara sai alaala kolugira na Juda, ma kara visumai tania na totu tseka tana butona momoru tabana i vava, ma kara visutugua tana kao inau au saunogoa vanigira na mumuamui, vaga nimui tamani pukuga.”

Jeremia 1:14

Maia e tsarivaniau, “E tû tabana i vava, sauba na omea seko loki ke taqetu tsavugira sui igira ara totuvia na kao iani,

Isaia 55:1

Na Taovia e goko me tsaria, “!Kamu mai i koniqu igamu sui amu marou, ieni nogo na kô! !Kamu mai igamu amu tau tamanina sa qolo, ma kamu voligamui ma kamu mutsa masu! !Mai, ma kamu voli uaeni ma na miliki, me utu goto kara kili matena i konimui!

Nina Papi Ko Rut 4:1

Ma Boas e tû me vano tana nauna gana na sai tana matsapakapuna na vera ia, me totupuka i tana. Mi tana tagu tsotsodo ia, e liumai na kamana varavara saikesa a Elimelek, aia na mane a Boas e gini goko nogo tana rongona. Ma Boas e soâ me tsarivania, “Kulaqu igoe ko mai totu i lao koluau ieni.” Me mai ia, me totu i lao kolua.

Mateo 24:31

Sauba ke tangiloki na tavuli, maia ke mologira nina angelo kara baa tana vati na tsukena na barangengo, ma kara adisaimaigira sui nina tinoni vivili God, ke tuu kesa tabana na barangengo, me ke tsau baa kesa tabana.

Marko 13:27

Maia sauba ke mologira nina angelo, ma kara baa tana vati na tsukena na barangengo, ma kara adisaimaigira sui nina tinoni vivili God, ke tuu kesa tabana na barangengo, me ke tsau baa kesa tabana.

Linge 44:2

laka igoe segenimu nogo o tsialigigira na tinoni ponotoba mo turuvaginigira nimu toga tana niqira kao. Me laka igoe o kedegira na puku tavosi, mo naua mara gini pabo babâ nimu tinoni segeni igoe.

Esekiel 5:10

Mi kalina kau nauvaganana ia, migira na tamaga i Jerusalem sauba kara gania na daleqira, migira na baka sauba kara gania na tinaqira ma na tamaqira. Eo, sauba kau kedegamu igamu, migira sui i laomui ara pitsa tania na mate tana tagu ia, minau sauba kau sarangasigira bamai tana barangengo popono.

Daniel 11:4

Mi kalina ke pabogotoa na susuligana aia, me sauba na verana ke tavota vati, migira na dalena segeni nogo aia e utu goto kara tangolidatoa na aqo na taovia tsapakae. Sauba moa igira na tinoni tavosi kara tangolia na aqotagao, me utu moa kara tamanina na susuliga vaga aia e tamanina.

Jeremia 31:38

Na Taovia e tsarigotoa, “E maimai nogo na tagu i tana sauba kara logo vaolusitugua na Jerusalem popono aia nogo niqu verabau, ke tû tana Kusudato Hananel tabana i tasi, me ke tsau bâ tana Matsapakapu Tana Tsuruna na Baravatu.

Sekaria 1:16

Me vaga ia, minau au gini visumaitugua i Jerusalem gana kau galuvegira tugua niqu tinoni. Migira sauba kara logo visutugua niqu Vale Tabu, ma kara vaolusigotoa na Jerusalem.”