Sekaria 2:12 - Ghari

¹² Eo, na Taovia sauba ke tango livisutugua na Juda, aia e totu tana Israel me ke lia tugua nina tamani segeni, me ke galuve sosongolia bâ na verabau ni Jerusalem liusigira pipi na vera sui.

Sekaria 2:12 Referans Kwoze

Sekaria 1:17

Ma na angelo e tsarivaniau kau katevulagigotoa na omea iani vanigira: “Na Taovia Susuliga Sosongo e tsaria laka sauba ke dangaliginigira tugua na omea dou nina verabau, ma kara gini totudoutugua nina tinoni. Me ke vilitugua na Jerusalem vaga nina verabau segeni.”

Na Vaolusi Ketsa 32:9

migira moa na kukuana a Jakob e vilivani segenina nogo ia.

Jeremia 10:16

Ma nina God a Jakob e tau saikesa vaga gira igira. Aia nogo e aqosia pipi sui na omea, me viligira na Israel kara lia nina tinoni segeni nogo. Na Taovia Susuliga Sosongo aia nogo na asana.

Linge 33:12

Ke mage aia na puku na tinoni i tana ara tamivania God ke Taovia vanigira. !Eo kara mage igira sui na tinoni God e viligira nogo kara lia nina tinoni segeni!

Jeremia 51:19

Maia nina God a Jakob e tau saikesa vaga gira. Aia nogo e aqosia pipi sui na omea, me viligira nogo na Israel kara lia nina tinoni segeni nogo ia. Na Taovia Susuliga Sosongo aia nogo na asana.

Isaia 41:9

Inau au adivisumaigamu talu tana susuina na barangengo, mau soa rutsumigamu tana tsuruna saikesa, mau tsarivanigamu, ‘Igamu nogo niqu maneaqo.’ Eo, inau au tau sove tanigamu, au viligamu nogo.

Linge 135:4

Na Taovia e vilivani segenia a Jakob, migira na Israel kara lia nina tinoni segeni aia.

Linge 82:8

God, ko mai mo ko tagaovia na barangengo; rongona igoe nogo o tamanigira na puku na tinoni sui lakalaka.

2 Turupatu Dato 6:6

Mi kalina ia, inau au vilia na Jerusalem vaga na nauna i tana sauba kara mai samasama vaniau, migoe, a David, ko tagaovigira niqu tinoni.’ ”

Linge 132:13

Na Taovia e vilinogoa i Sion; me ngaoa ke lia na verana tana ke totu. Aia e tsarivaganana:

Linge 132:14

“Ieni nogo na nauna au vilinogoa, mieni nogo sauba kau totu saviliu na dani ma na dani.

Isaia 14:1

Na Taovia sauba ke galuvegira tugua nina tinoni Israel, me ke viligira tugua kara lia nina tinoni segeni nogo aia. Me sauba ke tamivanigira kara totuvitugua niqira butona kao segeni, migira na tinoni ni veratavosi kara mai totu kolugira goto i tana.

Sekaria 3:2

Ma nina angelo na Taovia e tsarivania Satan, “!Na Taovia ke taimatamu igoe Satan! Eo, na Taovia aia e galuve sosongolia na Jerusalem ke taimatamu. Na Taovia e lauvisunogoa a Josua, vaga moa na takutina gai ara lauligia tania na lake.”

Na Vaolusi Ketsa 32:10

“Na Taovia e reigira ara liu bamai i laona na kaomate, i tana e susuliga sosongo na guguri. Maia nogo e ravisigira me reitutugugira, vaga nogo ti na dalena na matana aia.

Esta 6:13

Maia e ba tsarivania na tauna migira gana saidou pipi sui na omea ara laba vania. Mi tana ma na tauna migira na kulana sasaga ara tsarivania, “Igoe o tuturiga nogo na nangaliana gamu susuliga vania a Mordekai. Aia na Tsiu, me utu ko tangomana igoe na tuliusiana. Maia sauba nomoa ke tuliusigo igoe.”

Linge 105:15

“Kamu laka na sekoliaqira igira niqu tinoni inau au viligira; ma kamu laka saikesa goto na peleaqira igira niqu propete.”

Isaia 17:14

Tana ngulavi ara mai mara molo matagu vanigira na tinoni, mi tana matsaraka ara vanoligi sui nogo. Aia nogo e vaga na omea e totu pitugira igira sui ara ngaoa na sekoliada ma na lauligiaqira nida nida omea tatamani.

Jeremia 30:16

Mi kalina ia, igira sui ara toroutsanigamu sauba kara toroutsanigira goto, me pipi sui gamui gala sauba kara raqa tsekaligigira. Migira sui ara bingi sekoligamu, sauba kara bingi sekoligira goto, migira sui ara laugira nimui omea levolevo igamu, sauba kara laugira goto niqira omea levolevo.