Sekaria 2:10 - Ghari

¹⁰ Ma na Taovia e tsaria, “!Kamu lilinge tana magemage igamu na toga ni Jerusalem! !Inau au maimai nogo gana kau totu i laomui!”

Sekaria 2:10 Referans Kwoze

Mateo 28:20

Ma kamu sasaniginigira na muriana pipi na omea au ketsaliginigamu. Eo, minau sauba kau totu sailagi i konimui, poi ke sui na barangengo.”

Sekaria 8:3

Minau sauba kau visutugua i Sion, ma kau ba totu kalavata i Jerusalem niqu verabau tabu. Me sauba igira na tinoni sui kara soaginia Jerusalem na Verabau e Totu Kakai Konina God. Ma nina vungavunga na Taovia Susuliga Sosongo kara soaginia na Vungavunga Tabu.

Ioane 1:14

Me lia tinoni na Goko me mai totu i laoda, me dangatovu i konina na vangalaka ma na manana. Migita a reivulagia na mararana, aia na marara e tamanina rongona aia nogo na Dalena Tamana e kesa moa.

Sekaria 9:9

!Kamu magemage igamu na tinoni ni Sion! !Ma kamu gudato tana mage loki igamu na tinoni ni Jerusalem! !Kamu reia bâ nimui taovia tsapakae e maimai nogo! Aia e tangomana me mana nogo gana, me molotsunali segenina me sagekae i gotuna na asi vaolu.

Sepania 3:17

Na Taovia nimui God e totu i konimui; mi tana susuligana nogo aia igamu amu gini tangomana. Na Taovia sauba ke gini mage loki na reiamui, mi tana nina galuve loki sauba ke vaolusiginia na maurimui. Maia sauba ke linge me ke gini mage loki tana rongomui igamu, vaga nogo kalina igira na tinoni ara magemage tana dani tabu loki.”

Esekiel 37:27

Minau sauba kau totu kolugira i tana, ma kau lia niqira God, migira kara lia niqu tinoni.

Aqo Manetabu 26:12

Ma kau totu kalavata i konimui; ma kau lia nimui God, migamu kamu lia niqu tinoni.

Na Katemai 21:3

Mau rongomia kesa e goko loki talumai tana nina sasana na totukae na Taovia me tsaria, “!Kamu reia baa! !God e molovera nogo kolugira na tinoni! Aia sauba ke mauri kolugira, migira sauba kara lia nina tinoni. God segenina nogo sauba ke totu kolugira, maia nogo sauba ke lia niqira God.

Ioane 14:23

Ma Iesu e tsaria, “Asei ti ke galuveau maia sauba ke murigira niqu sasani. Ma na Tamaqu sauba ke galuvea, mi kagami Tamaqu sauba kami ka mai i konina ma kami ka totu kolua.

Jeremia 33:11

gugû na magemage, ma na tatangina na magemage na kavomutsa na tauga. Me sauba kamu rongomigira na tinoni kara lilinge kalina ara adimaia niqira sausau na soadou i laona niqu Vale Tabu. Migira sauba kara tsarivaganana iani, ‘Soadoua na Taovia Susuliga Sosongo, rongona aia e dou sosongo ma nina galuve e totu saviliu.’ Minau sauba kau naua ma na kao iani ke tamani omea danga vaga nogo tana idana. Inau nogo na Taovia au tsaria na omea iani.”

Jeremia 30:19

Migira na toga kara totu i tana sauba kara linge na lingena na tsonikae, ma kara gugû tana magemage. Minau kau vangalaka vanigira me sauba ke pabo goto bâ na dangaqira, migira na tinoni tavosi kara gini padalokigira.

Isaia 66:14

Mi kalina igamu kamu reia ke laba na omea vaga ia, me sauba kamu gini mage; ma kamu susuliga visutugua ma kamu pabo babâ. Mi tana ti sauba kamu donaginia laka inau nogo na Taovia au sangadougira igira ara rongomangaqu, mau sauvulagia na korequ vanigira gaqu gala.”

Isaia 51:11

Migira igoe o laumaurisigira sauba kara ba tsau i Jerusalem, ma kara lingelinge ma kara gugû tana mage. Me sauba kara mage sailagi, me utu goto kara dona na melu ma na ngangai.

Isaia 12:6

!Igamu sui amu totu i Sion kamu gudato tana mage ma kamu linge! Rongona nimui God tabu igamu na Israel e loki tsapakae, me totu nogo i laomui igamu nina tinoni.”

Na Katemai 2:1

“Ko mamare baa vania na angelo e reitutugua na lotu i Epesus mo ko tsarivaganana vania: “Iani nogo e vaga na goko e talumai i konina Aia e tangolitugira vitu na veitugu tana limana madoa, me liu tu laoqira tugira vitu na gai qolu na mani molodato bulu iruiru.

Pilipi 4:4

Kamu magemage sailagi i laona nimui mauripata koluana na Taovia. !Eo, mau tsaritugua vanigamu: kamu magemage!

Malaki 3:1

Maia na Taovia Susuliga Sosongo e gokovisu me tsaria, “Inau sauba kau molo bâ niqu mane adigoko ke vangarau vaniau niqu sautu. Mi tana ti na Taovia aia igamu amu lalavea, sauba ke tavongani labamai tana nina Vale Tabu. Maia na mane adigoko igamu amu pipitu sosongolia, sauba nomoa ke labamai me ke katevulagi vanigamu niqu taso.”

Sekaria 14:5

Migamu sauba kamu tsogo liu bâ i laona na qou ia ma kamu ba rutsu laba i Asal. Sauba kamu tsogo tsaku sosongo vaga nogo ara naua igira na mumuamui kalina e kasi na vuluge tana tagu kalina a Usia e taovia tsapakae tana Juda. Mi tana ti sauba na Taovia niqu God ke mai kolugira nina angelo sui.

Jeremia 31:12

Igira sauba kara mai ma kara linge tana magemage tana Vungavunga Sion, ma kara gini mage loki niqu vangalaka vanigira, na vangalaka na mutsa, ma na uaeni, ma na oela na olive, ma na vangalaka na sipi ma na buluka. Migira sauba kara vaga saikesa na uta ara porisia pipi matsaraka me pipi ngulavi, me sauba kara tamanina moa pipi sui na omea ara kilia gana na mauriqira.

Isaia 61:10

Eo, na vera ni Jerusalem e gini magemage me tsonikaea na Taovia tana rongona na omea loki aia e naua vania. Aia e poroginia na polo na mauri saliu, me tsavuginia na polo na sasaga gotolaka, vaga nogo na mane tauga vaolu e sagelia gana inilau, ma na daki tauga vaolu e kulikuli me katsele, me sagelia gana liolio.

Isaia 54:1

Na Taovia e goko me tsaria, “Jerusalem, igoe o vaga kesa na daki mamane, mi kalina ia ko lilinge mo ko gudato tana mage, rongona sauba kara danga na dalemu, liusia na daki na savana e totu moa i konina.

Isaia 42:10

!Igamu sui na tinoni tana barangengo popono kamu lingena kesa na linge vaolu na mani tsonikaeana na Taovia! Kamu tsonikaea igamu sui amu liu tana vaka i tasi; migamu goto na omea mamauri sui i laona na kema. Migamu sui amu totu tana momoru ao kamu sanga goto na linge vaniana kesa na linge vaolu.

Linge 68:18

Maia e dato bâ i gotu vasau, me adigira kolua danga na tinoni aia e laugira tana vailabu; me adigira goto danga na vangalaka igira nogo na tinoni ara sove tania ara sauvania. Eo, na Taovia God sauba ke totu i tana.

Linge 40:7

te inau au goko mau tsaria vanigo, “Ieni inau; na omea igoe o kilia kau naua ara totu sui nogo i laona na papi na Ketsa.

Isaia 35:10

Me sauba kara gini mage na labavisutugua i Jerusalem, ma kara lingelinge ma kara gugudato tana magemage. Me sauba kara magemage na dani ma na dani, me ke tau goto ngoligira na melu ma na vatsangi savi.

Binaboli 29:45

Inau sauba kau totu i laoqira na tinoni ni Israel, ma kau lia niqira God.

Isaia 37:22

miani nogo na omea vaga e tsaria na Taovia tana rongona a Senakerib, “Igoe a Senakerib, na verabau ni Jerusalem e kiataginigo me gilugamu.

Esekiel 48:35

Me saisai ma na totovona vati tabana na baravatuna na verabau ia e tsaulia 4,500 sangava. Me ke tû kalina ia me ke bâ ma na verabau ia kara soaginia, ‘Na-Taovia-E-Totu-Ieni!’ ”

Sekaria 1:16

Me vaga ia, minau au gini visumaitugua i Jerusalem gana kau galuvegira tugua niqu tinoni. Migira sauba kara logo visutugua niqu Vale Tabu, ma kara vaolusigotoa na Jerusalem.”

Sekaria 2:5

Na Taovia e vekea laka aia segenina nogo sauba ke iru vaga na lake, me ke lia na baravatuna na verabau ia, me ke reitutugua, me ke totu saviliu i tana tana mararana loki.”

Sekaria 2:11

Mi tana tagu ia sauba kara danga na puku tavosi kara mai konina na Taovia ma kara lia goto nina tinoni segeni. Maia na Taovia sauba ke totu i laomui, mi tana ti igamu kamu donaginia laka aia nogo e molomaiau vanigamu.

Na Vaolusi Ketsa 28:64

“Na Taovia sauba ke sarangasigamu bâ i laoqira na puku tavosi, tû kesa tabana na barangengo me tsau bâ i tabana, mi tana ti sauba kamu aqo vanigira na god peropero ara katsuginigira na gai ma na vatu, na god igamu se igira goto na mumuamui amu tau saikesa samasama vanigira i sau.

Isaia 48:20

!Bâ, mi kalina ia kamu tû, ma kamu tsogoligi tania i Babilon! Kamu magemage ma kamu gudato kara gini rongomigamu igira na tinoni pipi sui tana nauna, ma kamu tsaria, “!Na Taovia e laumaurisigira nogo na Israel igira nina maneaqo!”

Isaia 52:11

Kamu tû ma kamu mololea i Babilonia igamu sui amu kalagaia na vangana na Vale Tabu. Me tabu vanigamu nomoa na peleana sa omea e valimui tana vovorona na lotu, ma kamu totu male dou, ma kamu vanoligi.