Sekaria 11:8 - Ghari

⁸ Me utu goto kau berengiti na reiana tu niqira sasaga tugira tolu na reitutugu sipi tavosi, mi laona kesa moa na vula minau au tsialigitugira. Mau qisi goto tana rongoqira na sipi ara reisaviau inau.

Sekaria 11:8 Referans Kwoze

Ioane 15:18

“Ti vaga na barangengo ke reisavigamu, ma kamu padatugua moa laka aia e ida nogo e reisaviau inau.

Ioane 7:7

Na tinoni ni barangengo e utu kara reisavigamu igamu. Inau moa ara reisaviau, rongona inau au kateli vanigira sailagi niqira sautu sasi.

Isaia 49:7

Na God tabu, aia na vagamaurina na Israel, e goko vania nina maneaqo aia ara reisavi sosongolia igira na puku tavosi sui, me totu mala tseka vanigira na tinoni tagao, me tsarivani vaganana iani, “Igira na taovia tsapakae ma na tinoni lokiloki sauba kara morosigo igoe kalina ko totu tanusi, ma kara tû ma kara tsuporu tsuna i matamu tana kukuni. Na omea vaga iani sauba ke laba manana, rongona inau na Taovia na God tabu ni Israel au viligo nogo ko lia niqu maneaqo, me utu goto kau tau manalia na omea inau au vekenogoa vanigo.”

Luka 19:14

Migira gana verakolu na mane taovia ia ara reisavia, mara tuu, mara mologoko tsari baa i murina mara tsaria, ‘Igami ami tau reingaoa na mane vaga ia ke lia gamami taovia tsapakae.’

Hosea 5:7

Igira ara tau nogo totukakai i konina na Taovia, migira na daleqira ara tau nogo nina tamani aia. Me vaga ia, me utu ke oka migira, ma niqira kao popono, sauba kara toroutsa sui.

Hibru 10:38

Migira moa niqu tinoni igira ara totugoto i mataqu, sauba kara gini mauri saliu tana rongona niqira tutuni. Me ti vaga ke kesa vidaqira ke pilovisu taniau tugua, me sauba e utu goto inau kau reingaoa na tinoni vaga ia.”

Hosea 9:15

Na Taovia e tsaria, “I Gilgal nogo ara tuturiga na nauana pipi sui niqira sasaga tabaruga. Mi tana goto nogo inau au tuturiga na reisaviaqira. Mi tana rongona na omea seko ara naua, ti inau sauba kau tsialigigira tania niqu kao, me utu goto kau galuvegira. Igira sui niqira ida ara piloligi taniau nogo inau.

Jeremia 14:21

Ko padatugua na omea igoe o vekenogoa vanigami, mo ko laka kiki na reipeagami igami, mo ko laka goto na paluvangamana na vera ni Jerusalem, aia na nauna i tana e totu nimu sasana na totukae. Ko padatugua na vaitasogi igoe o naua kolugami, mo ko laka goto na kutsiana.

Jeremia 12:8

Igira niqu tinoni vivili ara piloligi taniau inau; mara kangamai i koniqu vaga saikesa moa na laeone tana legai atsi, me vaga ia, minau au gini reisavi sosongoligira.

Linge 106:40

Vaga ia, ma na Taovia e kore vanigira nina tinoni; e galasi sosongolia na reiana niqira sasaga.

Na Vaolusi Ketsa 32:19

“Mi kalina na Taovia e morosia na omea seko vaga ara naua igira na dalena mane ma na dalena daki, me gini kore loki me sove tanigira.

Aqo Manetabu 26:44

Me atsa moa ke vaga ia, minau sauba kau tau vanoligi saikesa tanigira kalina igira ara totu moa i laona niqira kao gaqira gala, se kau matesiligigira sui, rongona ke tau luvu lê na vaitasogi inau au naua kolugira, minau nogoria na Taovia niqira God.

Aqo Manetabu 26:30

Minau sauba kau reisavi sosongoligamu, ma kau toroutsanigira nimui nauna na mani samasama vaniaqira nimui god peropero i kelaqira na tetena, ma kau vui pukaligira sui nimui belatabu gana na savori bulunagai uruuru, ma kau matesigamu, ma kau tsoni bâ na konimui i kelaqira na titinonina nimui god peropero ara tsatsaro lê tana kao.

Aqo Manetabu 26:11

Inau sauba kau totu i levugamui i laona niqu Valepolo Tabu, me utu goto kau piloligi tanigamu.

Luka 12:50

Me kau e kesa goto na vatana na lesovitabu i laona na rota e totupituau moa, maia ba nogo e ngoli sosongoliau poi kau putsi tania.

Linge 78:9

Mi tana tagu e laba na vailabu, migira niqira alaala na mane vaumate na Epraim ara viri tsogovisu lê kolua niqira parige ma niqira pipili.

Linge 5:5

E seko sosongo vanigo na reiaqira na tinoni vanga kaekae; mo reisavi sosongoligira sui na tinoni vanga nauseko.

Jeremia 6:30

Me sauba kara soaginigira na bau seko lê, rongona inau nogo na Taovia au sove tanigira.”

Esekiel 14:5

Mau padâ laka kalina igira na Israel kara donaginia na omea au kili mananâ inau, me sauba kara molole saikesalia niqira god peropero, ma kara pilovisumai tugua i koniqu inau.

Esekiel 16:45

E mana sosongo igoe o usuli saikesalia na tinamu. Aia e reipeâ na savana me reisavigira na dalena. Mo usuligira goto na tasimu, igira goto ara reipeagira na savaqira mara reisavigira na daleqira. Igoe migira na verabau tavosi igira na tasimu nogo igoe, na daki ni Het na tinamui, ma na mane ni Amor na tamamui.

Hosea 4:6

Igira niqu tinoni sauba ke gadovigira na kede rongona ara tau reigadoviau inau. Migamu goto na manetabu amu sove na reigadoviaqu inau, mamu sove tania niqu sasani. Me vaga ia, minau goto sauba kau sove tanigamu igamu, ma kau tau goto reigadovigira na dalemui mane vaga niqu manetabu.

1 Taovia Tsapakae 11:25

Maia e vaigalagi goto kolugira na Israel tana maurina popono a Solomon.