Sekaria 11:1 - Ghari

¹ !Igoe na Lebanon ko sangavigira nimu matsapa, ma na lake ke ba ganisuigira nimu gai na sida!

Sekaria 11:1 Referans Kwoze

Jeremia 22:23

Igoe o totu dou i laona na valemu ara aqosiginia na gai na sida ni Lebanon, me sauba nomoa ke livugaluvemu kalina ke gadovigo na rota loki, vaga moa na rota e vatsangia na daki e parâ na vasusu.

Sekaria 10:10

Inau sauba kau adivisugira tania na Ejipt ma na Asiria, ma kau ba mologira tana niqira kao segeni. Ma kau mologira goto tana Gilead mi Lebanon, ma na kao popono ia sauba ke dangadato moa na tinoni i laona.

Hagai 1:8

Bâ, mi kalina ia, kamu ba kavigira na gai i kelaqira na tetena, ma kamu tuturiga na logo visutuguana na Vale Tabu; mi tana ti inau sauba kau gini mage tugua na ba totu i laona, migamu sauba kamu mai na samasama vaniaqu i tana, me ke gini tangiloki tugua na soaqu.

Habakuk 2:17

Igamu amu kavitsunâ na goana atsi ni Lebanon, mi kalina ia me sauba God ke nauvaganana vanigamu goto igamu. Igamu amu labumatesigira nogo na omea tuavati ara totu i laona, mi kalina ia, migira na omea tuavati sauba kara molo matagu loki vanigamu goto igamu. Ma na omea girani sauba nomoa kara laba rongona na labumate ma na tangopeke seko amu naugira i laoqira na tinoni ma na vera sui tana barangengo.

Habakuk 2:8

Igamu amu aditamanimui niqira omea tatamani na tinoni danga tana vera, mi kalina ia igira ara kauvisu sauba kara aditamaniqira nimui omea tatamani igamu, rongona na labumate ma na tangopeke seko amu naugira i laoqira na tinoni ma na vera sui tana barangengo.

Na Vaolusi Ketsa 32:22

Na korequ sauba ke irudato vaga na lake me ke iruvigira pipi sui na omea tana barangengo. Me ke tsau bâ tana barangengo na mate me ke ganigira na lamuqira na vungavunga.

Esekiel 31:3

Igamu amu vaga saikesa moa na gai na sida ni Lebanon, kolugira na arana rereidou sosongo me auau dou. Maia e dato katsi sosongo me suâ na parako.

Sekaria 11:2

!Kamu ngangai ma kamu tangitangi igamu na gai na aru, rongona ara puka sui nogo na gai na sida, igira na gai rereidou sosongo ara viri toroutsa sui nogo! !Kamu ngangai ma kamu tangitangi igamu na gaikakai ni Basan, rongona ara kavitsunagira sui na gai i laona na goana atsi!

Sekaria 12:6

“Mi tana tagu goto ia, minau sauba kau naua migira na duli tana Juda kara lia vaga na lake loki i laona na gamosa, se i laona na uta na uiti ganoga. Migira sauba kara toroutsanigira sui lakalaka na puku tavosi ara totu varangi. Migira moa na tinoni ni Jerusalem sauba kara totu raviravi dou i laona niqira verabau.