Sekaria 10:1 - Ghari

¹ Kamu nongia na Taovia maia ke molomaia na usa tana tagu na tsutsuka. Aia nogo na Taovia e molomaia na parako me gini tumu na usa, mara gini dato dou na vangana niqira uta na tinoni sui.

Sekaria 10:1 Referans Kwoze

Isaia 44:3

“Inau sauba kau qetu kona na kao e tagara kô i laona, ma kau naua me ke tave vanigamu na ko tsatsali tana kao mamatsa. Me sauba kau dangaliginigira na dalemui niqu Tarunga, ma kau vangalaka vanigira na kukuamui.

Iakobo 5:7

Tasiqu, kamu berengiti na rota, poi tsau kalina ke labamai tugua na Taovia. Kamu reia kesa tinoni e aqo uta. Maia e berengiti me pipitu poi tsau kalina ke raranga nina uta. Eo, aia e pipitu me berengiti, poi tsau ke tumu na usa me ke malobusia nina uta.

Esekiel 36:37

“Minau na Taovia au tsarigotoa laka tana tagu ia, ti vaga igira na tinoni ni Israel kara nongiau kau sangagira me ke gini pabo ba na dangaqira tana tsotsoko vaga kesa na alaala loki na sipi, minau sauba kau rongomia niqira nonginongi.

Isaia 30:23

Mi kalina igamu kamu tsukagira nimui omea tsukatsuka, ma na Taovia sauba ke molomaia na usa gana kara gini dato dou, ma kamu tsurivia ke danga na lakana, me ke danga goto gaqira buruburu nimui omea tuavati.

Linge 65:9

God igoe o aragodou sosongolia na kao mo molomaia na usa ke malobusia; mo naua me gini lia na kao lakataga. Igoe o dangaliginigira na vuravura na kô; mo tusuvanigami nogo na omea tsukatsuka sui kami tsukâ tana kao. Miani nogo e vaga nimu aqo igoe Taovia:

Na Vaolusi Ketsa 28:23

Me sauba ke tau goto tumu sa usa, ma nimui kao sauba ke kakai vaga na tapala.

Ioane 16:23

Mi kalina ke labamai na dani ia, me sauba ke utu goto kamu nongiau sa omea. Inau au tsarivanigamu na manana: na Tamaqu sauba ke tusuvanigamu pipi sui na omea kamu nongia i konina tana asaqu.

Mika 5:7

Migira na toga ni Israel ara kauvisu sauba kara lia vaga moa na kolobu e talumai konina na Taovia i laoqira na puku tavosi danga, me vaga goto na tsitsikina na usa e malobusia na kutsuna vaolu na omea tsukatsuka. Migira sauba kara vataragi kakai tana susuligana God, me tau tana tinoni lê.

Amos 4:7

Minau nogo au tangolivisua na usa kalina ara mamatsa sosongo nimui omea tsukatsuka. Au moloa na usa ke tumu kesa tana verabau, mi tana verabau tavosi tagara. Ma na usa e tumu kesa tana uta, mi tana uta tavosi e makede lê na kaona.

Hosea 10:12

Minau au tsaria, ‘Kamu qari vanigamu segeni na kao vaolu, ma kamu tsukâ na sasaga goto laka, me sauba kamu tsurivia na lakana dou e moloa nimui aqo dou vaniau inau. E mailaba nogo na tagu i tana kamu pilomai i koniqu inau nimui Taovia, minau sauba kau mai ma kau vangalaka vanigamu tugua.’

Esekiel 34:26

“Minau sauba kau vangalaka vanigira sosongo, ma kau tamivanigira kara totu polia niqu vungavunga tabu. Mi tana inau sauba kau molomai vanigira na usa tana taguna laka.

Jeremia 14:22

?Laka e totu sa niqira god na puku tavosi tangomana ke molomaia na usa? ?Me laka na masaoka segenina moa e susuliga na nauana me ke tumu na usa? ?Me laka o tau nimami God igoe? Igami ami vataraginia nimami amesi i konimu igoe, rongona igoe segeni moa o dona na nauaqira na omea sui girani.

Jeremia 10:13

E goko moa aia, me alevo na kô i gotu tana masaoka; mara maisai na parako na usa tû tana susuina na barangengo. Maia e naua me kirapi na angaanga i laona na usa, me molomaia na guguri loki talumai tana nina voki na mani mololaka omea levo.

Isaia 5:6

Ma kau moloa moa na buruburu seko kara poko tsavugira. Me utu goto kau valakasigira na gaina, se kau qari kaoqira goto. Tagara. Sauba kau mololegira moa ma na gai kakaruga ma na itai kokonaga kara dato tsavugira. Ma kau tongo vanigotoa na parako na usa ke tumu tsuna tana niqu uta.”

Goko Tabana 16:15

Me ti vaga na taovia tsapakae ke tobadou me ke reingaoa kesa tinoni, me sauba ke vangalaka vania, vaga moa kalina na parako e adimaia na usa me malobusia na kao, mara gini dato varimauri na omea tsukatsuka.

Linge 104:13

Tû i gotu igoe o molomaia na usa ke tumuligira na vungavunga, ma na barangengo o dangali poponoginia nimu vangalaka igoe.

Jeremia 51:16

E goko moa aia, me alevo na kô i gotu tana masaoka; me naua mara maisai na parako na usa tû tana susuina na barangengo. Maia e naua me kirapi na angaanga i laona na usa, me molomaia na guguri loki talumai tana nina voki na mani mololaka omea levo.

1 Taovia Tsapakae 17:1

Me kesa dani, maia Elija na propete ni Tisbe tana Gilead e bâ me tsarivania a Ahab na taovia tsapakae, “Tana asana na Taovia na God mamauri ni Israel aia inau au aqo vania, inau au tsarivanigo laka e utu goto ke puka na kolobu se ke tumu goto na usa i laona ke ruka se ke tolu na ngalitupa ke mai poi tsau kalina inau kau tsaria ke tumu.”

1 Korint 3:6

Inau niqu aqo na tsukana na volana, ma Apolos nina aqo na lesoviginiana na koo na omea inau au tsukanogoa. Ma God nogoria, aia e naua na omea tsukatsuka ke malobu me ke dato.

Hosea 6:3

Ida gita ma ka tovokakaia na donaginiana na Taovia. Maia sauba ke mai manana nomoa i konida, vaga nogo na mararana na dani male, me vaga goto na usa e malobusia na kao.”

Linge 72:6

Ko sangâ me ke dou nina sasaga na taovia tsapakae, ke dou vaga moa ti na usa e tumutsuna tana poi popono me gini malobu dou na kao.

Nina Papi A Job 29:23

Migira sui lakalaka ara gini mage niqu tsaqina goko, vaga moa na tamanina na uta ara gini magemage na usa murina na aso papara.

Linge 135:7

Aia nogo e naua mara tû na parako na legai loki talu tana vovosana na barangengo; e naua me botsa na angaanga i laona na usa loki, me molomaia na guguri e talu i tana aia e mololakanogoa.

Jeremia 5:24

Me atsa moa ti inau au molomaia na usa tana tagu dou ke malobusia nimui omea tsukatsuka gana kamu gini mage na tsuriviana gamui mutsa pipi ngalitupa, migamu amu tau goto dona na padalokisiaqu inau.