Sekaria 1:5 - Ghari

⁵ Igira na mumuamui ma na propete ara mate sui nogo.

Sekaria 1:5 Referans Kwoze

Sasani Sasaga 12:5

Eo, sauba ke kakai vanigo na dato ao, mo ko kadangaginia na vanovano. Na ivumu sauba ke sere; me sauba ke kakai vanigo goto na tû ma na vanovano segeni. Me pipi sui nimu vavatsangi ni sau kara nanga lê tanigo. Igita sui a vano kalea tana vera na mango saliu, migira na tinoni sauba kara tangisia na mateada.

Sasani Sasaga 12:7

Na konida sauba ke visutugua tana kao, ma na tidaoda sauba ke visutugua i konina God aia e saunogoa vanigita tana idana.

Hibru 9:27

Pipi na tinoni sui, nina aqo ke mate kesa moa kalina, mi muri ti aia God ke pedea.

Aqoaqo 13:36

“Ma David e aqo dou vania God tana maurina popono, mi muri maia e mate mara qilua kolugira na mumuana, ma na konina a David e ratsa moa tana qilu.

Ioane 8:52

Mara tsarivania, “!Kalina ia, ami donamaka laka na tidao e totuvigo! Rongona e mate nogo a Abraham, mara mate goto igira na propete. Migoe, o tsaria laka asei ti ke muridoua nimu sasani e utu goto ke mate.

Sasani Sasaga 1:4

Na vatavata ara maimai ma na vatavata ara vavano, ma na barangengo aia e totu atsa vaga moa ia.

Linge 90:10

E vitu sangavulu lelê moa na ngalitupa igami ami dona na mauri tsaulina, se e alu sangavulu na ngalitupa ti vaga kami tangosuli. Mi laoqira ami tsodoa moa na vatsangisavi ma na rota; na mauri e tau oka me sui lê, migami ami nangaligi lê.

Jeremia 36:28

kau adigotoa kesa na viviruna papi, ma kau maretsunatugua pipi sui na omea ara totu nogo i laona na kesanina papi.

Tangitangi 5:7

Migira nogo na mumuamami ara sasi sosongo, mi kalina ia igira ara mate nogo, migami ami rota na matena niqira sasi.

1 Samuel 25:1

Mi tana tagu nogo ia me mate a Samuel. Migira sui na tinoni ni Israel ara saimai mara tangisia. Mi muri, mara ba qilua i Rama tana verana segeni. Mi murina na mateana a Samuel, maia David e vano tana kaomate ni Paran.

2 Taovia Tsapakae 13:14

Ma Elisa na propete e lobogu loki sosongo, me kesa dani kalina e varangi nogo ke mate, maia Jehoas na taovia tsapakae ni Israel e ba tsigovia. Me ngangai me tsarivania, “!Tamaqu, Tamaqu! !Igoe nogo gamami susuliga igami na Israel!”

2 Taovia Tsapakae 13:20

Me mate a Elisa mara qilua. I laona pipi na ngalitupa igira visana na alaala na Moab ara tau kuti na mai ma na bokiana na kao ni Israel.