Sekaria 1:15 - Ghari

¹⁵ Mi kalina inau au kore tetelo moa vanigira niqu tinoni, mau gini raigira na tinoni tana puku tavosi kara maiginigira. Migira ara mai mara tau rotasi tetelogira moa niqu tinoni. Tagara. Ara tû mara paboa babâ mara sekoli pitsugira. Mi kalina ia, migira na puku tavosi ara totudou tana rago. Aia nogo na rongona ti inau au gini kore sosongo vanigira.

Sekaria 1:15 Referans Kwoze

Jeremia 51:24

Na Taovia e tsaria, “Igamu sauba kamu reiau inau kalina kau tuguvisu vania na Babilon migira nina tinoni tana rongona na omea seko sui ara nauvania na Jerusalem.

Isaia 54:8

Inau au piloligi tanigo tana kore kesa moa tana tagu tetelo, mi kalina ia, sauba kau galuve sailaginigo. Inau nogo na Taovia au laumaurisigo au tsaria na omea iani.

Sekaria 1:11

Migira ara sagekae tana ose tavosi ara tatamanga vania na kesanina angelo, mara tsarivaganana iani, “Igami ami liuvinogoa na barangengo popono, mami reigira na tinoni sui ara totudou moa tana rago.”

Sekaria 1:2

Na Taovia Susuliga Sosongo e ketsalia a Sekaria ke ba tsarivanigira na tinoni na goko vaga iani, “I sau inau na Taovia au kore loki sosongo vanigira na mumuamui,

Linge 69:26

Ara rotasigira igira igoe o kedegira nogo; mara gini gogoko tana rongona niqira rota igira igoe nogo o bokaligira.

Amos 6:1

!Sauba ke seko sosongo rago vanigamu igamu amu tamanina na mauri lakagana i Sion, me vanigamu goto igamu amu padâ laka amu totu raviravi dou lê i Samaria, igamu na tinoni lokiloki ni Israel, igamu nogo igira na tinoni ara norugamu laka kamu sangagira!

Esekiel 26:2

“Dalena tinoni igoe, iani nogo e vaga na omea igira na tinoni tana verabau ni Tire ara tsovula gokona. Ara gugû mara tsaria, ‘!Na Jerusalem e toroutsa saikesa nogo! !Me utu goto nogo kara bâ na tinoni na voli omea i konina! !Mi kalina ia sauba kara mai na voli omea i konida igita, migita ka gini tamani qolo danga!’

Linge 137:7

Taovia, ko padatugua na omea ara naua igira na tinoni ni Edom tana dani ara tangolia na Jerusalem. Ko padatugua na goko vaga igira ara totu matengana na tsariana, “!Vuipukalia aia me ke toroutsa saikesa!”

Linge 123:4

Ara tsiri sekoligami oka sosongo nogo igira ara tamani omea danga, mara peagami igira na vanga kaekae.

Sekaria 6:8

Mi tana ma na angelo e gudato vaniau me tsaria, “Igira na ose ara tave i Babilonia tabana i vava ara naua me gini puka na korena na Taovia.”

Nina Papi A Job 30:13

Ara ponoti vaniau niqu sautu me gini utu vaniau kau tsogo; mara pabovaniau goto bâ niqu rota, me tagara goto kesa ke utusigira.

Jeremia 30:16

Mi kalina ia, igira sui ara toroutsanigamu sauba kara toroutsanigira goto, me pipi sui gamui gala sauba kara raqa tsekaligigira. Migira sui ara bingi sekoligamu, sauba kara bingi sekoligira goto, migira sui ara laugira nimui omea levolevo igamu, sauba kara laugira goto niqira omea levolevo.

Jeremia 50:33

Na Taovia Susuliga Sosongo e tsaria, “Ara bingi sekoligira nogo na tinoni ni Israel mi Juda. Igira ara tangoligira ara matanigira sailagi, mara tau goto tamivanigira kara vano.

Habakuk 3:12

Tana nimu momosatoba loki igoe o liu tsapatugu tana barangengo popono, mo tsogori tsunagira pipi sui na puku.

Sekaria 14:12

Na Taovia sauba ke molomaia kesa na lobogu seko sosongo vanigira na puku sui ara vailabugi kolugira na Jerusalem. Kalina igira ara mamauri moa, me sauba ke mabulu nogo na kokoraqira, ma na mataqira, ma na lapiqira.