Sekaria 1:14 - Ghari

¹⁴ Ma na angelo e raiau kau gini turupatuna vanigira na tinoni na omea na Taovia Susuliga Sosongo e tsarivaniau: “Inau au galuvea mau pada sosongolia na Jerusalem niqu verabau tabu.

Sekaria 1:14 Referans Kwoze

Joel 2:18

Mi muri, ma na Taovia e pada sosongolitugua nina kao me galuvegira nina tinoni.

Sekaria 1:17

Ma na angelo e tsarivaniau kau katevulagigotoa na omea iani vanigira: “Na Taovia Susuliga Sosongo e tsaria laka sauba ke dangaliginigira tugua na omea dou nina verabau, ma kara gini totudoutugua nina tinoni. Me ke vilitugua na Jerusalem vaga nina verabau segeni.”

Sekaria 1:9

Minau au tû mau veisuâ na angelo ia, “?Taovia, nagua vaga na rongona na ose girani?” Maia e gokovisu me tsaria, “Inau sauba kau sauvulagi vanigo na rongona.

Isaia 40:6

Me tangi laba kesa goto na goko me tsaria, “!Ko katevulagia kesa na goko!” Minau au veisuâ, “?Ma na goko gua vaga sauba inau kau katevulagia?” Maia e tsarivaniau, “Ko katevulagia laka pipi sui na mamatana tinoni e utu kara mauri oka. Ara dona kara mate tsaku lê, vaga moa na buruburu, ma gaqira tangirongo ara dudu tsaku lê vaga moa na tsitsi atsi.

Isaia 40:1

Maia na Taovia nida God e goko me tsaria, “!Veregira niqu tinoni! !Eo, ko veregira!

Sekaria 1:13

Ma na Taovia e goko ragorago vania na angelo ke gini doutugua na tobana.

Nahum 1:2

Na Taovia God e tau goto tamivanigira na tinoni kara samasama vania sa god tavosi, me kedegira igira ara petsakoe mangana aia. Mi tana korena loki aia e labuvisuginigira.

Hosea 11:8

“?Me koegua ti kau mololegamu igamu na Israel? ?Me ke koegua ti kau tsonilegamu? ?Laka kau sekoligamu vaga au nauvaninogoa na vera ni Sodom, se kau nauvanigamu na omea vaga au nauvanigira na Gomora? !E utu! Niqu galuve vanigamu e loki sosongo me gini utugana vaniau kau sekoligamu.

Isaia 63:15

Taovia ko morotsunamai tû i gotu i baragata, i tana igoe o totu tana susuligamu ma na mararamu loki. ?Rongona gua ti igoe o tau sauvulagia na susuligamu loki vanigami? ?Egua ti o tau nogo galuvegami mo ko boeginigami? Ko laka kiki na moroligi taniamami.

Isaia 59:17

Aia sauba ke sagelia na pedegoto ngiti tako, ma na susuligana gana na maurisi tinoni ngiti kepi tapala. Me ke gini popolo na papada susuliga gana na gotosiaqira na omea ara tau goto, ma na tangotuguaqira nina toga tana rongona na pede tau goto ara rotasiginigira.

Isaia 42:13

Na Taovia e aligiri na vano na vailabu vaga moa kesa na malagai susuliga, me totu vangarau sui nogo, me laona sosongo na vano na vailabu. Maia e tû, me naua na gû na vailabu, me sauvulagia na susuligana tana tuliusiaqira gana gala.

Isaia 9:7

Ma gana susuliga sauba ke dato babâ saviliu; ma na verana sauba ke totu sailagi moa tana rago. Maia sauba ke tagao na tuguna a David na taovia tsapakae, me ke vaturia gana susuliga tana sasaga gotolaka ma na pedegoto, ke tû kalina eni me ke ba saviliu tsau tana susuina na dani. Na Taovia God Susuliga Sosongo e padakuti matena nogo laka sauba nomoa ke naua ma kara laba na omea sui girani.

Sekaria 4:1

Ma na angelo aia e goko vaniau tana idana e visumaitugua i koniqu, me galisiau vaga moa ti au maturu.

Isaia 37:32

Me sauba nomoa kara matepitsa visana tinoni ara totu i Jerusalem mi tana Vungavunga Sion, rongona na Taovia nogo e padakuti matena ke gini laba na omea vaga ia.

Isaia 40:2

Goko dou vanigira na toga ni Jerusalem. Tsarivanigira laka e tugugira nogo niqira tagu na rota, me laka ara tanusiligi nogo niqira sasi. Ara adikedena sui nogo i koniqu inau na Taovia na matena pipi sui niqira sasi ara tsukia.”

Esekiel 36:5

“Inau na Taovia God au gini kore loki sosongo mau taimataqira na puku tavosi sui ara totu poligira na Israel, me putsikae bâ igira na Edom. Igira sui ara tsogori tsunaliau inau, mara gini mage loki kalina ara tangolia niqu butona momoru, mara aditamaniqira na kao tana e dato magobu dou na buruburu.