Sasani Sasaga 7:20 - Ghari

²⁰ Me tagara goto sa tinoni i barangengo tangomana ke nau sailaginia moa na omea e goto, me ke tau goto dona na tsukiana sa sasi.

Sasani Sasaga 7:20 Referans Kwoze

Roma 3:23

Igira sui ara dona na sasi mara gini totu ao tania na maurina God.

Isaia 53:6

Tana idana, igita sui lakalaka a vaga saikesa na sipi sarevo lê. pipi kesa e tavongani muria kesa nina sautu segeni. Ma na Taovia e molovania aia ke kalagaia na kede e tugua ke gado i konida igita sui.

Iakobo 3:2

Igita sui a dona na tubulagi danga kalina. Me ti vaga kesa tinoni ke voo na gini tubulagi na lapina tana nina goko, maia e goto saikesa na sasagana, me tangomana goto ke tagaovi segenina popono.

1 Taovia Tsapakae 8:46

“Mi kalina ti vaga igira nimu tinoni kara sasi i matamu igoe, me tagara goto ke kesa ke tau dona na nauana sa sasi, me ti vaga tana koremu loki igoe ko tamivanigira gaqira gala kara tuliusigira ma kara raqa tsekagira bâ kesa tana vera segeni, atsa moa ti na vera ia ke ao sosongo,

Goko Tabana 20:9

?Laka tangomana vania kesa ke tsaria, “Inau au mololegira sui nogo niqu sasi, me maka dou saikesa i laona tobaqu?”

2 Turupatu Dato 6:36

“Mi kalina ti vaga igira nimu tinoni kara sasi i matamu igoe, me tagara goto ke kesa ke tau dona na nauana sa sasi, me ti vaga tana koremu loki igoe ko tamivanigira gaqira gala kara tuliusigira ma kara raqa tsekagira bâ kesa tana vera segeni, atsa moa ti na vera ia ke ao sosongo,

Isaia 64:6

Igami sui na tinoni vanga sasi mami kaulinaqu i matamu igoe; me atsa goto nimami sasaga dou bâ, migira goto ara kaulinaqu i matamu vaga saikesa nogo na polo naqunaqu. Tana rongoqira nogo nimami sasi, te igami ami gini vaga na rau na gai matsele e puasalagira lê na guguri.

Linge 143:2

Laka kiki na raqaaqu tana pede inau nimu tinoni aqo, rongona e tagara kesa ke tau sasi i matamu igoe.

Linge 130:3

?Ti vaga igoe ko tsokogira sui nimami sasi, me sauba asei ke ulagana na ba tû i matamu igoe?

Nina Papi A Job 33:12

“Ko rorongo dou igoe a Job, tana goko vaga igoe o tsaria e tau goto. Aia God e loki me sasaga liuliu bâ liusigira na tinoni sui.

Aqo Manetabu 13:39

ma na manetabu nina aqo ke vilekea na tinoni ia. Me ti vaga ke reia laka igira na tuputupu ara papasaga sere lê moa, maia na kinikiniuga lê moa e tavongani laba tana kokorana na tinoni ia; maia e totu male dou moa tana vovorona na lotu.

1 Samuel 20:34

Ma Jonatan e kore loki sosongo me tû tsaku tania na bela, me tau goto gania sa omea tana dani popono ia, aia na rukanina dani tana Vula Vaolu. Maia e melu loki sosongo tana rongona a David, rongona a Saul e pea sosongolia vaga ia.

Linge 14:1

Igira na bule ara tsarisegenia i tobaqira, “E tagara sa God.” Eo, igira sui ara seko pitsu nogo, me seko saviliu pipi niqira sasaga; me tagara goto sa vidaqira ke naua sa omea ke goto.

Linge 14:3

Migira sui lakalaka ara viri liu sasi sui moa; pipi gira sui ara atsa sui tana seko. E tagara goto ke kesa vidaqira ke naua na omea ke goto, eo, e tagara goto ke kesa lelê.