Sasani Sasaga 7:1 - Ghari

¹ Na tangidouna na soamu aia e dou liusia bâ na ko sisigini dou loki matena; ma na dani na mateamu aia e dou liusia bâ na dani tana igoe o botsa.

Sasani Sasaga 7:1 Referans Kwoze

Na Katemai 14:13

Mau rongomigotoa e kesa e gokomai talu i baragata me tsarivaniau, “Ko maretsunaa na goko vaga iani: !Kara mage kalina ia igira ara mate i laona niqira aqo ara nauvania na Taovia!” Ma na Tarunga Tabu e tsaria, “!Eo manana! Sauba nomoa kara gini mage na mango tania na aqo kakai ara naua; rongona na peluna niqira aqo dou e dulikolugira mai.”

Goko Tabana 22:1

E dou bâ ko ngaoa kara padalokigo na tinoni tavosi, liusia bâ na kiliana na tamani omea danga.

Sasani Sasaga 4:2

Me vaga ia, minau au gini masugu vanigira igira ara mate nogo; igira ara totu dou bâ liusigira igira ara mamauri moa.

2 Korint 5:8

Eo, igita a malagai sosongo nogo, ma pada mananaa laka e dou baa na mololeana na valena na konida ni lao eni, ma ka ba totu tana valena na Taovia.

2 Korint 5:1

Igita dona laka kalina na valepolo igita a mauri i laona, aia nogo na konida ni lao eni, ke taratsiligi kalina ka mate, me sauba ka tamanina na konida vaolu i baragata. Maia ke vaga na vale vaolu God segenina nogo e aqosia, me tau aqosia na limana tinoni, ma na konida vaolu ia sauba ke totu saviliu.

Linge Na Galuve 1:3

E sigini dou sosongo na vurumu; ma na tatangina na soamu e dou sosongo vaniau vaga moa kalina ara qetua na ko sisigini. !Aia nogo na rongona ti ara ngao sosogoligo goto igira na daki tavosi!

Sasani Sasaga 10:1

Na lango mate i laona na ko sisigini dou e naua me gini seko popono na vuruna na kô ia, me vaganana goto kesa lelê moa na sasaga bubulega e dona ke pualasilea na sasaga loki bâ.

Goko Tabana 27:9

Na ko sisigini dou ma na oela sisigini dou ara ka naua me gini mage dou na tobamu. Ma na rota ara nauvanigo na tinoni tavosi ara tapalia na kosumu.

Isaia 56:5

mi tana ti sauba kara pada sailaginia na soamu i laona niqu Vale Tabu mi laoqira goto niqu tinoni, oka bâ liusia ti vaga ko tamani dalemu mane ma na dalemu daki. Me utu goto inau kau tamia kara padalea na asamu.”

Goko Tabana 15:30

Kalina o morosia kesa e kiaqumu me gini mage na tobamu, mo gini vatsangingaoa kalina o rongomia na turupatuna kesa na omea dou.

Nina Papi A Job 3:17

I laona na qilu igira na tinoni vanga tsutsukibo ara mololenogoa niqira nausasi, migira ara kolae tana aqo ara tsodoa na mango.

Ioane 13:2

Ma Iesu migira na sangavulu ruka, ara mutsakolu. Ma na tidao seko e totuvinogoa na tobana a Iudas, aia na dalena a Simon Iskariot, rongona ke gini sauligia a Iesu.

Linge 133:2

E vaga moa ti na oela loki matena ara qetua i lovana a Aaron me sarara tsuna tana ngolana, me porisia na liona na polona sagesage katsi.

Hibru 11:39

Igira sui na tinoni vaga girani, ara dou nogo i matana God rongona ara tutunina aia. Mara tau moa vati adia na omea God e vekea. Tagara.

Hibru 11:2

Igira na mumuada ni sau ara dou i matana God tana rongona nogo ara tutunina.

Luka 10:20

Migamu, ma kamu laka na gini mage moa tana rongona igira na tidao seko ara rongomigamu; kamu gini mage putsikae baa tana rongona God e maretsunagira nogo na asamui i baragata.”

Linge Na Galuve 4:10

Nimu galuve e naua mau gini mage loki sosongo, igoe na kosuqu popono ma na tauqu. Ma nimu galuve e dou liusia bâ na uaeni; ma nimu sede e sigini dou liusigira bâ pipi na papasa sisigini dou.

Sasani Sasaga 7:8

Na susuina kesa na omea e dou liusia bâ na tuturigana. Ma na berengiti e dou liusia bâ na kaekae.

Jona 4:3

Mi kalina ia Taovia, ko moloau moa ma kau mate. E dou bâ ti kau mateligi moa liusia na mauri.”

Nina Papi Ko Rut 3:14

Maia ko Rut e tsaro rago moa tana tutuarana a Boas. Mi tana matsaraka rovorovo kalina e tau vati dani dou moa, maia ko Rut e mamata idaida nogo, rongona a Boas e tau ngaoa ke kesa ke donaginia laka aia e talu i tana.

Goko Tabana 25:10

E tau dou ti vaga na tinoni tavosi kara rongomia laka igoe o tau dona na molopoiana na omea ara tsarivanigo, ma kara paluvangamamu. Me ti ko nauvaganana ia me sauba ke tangi seko sailagi na soamu.