Sasani Sasaga 12:4 - Ghari

⁴ Na kulimu sauba kara ka mui lê, mo ko tau goto rongomia sa leleo i tano. Me sauba ko tau goto rongomidoua na tatangina na kaukae kalina ara goli niu, ma na ileilena kalina ara taia na itai tatangi. Mi tana bongi kalina igoe ko maturu, e atsa moa ti ke tangi tetelo lê moa kesa na manu, migoe sauba ko rongomia mo ko gini mamata.

Sasani Sasaga 12:4 Referans Kwoze

Jeremia 25:10

Inau sauba kau muisia niqira gû na magemage, ma na tatangina na magemage na kavomutsa na tauga. Me sauba ke tagara sa oela vania niqira laeti, me ke tagara goto sa gaqira mutsa.

2 Samuel 19:35

Inau au tsaulinogoa e alu sangavulu na ngalitupaqu, me tagara goto sa omea ke dou vaniau kalina ia. Au tau nogo tangomana kau ganigadovia sa mutsa se kau inuvigadovia sa inu, me utu vaniau goto kau rongomigadovia na lioqira igira ara dona na linge. Sauba kau ngoligo lê moa igoe taovia.

Na Katemai 18:22

Me ke utu goto na rongomiana tugua i laomu kesa dani na tatangina na tuqulu ma niqira linge na tinoni, se na uviana na uete ma na tavuli. Me sauba ke tagara goto sa maneaqo ke naua nina aqo i laomu; me ke utu goto kara rongomia na tatangina na giri i laomu.

Isaia 47:2

!Ko ba virua na vatu na rapasi uiti! !Ko adiligia nimu polo na tsavu lova, mo ko tsoraligi gotoa na polomu rerei dou! !Ko adikaea na kolosimu gana ko tulusavu tana kô!

Nina Papi A Job 41:14

?Masei nomoa tangomana ke mangangasi vania na mangana, i tana ara viri tû na livona mamataguniga?