Sasani Sasaga 12:2 - Ghari

² Mi tana tagu ia sauba ke rodo vanigo na mararaqira na aso, ma na vula ma na veitugu, ma na parako na usa e utu goto ke vanoligi tanigo.

Sasani Sasaga 12:2 Referans Kwoze

Isaia 5:30

Mi kalina ke labamai na tagu ia, me sauba igira gaqira gala kara kanga loki tana Israel, ma na leleona ke kutu loki vaga moa kalina e karara na panu tana tseve. Mi kalina na tinoni kara momoro mai tana kao ia, me sauba kara reia moa na rodo ma na rota loki. Ma na parako baubau ke rodosi poponoa na marara.

1 Samuel 4:18

Mi kalina tsotsodo na mane e katelivania tana rongona na Bokisi na Taso, ma Eli e puka lengatada visu tania nina sasana na totu i ligisana na matsapakapuna na vera. Maia e tuqatuqa nogo me paquru sosongo, mi kalina e puka te e takutsi na liona me mate. Aia e ida vanigira na tinoni tana Israel i laona e vati sangavulu nogo na ngalitupa.

1 Samuel 4:15

Mi tana tagu ia, ma Eli e tsaulinogoa e siu sangavulu alu na ngalitupana, me varangi ke doko pitsu na matana.

Linge 77:16

Kalina igira na ko loki ara reigo igoe God, migira ara matagu sosongo, ma na maorodo na tasi e gariri tana matagu.

Linge 71:20

Migoe nogo o molomaia vaniau danga na rota ma na omea seko, migoe goto nogo sauba ko aragovisuau tugua, me sauba ko didia taniau na vano tana qilu.

1 Samuel 3:2

Mi kesa bongi, kalina a Eli e varangi nogo ke doko pitsu, maia e maturu tana vokina segeni.

Tuturigana 48:10

Ma Jakob e tau nogo moro maka rongona e tuqatuqa nogo, me tau tangomana ke moro dou sosongo. Ma Josep e adimaikaira na baka mane vania, maia e kasokaira me domikaira.

Tuturigana 27:1

Mi kalina a Isaak e tuqatuqa nogo me koko na matana, maia e soamaia a Esau na dalena botsa ida me tsarivania, “!Dalequ!” Ma Esau e tsaria, “Eo, inau ieni!”

Mateo 24:29

“Me ke tau moa oka i murina na dani seko loki vaga ia, me sauba ke rodo na aso, me ke tau goto maka na vula, ma kara puka na veitugu talu i gotu. Ma na omea susuliga sui ni gotu sauba kara pitsa tania na sasaqira.

Linge 90:10

E vitu sangavulu lelê moa na ngalitupa igami ami dona na mauri tsaulina, se e alu sangavulu na ngalitupa ti vaga kami tangosuli. Mi laoqira ami tsodoa moa na vatsangisavi ma na rota; na mauri e tau oka me sui lê, migami ami nangaligi lê.

Isaia 13:10

Pipi sui na veitugu sauba kara tau nogo maka, ma na aso sauba ke rodo moa kalina ke datomai, ma na vula sauba ke tau nogo sina.

Joel 3:15

Mi kaira na aso ma na vula ara ka rodo nogo, mara tau goto maka na veitugu.