Sasani Sasaga 10:14 - Ghari

¹⁴ Ma na tinoni bule e tau goto dona ke mango na goko. E tagara sa tinoni ke donaginia na omea gua sauba ke laba tana tagu ke mai, me tau goto tangomana ke kesa ke tsarivulagia vanigita na omea gua sauba ke laba i murina na mateada.

Sasani Sasaga 10:14 Referans Kwoze

Goko Tabana 15:2

Mi kalina ara goko igira na tinoni sasaga, e naua migira na tinoni ara rongomia ara gini padalokia na donalevo, ma na mangaqira na tinoni tau sasaga ara lua moa na goko bubulega.

Sasani Sasaga 8:7

rongona e tagara sa vidada igita ke donaginia nagua sauba ke laba, me tagara goto ke kesa tangomana ke tsarivulagi idanogoa vanigita.

Sasani Sasaga 6:12

?Masei tinoni nomoa tangomana ke donaginia nagua e dou bâ vania i laona nina mauri kurikuri e tau tamani rongona? Na maurina tinoni e liu tsaku vaga moa ti na auau lê? ?Masei tangomana ke donaginia nagua sauba ke laba i laona na barangengo i murina na mateana?

Sasani Sasaga 5:3

Ti vaga ko gini boe sosongo danga na omea, me sauba ke danga sosongo goto na omea seko ko bolea. Me ti ko goko sosongo, me sauba ke danga sosongo na goko bubulega ko tsonia.

Sasani Sasaga 3:22

Mi tana, minau au reigadovia laka na omea dou bâ e tugua igita ka naua, aia nogo ka gini mage na omea igita a aqo matena. Me tagara goto ke kesa na omea e tugua ka naua. Me tagara goto sa sautu vanigita gana ka donaginia nagua sauba ke laba vanigita murina na mateada.

Goko Tabana 10:19

Kalina o goko sosongo, mo tsaku sosongo goto na puka tana sasi. Me ti vaga ko sasaga, me sauba ko totu mui lê moa.

Nina Papi A Job 35:16

Eo, mi kalina igoe a Job o tsarivaganana ia ma nimu goko o tsonia ara tau lelê liu tana sasaga; mi tana e gini labamaka laka igoe o tau saikesa donaginia nagua o gini goko.”

Nina Papi A Job 34:37

Maia e paboginia moa nina sasi na petsakoe mangana God, me ngaoa moa laka aia ke managana. Mi matada igita sui aia e tû me goko peâ God.”

Sasani Sasaga 7:14

Mi kalina e laba na tagu dou vanigo, ko mage, mi kalina ke mai na tagu na rota, ko pada moa laka God aia nogo e saukaira sui na mage ma na rota; me utu saikesa vanigo igoe ko donaginia nagua sauba ke labamai i muri.

Sasani Sasaga 9:1

E oka sosongo nogo inau au padakakaia tana rongoqira na omea sui vaga girani, mau reigadovia laka aia God nogo e tagaovi kaputigira pipi sui niqira omeomea na tinoni sasaga loki migira e gotolaka niqira sasaga, atsa moa tana niqira vaigaluvegi ma niqira vaireisavigi. Me tagara goto ke kesa ke donaginia nagua e totupitua tana tagu ke mai.

Sasani Sasaga 10:15

Aia segeni moa e bule me tau goto donaginia na sautuna na verana, sauba ke gini rota lê moa na aqo.

Esekiel 35:13

Eo, minau au rongomigira sui goto nimu goko kaekae ma nimu goko peapea o nauvaniau inau.