Roma 3:3 - Ghari

³ ?Me ti vaga ara visana vidaqira na Tsiu ara tau manalia na omea ara vaitasogi kolua God? ?Megua, laka amu pada ngatsua aia God sauba e utu ke manalia nina tabana na taso?

Roma 3:3 Referans Kwoze

2 Timoti 2:13

Ti vaga igita ka tau mana vania aia, maia e mana saviliu moa vanigita, rongona aia e utu ke tau mana vanisegenia.”

Hibru 4:2

Igita a rongomi sui nogoa na Turupatu Dou vaga goto ara rongomia igira. Eo, igira goto ara rongominogoa na turupatuna, me tau moa pelugira, na rongona kalina igira ara rongomia mara tau lelee tutunina.

Roma 9:6

Inau au tau tsaria laka God e tau manalia nina veke vanigira na tinoni ni Israel. Tagara. Rongona e tau pipi gira sui na Israel kara lia nina tinoni vivili God.

Isaia 55:11

Me sauba ke vaga goto niqu goko inau. E utu ke puala lê. Me sauba nomoa ke naua na aqo sui inau au molovania ke naua.

2 Tesalonika 1:3

!Igamu na tasimami, tu nimami aqo nomoa tugami kami tu soadou sailaginia God na matemui igamu! Eo, e ulagana sosongo kami tu nauvaganana ia, rongona ami tu reia laka nimui tutuni ma nimui vaigaluvegi igamu sui e tau kuti na pabo babaa goto pipi kalina.

Roma 10:16

Me tau igira sui na tinoni kara tabedoua na Turupatu Dou. Na propete a Isaia na propete segenina nogo e tsaria i sau: “?Taovia, laka asei nomoa sauba ke tutunina na omea vaga igami ami gini turupatuna kalina eni?”

Linge 84:7

Migira ara susuliga babâ moa kalina ara vanovano i sautu; mi kalina kara ba tsau i Sion mi tana ti sauba kara reia God, aia e God loki liusigira na god sui.

1 Samuel 15:29

Niqira God loki igira na Israel aia e utu saikesa ke pero se ke olia nina papada. Aia e tau na tinoni, me tau dona ke olia nina papada.”

Tsoko Tinoni 23:19

God aia e tau saikesa vaga na tinoni lê me ke dona na peropero; me vô na oliana nina papada vaga ara naua igira na tinoni. Ma na omea sui moa aia ke vekea, sauba ke manaligira nomoa; aia e goko moa, mara laba na omea vaga aia e tsaria.

2 Korint 3:18

Vaga ia, migita sui na Kristiano e tau nogo tsavua sa polo na matada. Na mararana God e mararasigita mai. Aia nogo nina aqo na Tarunga Tabu, me oligita datodato tana nununa segenina nogo aia.

Mateo 24:35

Na baragata ma na barangengo sauba kara ka nangaligi lee. Ma niqu goko inau, e utu saikesa kara nangaligi.

Roma 11:29

E utu goto vania God ke olia nina pede murina aia e pede sui nogoa asei igira e viligira me vangalaka vanigira.

Ioane 1:16

Maia e dangatovu nogo na vangailaka i konina, me gini vangalaka sosongo vanigita sui. Ma nina vangalaka vanigita e utu goto ke sui.