Pilipi 4:7 - Ghari

⁷ Ma nina rago God, aia e dou putsikae baa liusigira pipi na omea igita a donaginia, aia nogoria sauba ke matalidoua na tobamui ma nimui sasaga i laona nimui mauripata koluana a Iesu Kristo.

Pilipi 4:7 Referans Kwoze

Ioane 14:27

“Na rago au molo vanigamu. Niqu rago segeni nogo inau au sauvanigamu. Maia e tau vaga na rago ke saua na barangengo. Migamu kamu laka na gini melu ma na padasavi, ma kamu laka goto na matagu.

Isaia 26:3

Igoe Taovia o tusua na rago laka vanigira ara totu kalavata i konimu, mara norugo moa igoe.

2 Tesalonika 3:16

Ami tu nongia na Taovia, aia segenina moa na pukuna na rago, ke sauvanigamu pipi kalina nina rago, atsa moa ti nagua ke laba vanigamu. Na Taovia ke totu i konimui igamu sui.

Kolose 3:15

Ma na rago aia a Iesu Kristo e sauvanigamu, aia nogo ke tagaovigamu tana omea sui kamu naua. Na totu tana rago vaga ia, aia nogoria na rongona ti God e soasaigamu i laona kesa moa na saikolu na lotu. Ma kamu dona na soadouana God sailagi.

Linge 29:11

Na Taovia e saua na susuligana vanigira nina tinoni, me saugotoa nina rago vanigira.

Galatia 5:22

Me ti vaga igita ka tamidou vania na Tarunga Tabu ke tagaovigita, me sauba aia nogo ke sangagita ma ka dona na mauri tana vaigaluvegi, na magemage, na rago, na berengiti, na vaipadagi, na vaisangagi, na vainorugi,

Roma 15:13

Inau au nongia nida God, aia na pukuna na amesi, ke dangali tovuginigamu na mage ma na rago i laona nimui tutuni, me ke gini kakai babaa nimui amesi tana susuligana na Tarunga Tabu.

Ioane 16:33

Au tsarinogoa na omea girani vanigamu rongona i koniqu inau kamu totu, ma kamu gini tamanina na rago i tobamui. Na barangengo sauba ke rotasigamu. !Migamu kamu malagai moa! !Inau au tangomana nogo tana vailabugi koluana na barangengo!”

Roma 8:6

Ti vaga igita ka mauri muria nina kili na tobada segeni, ma na peluna ia na mate saliu. Me ti vaga ka mauri muria nina kili na Tarunga Tabu, ma na peluna ia na mauri saliu ma na rago.

Roma 5:1

Eo, mi kalina ia, igita a totugoto nogo kolua God ginia nida tutuni, te e gini rago na tobada kolua God tana rongona nogo nina aqo a Iesu Kristo nida Taovia.

Epesus 3:19

Eo, au amesia ti igamu kamu donadouginia na galuvena aia, atsa moa ti ke utu na padagadoviana popono, rongona ke gini dangalitovugamu nina mauri segeni nogo God.

Isaia 48:18

“!Ti moa vaga igamu kamu dona na muridouaqira niqu ketsa! Mi tana ti niqu rago ke tatave vanigamu vaga moa na ko tsatsali e vô na mamatsa. Ma nimui sasaga goto ke dato susuliga, vaga moa na kararana na panu.

Nina Papi A Job 22:21

“Mi kalina ia, me dou ti igoe a Job ko naua na vaigotosigi koluana God; mo ko mololea na nauvaniana vaga ti aia gamu gala. Me ti vaga igoe ko nauvaganana ia, me sauba ko douvisutugua.

Roma 14:17

Rongona na omea putsikae baa vanigita tana maurida Kristiano, e tau kalea na omea igita a gania se a inuvia. Na omea loki vanigita baa, aia moa na totugoto i matana God, ma na mauri tana rago ma na mage koluaqira na tinoni tavosi tana susuligana nogo na Tarunga Tabu.

Isaia 48:22

Ma na Taovia e tsaria, “E tagara goto sa rago ke totu vanigira na tinoni sasi.”

Na Katemai 1:4

Inau a Ioane, au marea na leta iani vanitugamu sui amu tu vitu na vera na lotu tana butona na vera ni Asia: God aia e totu nogo kalina ia, me totu nogo tuu tana tuturigana, me sauba ke visumaitugua, aia nogo e molo baa vanigamu nina vangalaka ma nina rago, mi tugira goto tu vitu na tarunga ara tu totu i matana nina sasana na totukae na Taovia, i tana aia e tuu me tagaovigira na tinoni ma na omea sui,

Luka 1:79

Ke tuu i gotu me ke marara tsunamai vanigira ara totu tana ungana na mate, me ke tudumigita baa tana sautu na rago.”

2 Korint 13:11

!Eo, ma kamu totu igamu na tasiqu i laona a Iesu Kristo! Kamu tovoa pipi kalina ke gotolaka nimui sasaga; kamu murigira dou niqu goko; kamu tobasai dou, ma kamu mauri tana rago. Maia na God na galuve ma na rago sauba ke totu i konimui.

Tsoko Tinoni 6:26

Na Taovia ke galuvegamu, me ke tusuvanigamu nina rago.

Luka 2:14

“!Soalokia God i gotu vasau, mi lao ke baa na rago vanigira ara dou i matana!”

Linge 85:8

Inau sauba kau rongomi vatavia na omea God ke tsarivaniau. Aia e vekea laka sauba ke saua na rago vanigita igita nina tinoni segeni, ti vaga igita ka tau visutugua tana sautu sasi a muria i sau.

Pilipi 4:9

Kamu nau babaa moa na omea au sasaniginigamu, mamu reigotoa i koniqu tana niqu aqo. Ma God, aia na pukuna na rago, sauba ke totu i konimui.

Goko Tabana 6:22

Na omea ara ka sasaniginigo kaira sauba ke ida vanigo kalina igoe ko vano i sautu, me ke reitutugugo tana bongi, me ke sauparovata vanigo i laona na dani.

Isaia 26:12

Taovia igoe sauba ko naua ma kami gini tamani omea danga; igoe nogo o tagaovigira pipi nimami aqo, mami gini tangomana tana omea sui ami naugira.

Goko Tabana 4:6

Ko laka na tsidavaginiana na sasaga loki, maia sauba ke dilago; ko galuvea, maia sauba ke reitutugugo dou.

Goko Tabana 2:11

Nimu morogado ma nimu padagado igoe sauba kara ka reitutugugo,

Nehemia 8:10

Mi kalina ia, kamu visu sui i veramui, ma kamu naua na mutsa sai. Kamu palagira na mutsa ma na uaeni igira ara tau tamani ke tugugira. I dani eni na dani tabu loki vania nida Taovia, me vaga ia ma kamu laka goto na melu. Nina mage nogo na Taovia ke lia na susuligamui.”

Jeremia 33:6

Me sauba moa kau maurisitugua na verabau iani ma na tinonina, ma kara dou visutugua, ma kau mologira kara totu raviravi dou tana rago.

Isaia 45:7

Inau nogo au goko me gini laba na marara ma na rodo. Minau goto nogo au molomaikaira sui na tagu dou ma na tagu seko. Inau nogo na Taovia au naugira pipi sui na omea girani.

Hibru 13:20

Inau, au nongi sailaginia God vanigamu sui. Aia God na Taovia na Rago, maia nogo e maurisivisua a Iesu Kristo nida Taovia tania na mate. Maia nida Reitutugu Sipi Loki Tsapakae manana rongona e reoa na gabuna segeni ke gini tukakai saviliu na taso vaolu.

Nina Papi A Job 34:29

“?Me ti vaga God ke tau goto padangaoa na nauana sa omea, me laka tangomana kesa ke vaitsarigana? ?Me ti vaga aia ke poia na ngorana, masei sauba ke reilakana? Maia segenina moa e reitutugu kaputigira na tinoni ma na vera sui,

Na Katemai 2:17

“!Me ti vaga kamu tamanina na kulimui, ma kamu rongomia na omea e tsaria na Tarunga Tabu vanigira na vera na lotu! Me vanigira igira e managaqira, sauba kau palaginigira na Mana, aia na Mutsa Tabu e totu popoi me talumai i gotu. Me sauba goto kau tusuvanigira tatasa kara tango kesa niqira vatu sere, me kesa na soa vaolu ke totu i konina, me tagara ke kesa ke donaginia na soa ia, maia lelee moa e adia kesa tamanina aia moa e donaginia.

Iude 1:1

Inau a Iude, inau kesa gana duli a Iesu Kristo ma na tasina a Iakobo, au mare baa vanigamu na leta iani. Igamu sui aia God Tamana e galuvegamu me viligamu, ma Iesu Kristo e reitutugugamu.

Pilipi 1:2

Ami ka nongia God na Tamada, ma Iesu Kristo nida Taovia, kara ka vangalaka vanigamu, ma kara ka tusuvanigamu na rago.

Jeremia 32:16

Mi muri, kalina inau au sau suinogoa na mamarena na tsabiri kao vania a Baruk, mau nonginongi vaga iani,

2 Korint 10:5

mami vui pukaligira pipi sui na bara igira na tinoni kaekae ara vaturia, mara utusiginigira igira ara ngaoa kara donaginia God. Mami tovoa kami piloa na tobaqira na tinoni tania niqira sautu sasi, ma kara tsarimurina a Iesu Kristo.

Pilipi 1:1

Ikagami, inau a Paulo ma Timoti, kagami ruka nina maneaqo a Iesu Kristo, ami ka marea na leta iani vanigamu sui nina tinoni God i Pilipi, igamu amu tutunina nogo a Iesu Kristo, kolugira goto nimui tagao tana lotu ma niqira sasanga.

Pilipi 4:19

Maia niqu God, aia e tamanigira na omea sui, aia nogo sauba ke tusulea vanigamu tana asana a Iesu Kristo pipi sui na omea igamu amu kilia.

Pilipi 4:21

Au pada sosongoligamu igamu sui e tamanigamu nogo a Iesu Kristo. Migira sui na tasida ara totukoluau ieni ara pada sosongoligamu goto.