Pilipi 4:13 - Ghari

¹³ Au susuliga na bariana pipi na omea sui ara laba vaniau ginia na susuligana a Iesu Kristo nogo e sauvaniau.

Pilipi 4:13 Referans Kwoze

Isaia 41:10

!Kamu laka na matagu, inau au totu kolugamu! !Inau nogo nimui God, kamu laka na tamivaniana sa omea ke molomatagu vanigamu! Inau sauba kau susuligasigamu, ma kau sangagamu; me sauba nomoa kau reitutugugamu ma kau maurisigamu.

Kolose 1:11

Mami ka nongigotoa God laka aia ke kakaisiginigamu na susuligana segeni nogo ia, ti kamu gini susuliga na tukakai ma na berengiti pipi tana rota sui ara laba vanigamu.

Epesus 6:10

Mi tana susuina niqu leta, kau tsarivanigamu: kamu tsotsovata tana nimui mauripata koluana na Taovia, mi tana susuligana loki aia.

Epesus 3:16

Au nongia God laka tana vangana nina tamani danga, ke tusuvanigamu na susuligana ginia nina Tarunga Tabu ti kamu gini totu kakai babaa i laona na maurina na tidaomui.

Ioane 15:7

Ti kamu totu kalavata i koniqu ma niqu goko kara kalavata i laomui, mi tana ma na omea sui moa kamu nongia i koniqu, sauba kamu adia.

Isaia 45:24

“Me sauba kara tsaria, ‘Na Taovia segeni moa e sangagita, me susuligasigita.’ Migira ara reisaviau inau sauba kara gini rota na vangamâ.

1 Timoti 1:12

Au soadoua a Iesu Kristo nida Taovia, aia nogo e tusuvaniau na susuliga agana inau kau naudouginia niqu aqo. Au soadoua rongona aia e noruau me mologiniau kau aqo vania,

Mateo 14:29

Ma Iesu e soaa, “!Ko mai!” Me tuu a Petero, me tsipu tania na uaqa, me tuturiga na liu tana rarauna na tasi, laka ke baa i konina a Iesu.