Pilemon 1:9 - Ghari

⁹ Ma na rongona inau au galuvego, te au pada kau ngasugo lee moa. Eo, inau a Paulo nina maneaqo a Iesu Kristo mau tototu moa tana vale sosori kalina eni tana rongona niqu aqo vaniana aia.

Pilemon 1:9 Referans Kwoze

Epesus 4:1

Inau a Paulo, au totu tana vale sosori rongona au aqo vania na Taovia. Mau ngasugamu kakai kamu muridoua na vatana na mauri vaga God e vilinogoa vanigamu.

2 Korint 5:20

Vaga ia, mami goko vanigamu tana asana a Iesu Kristo, ma God segenina nogo e nongigamu tana mangamami igami. !Eo, tana asana nogo a Iesu Kristo ami ngasugamu kakai: kamu tamivania God me ke mologotosigamu i matana!

Roma 12:1

Igamu tasiqu, tana rongona nina vangalaka loki God vanigita, te inau au gini raigamu kakai: Kamu sau segenimui vania God vaga nogo kesa na kodoputsa mamauri ngiti savori tabu, ma kamu gini dou i matana aia. Ia nogoria na vatana na samasama manana e ulagana kamu sauvania God.

Epesus 3:1

Tana rongomui nogo igamu na tinoni ni veratavosi ti inau a Paulo, nina maneaqo a Iesu Kristo, au gini totu i laona na vale sosori.

1 Petero 2:11

Kulaqu galugaluve, igamu amu totu moa i barangengo mala tinoni tsinogo, mamu tau goto tamanina sa veramui pukuga ieni i lao. Inau au rai sosongoligamu laka kamu tau goto tamia kara tagaovigamu na kilinauseko ara totu i tobamui, mara dona na vailabugi sailagi kolua na tidaomui.

Hibru 13:19

Au ngasugamu kakai baa, ke laka tagara kamu nongia God ke sangaau inau, me ke tau oka ma kau visubatugua i konimui.

2 Korint 6:1

I laona nogo nida aqopata koluana God, igami ami ngasuginigamu kakai laka igamu amu adinogoa nina vangalaka God e dou ti kamu gini aqo, ma kamu laka na moloana ke totu lee moa.

Isaia 46:4

Inau nogo nimui God, me sauba kau aragogamu babâ poi kamu tuqatuqa ma kamu dakidaki me ke senge na ivumui. Inau nogo au aqosigamu, me sauba kau reitutugugamu, ma kau sangagamu, ma kau laumaurisigamu.

Goko Tabana 16:31

Na mauri oka gana peluna aia na tinoni e gotolaka nina sasaga; ma na senge e ngiti gana kepi marara.

Linge 71:18

!Mi kalina eni inau au tuqatuqa pitsu nogo, me senge sui nogo na ivuqu, migoe niqu God ko laka na vano taniaqu! Ko totu kalavata koluau kalina inau au katevulagia na susuligamu ma na lokimu vanigira na vatavata sui kara botsamai i muri.

Linge 71:9

Ko laka saikesa na tsonileaqu kalina eni rongona inau au tuqatuqa sosongo nogo; mo ko laka goto na vano taniaqu kalina eni rongona inau au maluku sosongo nogo.

Galatia 3:26

Migamu na kulaqu, amu lia nogo na dalena God rongona amu tutunina a Iesu Kristo.

Epesus 6:20

Ara tsoniau tana vale sosori rongona nogoria au turupatuna bamai na Turupatu Dou iani. Kamu nonginongi vaniau, kau gini malagai babaa na gini goko na Turupatu Dou, vaga niqu aqo nogo na nauana.

1 Timoti 1:12

Au soadoua a Iesu Kristo nida Taovia, aia nogo e tusuvaniau na susuliga agana inau kau naudouginia niqu aqo. Au soadoua rongona aia e noruau me mologiniau kau aqo vania,

Titus 2:2

Ko tsarivanigira na tinoni loki kara tau inubule, kara sasaga ma kara tagaovi segenia na mauriqira. Ke pukuga sui tana manana niqira tutuni, ma niqira vaigaluvegi, ma niqira berengiti.

Tinoni Pede 21:22

Me ti vaga na tamaqira se na tasiqira kara mai i konimui ma kara tongogira vanigamu, migamu kamu tsarivaganana vanigira, ‘Kamu tamigira dou vanigami moa, rongona igami ami tau laugira tanigamu tana vailabu agana kara lia na taumami. Eo, ma na rongona goto igamu amu tau saulegira vanigami, me vaganana ia ti igamu amu tau kutsia na vatsa amu gini veke na nauana.’ ”