Pilemon 1:12 - Ghari

¹² Mi kalina eni inau au moloa a Onesimus ke visubatugua i konimu igoe, ma na papadaqu popono inau e tsarimurina baa.

Pilemon 1:12 Referans Kwoze

Epesus 4:32

Igamu, kamu tobadou pipi kalina, kamu vaigaluvegi ma kamu vaisangagi. Kamu padalegira na omea seko ara nauvanigamu na tinoni tavosi, vaga nogo God e padalegira nimui sasi igamu rongona nina aqo a Iesu Kristo.

Luka 15:20

Mi tana aia e tuu me aligiri na visu i konina tamana. “Maia e maimai ao moa, ma na tamana e reia baa; me galuve sosongolia i tobana, me ulo baa me tsodoa, me kulakula kolua me salomia.

Marko 11:25

Mi kalina ti kamu tuu na nonginongi, ma kamu ida talu kamu padalegira na omea seko ara nauvanigamu na tinoni tavosi, rongona na Tamamui i gotu ke padalegira goto nimui sasi igamu.

Jeremia 31:20

Ma na Taovia e tsaria, “Israel, igoe nogo na dalequ galugaluve, niqu baka au galuve sosongolia bâ. Me atsa moa au goko korekore vanigo igoe, mau galuve sosongoligo nomoa. Na tobaqu e papadago sailagi moa, me sauba nomoa kau tobadoutugua vanigo.

2 Samuel 16:11

Ma David e tû me tsarivania a Abisai migira sui goto nina mane sasanga, “?Na dalequ segeni nogo e tovoa na labumatesiaqu; ma na rongona gua ti igamu amu gini novo nina goko na mane ni Benjamin iani? Na Taovia nogo e tsarivania ke gokoseko vaniau; bâ, ma kamu mololea moa ma kamu tamivania moa ke naua.

Na Vaolusi Ketsa 13:6

“E tau utu ti kesa na kulamui segeni nogo, se na dalemui mane, se na dalemui daki, se na taumui galugaluve, se kesa gamui saidou sosongo, ke mai dododo me ke govula gokona vanigamu kamu samasama vanigira na god peropero, igira na god igamu migira na mumuamui amu tau saikesa nogo samasama vanigira.

Pilemon 1:11

I votangana aia e tau lelee naua sa aqo ke pelugo igoe. Mi kalina eni, au dona laka nina aqo sauba ke dou me ke pelukaita sui.

Pilemon 1:13

Au padangaoragoa laka aia ke totuvisu koluau moa ieni, kalina au totu moa i laona na vale sosori tana rongona na Turupatu Dou. Maia ke sangaau ngiti tugumu igoe.