Nehemia 9:33 - Ghari

³³ Igoe o tamani rongona sosongo nomoa ko kedeginigami; migoe o tobalaka vanigami atsa moa ti igami ami sasi i matamu.

Nehemia 9:33 Referans Kwoze

Linge 106:6

Igami ami sasi vaga nogo ara naua igira na mumuamami; ami tsutsukibo mami sasaga seko.

Tuturigana 18:25

E manana nomoa e utu igoe ko tamia na matesiaqira lê na tinoni dou kolugira na vanga tsutsukibo. !Taovia, e utu! !E utu saikesa ko nauvaganana ia! Me ti vaga ko naua moa, migira na douna sauba kara gadovikede lê saikolugira igira na vanga tsutsukibo. Ma na omea vaga ia e utugana saikesa vanigo na tamiana. ?Me laka e tau nina aqo aia e pedea na barangengo popono ke gini pede moa na pedegoto?”

Tangitangi 1:18

“Ma na omea e nauvaniau na Taovia e gotolaka saikesa, rongona inau au petsakoe mangana. Kamu rongomiau inau igamu na tinoni pipi sui tana vera. Kamu morosiau mai tana niqu rota. Ara aditsekagira sui niqu mane ma niqu daki vaolu.

Jeremia 12:1

“Taovia, e gotolaka saikesa pipi nimu pede, me gini tau ulagaqu inau na vaimangabarigi kolugo. Mau ngaoa nomoa kau torogoko i konimu tana rongona visana na omea inau au tau padagadovigira. ?Laka egua ti ara tamani omea danga igira na tinoni vanga tsutsukibo? ?Me laka egua ti igira na tinoni vanga tabaru ara tangomana tana omea sui ara naua?

Linge 145:17

Na Taovia e gotolaka pipi tana omea aia e naua, ma na omea sui aia e naua e aqosigira tana galuve.

Linge 119:137

Taovia igoe o gotolaka, ma nimu ketsa sui ara goto saviliu.

Nina Papi A Job 34:23

God e tau kilia ke titivania sa tinoni na tagu gua aia ke ba laba i matana tana pede.

Nina Papi A Job 33:27

Mi mataqira na toga maia ke tû me ke tsarivaganana, ‘Inau au sasi i matana God. Mau tau naua sa omea ke goto, maia God e gaea nomoa na mauriqu.

Esra 9:15

Taovia God ni Israel, igoe o goto laka, mo tami nomoa kami mauri. Igami ami katevulagi vanigo laka ami sasi manana; me tau saikesa ulagamami na mai totu i matamu.”

Nehemia 9:34

Igira na mumuamami, ma nimami taovia tsapakae, ma gamami ida, migira goto na manetabu igira sui ara tau nogo muria nimu Ketsa. Igoe o parovatavigira kara muridougira nimu ketsa ma nimu vali, migira ara sove nomoa na rorongo.

Jeremia 44:3

rongona niqira tinoni ara naua na omea tabaruga, mara gini tsaia na korequ inau. Ara savori-kodoputsa vanigira na god peropero, mara aqo vanigira na vatana na god igira segeni, se igamu, se igira na mumuamui, ara tau goto vati dona na samasama vaniaqira.

Binaboli 32:31

Mi muri, ma Moses e visubatugua i konina na Taovia me tsaria, “!Alao Taovia igira na tinoni girani ara naua kesa na sasi loki sosongo! Ara aqosia kesa na god qolumila mara samasama vania.

Nehemia 9:8

Mo reia laka aia e totukakai i konimu igoe, mo naua kesa na vaitasogi kolua. Mo vekea laka ko tusuvania niqira kao igira na Kanaan, ma niqira kao goto igira na Het, ma na Amor, ma niqira kao igira na Peres, ma na Jebus ma na Girgas, ke lia na kao i tana kara totu igira na kukuana. Mi kalina ia migoe o manalia nimu veke, rongona igoe o mana saviliu.

Esekiel 11:12

Mi tana ti igamu sauba kamu donaginia laka inau nogo na Taovia, ma kamu donaginigotoa laka kalina igamu amu murigira moa niqira vali igira na veratavosi ara totu polipoligamu, tana tagu vaga ia migamu amu kutsigira niqu vali inau, mamu tau saikesa murigira niqu ketsa.”