Nehemia 9:30 - Ghari

³⁰ E danga nogo na ngalitupa igoe o berengiti na parovataviaqira. Mo mologira nimu propete kara goko vanigira, migira nimu tinoni ara tau goto rorongo, te igoe o tami vanigira na puku tavosi kara tangoligira.

Nehemia 9:30 Referans Kwoze

Roma 2:4

?Se ngatsu amu peaa nina galuve ma nina berengiti loki God kolugamu, e gini pitugamu poi tsau kamu pilotoba?

Aqoaqo 7:51

Maia Stivin e tsarigotoa vanigira igira na tinoni ara tangolia, “!Tinoni vanga vo rorongo igamu! !Vanga pono sagata na tobamui! ?Megua te e ire vaga na kulimui, mamu gini tau rongomia na gokona God? Igamu amu usuli saikesaligira na mumuamui. !Igamu goto amu sove pipi kalina na rongomangana na Tarunga Tabu!

Isaia 42:24

?Asei e mologira na Israel tana limaqira igira na vanga komi? !Aia segenina nogo na Taovia, aia igita a sasi i matana! Migita segeni nogo a sove na muriana na sautu aia e pedea vanigita, ma tau goto ngaoa na muriana nina ketsa ma nina vali.

2 Petero 1:21

Matena e utu saikesa vania sa tinoni lee ke tavongani botsangia sa tsaqina goko na katemai. Igira segeni moa na Tarunga Tabu e mararasigira ara tangomana kara katemai vanigira na tinoni na goko e talumai i konina God.

1 Petero 1:11

Ara lalave sosongolia laka kara gini donaginia ke ngisa ti ke gado na taguna ia, me ke koegua na maiana. Na Tarunga Tabu aia e totu i konina a Iesu Kristo, aia e totu goto i koniqira na propete i sau. Maia goto nogo e tusulabati vanigira na taguna, kalina e katemai vanigira na rota loki sauba a Iesu Kristo ke pirua, ma na marara loki sauba aia ke tamanina i muri.

Sekaria 7:13

Tana rongona nogo igira ara sove na rorongo kalina inau au goko vanigira, ti inau au sove goto na rongomiana niqira nonginongi.

Tangitangi 2:17

Na Taovia e naunogoa na omea aia e vorogokona nogo, me manalia na omea aia e pede okanogoa. Aia e tau goto gaego, me pukuli saikesalia gamu susuliga, me tami vanigira gamu gala kara tseqo poligo, ma kara tuliusigo.

Jeremia 25:4

Me atsa moa ti na Taovia e tau goto kuti na molomaiaqira vanigamu na propete igira nina maneaqo, migamu e kakai sosongo na tobamui mamu sove moa na rorongo.

Isaia 63:10

Migira moa ara sove tania, me gini melu nina Tarunga Tabu. Maia nogoria na rongona ti na Taovia e vaigalagi kolugira, me vailabu kolugira.

Nehemia 9:29

Igoe o parovatavigira kara muridougira nimu totosasaga, mi tana niqira kaekae igira ara sove moa tanigira nimu ketsa, atsa moa ti tana muriana nimu Ketsa igoe e totu na sautuna na mauri. Ara tobakakai sosongo mara tsatsarae sailagi, mara sove moa na rongomangamu.

Nehemia 9:26

“Migira nimu tinoni ara sove tanigo moa mara peamangamu; mara pilo tavamuri vania nimu Ketsa. Ara labumatesigira na propete igira ara sauparovata vanigira gana kara pilovisu tugua i konimu igoe. Me pipi kalina moa igira ara peago,

Aqoaqo 28:25

Te ara tuu na tinoni mara tavota, mara gini vaimangasuguradigi segeniqira murina kalina ara rongomia a Paulo e tsaria na goko vaga iani: “!Mi tana nogo e gado saikesa nina goko na Tarunga Tabu vaga e katemainogoa a Isaia na propete vanigira na mumuamui!

Aqoaqo 13:18

mi laona vati sangavulu na uvi God e berengiti kolugira tana legai mangu.

Jeremia 44:22

Ma na Taovia e utu goto ke baria na reiaqira na omea tabaruga ma na tsutsukibo amu naugira, maia nogoria na rongona ti nimui kao e totu mangu lê saikesa me tagara goto ke kesa ke totu i laona, migira na tinoni tavosi ara gini novo loki mara matagu, tana rongona na omea vaga ia e laba, mara gini aqo na soana na veramui gana na vealagi.

Jeremia 7:25

Me tû tana dani igira na mumuamui ara mololea i Ejipt me tsau mai i dani eni, inau au tau kuti na molovanoaqira vanigamu niqu maneaqo igira na propete.

Linge 86:15

Migoe Taovia o tobalaka sosongo mo God na galuve, mo berengiti sailagi mo mana saviliu.

Nehemia 9:20

Mi laona nimu doulaka igoe o vota vanigira na omea niqira aqo kara naua; mo palaginigira na mana mo tusugotoa na kô vanigira kara inu.

2 Petero 3:9

Visana tinoni ara pada laka na Taovia e kisa sosongo na manaliana na omea aia e vekenogoa. Me tau vaga ia. E rerei vaga rago ti aia e kisa sosongo, maia e berengiti nomoa kolugamu. Matena aia e tau ngaoa na tsoniana kesa tana mate saliu, me kilia moa laka igira na tinoni sui kara piloligi talu tania niqira sasi.

Tsoko Tinoni 11:26

Mara ka ruka i laoqira na vitu sangavulu na ida kaira a Eldad ma Medad, ara ka totuvisu moa, mara ka tau ba sanga na tû koluana a Moses i matana na Valepolo Tabu. Me totuvikaira na Tarunga, mi kaira goto ara ka tuturiga na gudato i laona na nauna i tana ara tototu vaga ara naua igira na propete.

Linge 95:10

I laona e vati sangavulu ngalitupa inau au qisi tanigira na tinoni girani. Mau tsaria, ‘!Igira ara petsakoe sosongo, mara sove na muriaqira niqu ketsa!’

Isaia 28:10

Aia e tsarivisutatua vanigita kesa moa goko vaga moa kalina e sasanigira na baka tetelo me aditatasâ pipi tsaqina goko.”

Isaia 48:9

“Inau au kore sosongo vanigamu mau ngaoa na toroutsaniamui, mau padâ moa na asaqu tabu, ti au tangolivisua na korequ mau tau matesiligigamu, rongona na tinoni sui kara tsonikaeginiau.

Sekaria 7:12

ma na tobaqira ara kakai vaga na vatu. Bâ, mi tana rongona nogo igira ara sove na rongomiana na sasani inau au molo bâ vanigira tana mangaqira na propete ni sau, te inau au gini kore loki sosongo.

2 Taovia Tsapakae 18:11

Maia na taovia tsapakae ni Asiria e aditsekagira bâ na Israel tana Asiria, me mologira visana vidaqira tana verabau ni Hala, me visana i ligisana na Kô Habor tana butona na kao ni Gosan, me visana i laoqira na verabau tana Media.

2 Taovia Tsapakae 21:10

Mi tana mangaqira nogo na propete igira nina maneaqo, aia na Taovia e tsarivaganana,

2 Turupatu Dato 24:19

Ma na Taovia e molovanogira nina propete kara ba parovatavigira ma kara visumaitugua i konina aia, migira na tinoni ara sove saikesa na rorongo.

Esra 9:10

“?Kiki niqu God, ma nagua sagata nomoa tangomana kami tsarivanigo kalina ia? Igami ami peagira tugua na ketsa

Jeremia 44:4

Inau au tau kuti na molovanoaqira niqu maneaqo igira na propete kara ba tsarivanigamu kamu mololea na nauana na omea tabaruga loki vaga ia inau au reisavi sosongolia.

Jeremia 44:5

Migamu amu sove na rorongo, mamu tau goto gini boe na nauana na omea au tsarivanigamu. Igamu amu tau saikesa ngaoa na mololeaqira nimui sasaga tabaruga na savori-kodoputsa vaniaqira na god peropero.

Daniel 9:6

Migami ami sove goto na rongomiana na mangaqira na propete nimu maneaqo igira ara gini goko tana asamu igoe vanigira nimami taovia tsapakae, ma gamami tagao, migira na mumuamami, ma nimami puku popono.