Nehemia 9:27 - Ghari

²⁷ bâ, migoe o tamivanigira gaqira gala kara tangoligira nimu tinoni ma kara tagaovigira. Mi laona niqira rota loki igira ara ngangai dato vanigo ko sangagira. Me tû i baragata igoe o rongomia niqira nonginongi. Mi tana nimu galuve loki o molo bâ vanigira visana gaqira ida susuliga kara laumaurisigira tania gaqira gala.

Nehemia 9:27 Referans Kwoze

2 Taovia Tsapakae 14:27

Ma na Taovia e tau goto tsaria laka sauba ke toroveo poponoa na Israel, te aia e tû, me moloa a Jeroboam na Rukanina ke laumaurisigira tania na limaqira gaqira gala.

2 Taovia Tsapakae 13:5

Maia na Taovia e tû, me molovanigira na Israel kesa gaqira ida susuliga, maia nogo e maurisigira tanigira na Siria. Me vaga ia, ti igira na Israel ara gini totu dou rago tugua tana veraqira, vaga saikesa nogo ara totu tana idana.

2 Turupatu Dato 36:17

Mi tana, ma na Taovia e mologinia na taovia tsapakae ni Babilonia ke baginigira. Maia e matesigira na mane vaolu sui tana Juda, atsa moa goto igira ara totu i laona na Vale Tabu. Me tau goto gaea ke kesa, tinoni vaolu se tinoni loki, na mane se na daki, tinoni lobogu se tinoni mauri dou. Aia God e mologira sui lakalaka i limana moa aia.

Tinoni Pede 2:18

Me pipi kalina ti vaga na Taovia ke sauvanigira na tinoni ni Israel kesa gaqira ida, mi tana tagu popono kalina aia e mamauri moa, maia na Taovia e sangâ me gini tangomana na laumaurisiaqira nina tinoni tania na limaqira gaqira gala. Na Taovia e galuvegira tugua rongona igira ara kukungu tana rota e bingi sekoligira.

Nehemia 9:19

Atsa moa igira ara nauvaganana ia, migoe o tau mololegira i laona na kaomate, rongona nimu galuve e loki sosongo. Mo tau goto adiligia na parako se na lake e sausautu vanigira i tana kara liu bâ tana dani ma na bongi.

Aqo Manetabu 26:17

Inau sauba kau piloligi tanigamu, migira gamui gala kara tuliusigamu lê. Migira ara reisavigamu sauba kara tagaovi kaputigamu. Migamu sauba kamu matagu loki sosongo, ma kamu tavongani tsogo lê kalina ke tau vati takuvigamu moa ke kesa.

2 Taovia Tsapakae 17:20

Mi tana ma na Taovia e tû, me sove tanigira sui na Israel, me kedegira kakai me saugira bâ i limaqira gaqira gala kara rotasigira, poi tsaumai tana susuina aia e tsialigigira saikesa tania i matana.

2 Taovia Tsapakae 17:39

Nimui aqo nomoa igamu kamu rongomangaqu inau nimui Taovia ma nimui God, minau sauba kau laumaurisigamu tania na limaqira gamui gala.”

Linge 136:24

Maia e laumaurisigita tania na limaqira gada gala; rongona nina galuve e totu saviliu.