Nehemia 7:65 - Ghari

⁶⁵ Maia gaqira tagao butona momoru igira na Juda e tongovanigira na ganiana na mutsa ara savorivania God poi tsau kara tsodoa kesa na manetabu loki e dona na gini aqo na Urim ma na Tumim.

Nehemia 7:65 Referans Kwoze

Nehemia 8:9

Mi kalina igira na toga ara rongomia na goko e totu tana Ketsa, migira sui lakalaka ara tuturiga na ngangai. Bâ, mi tana ara tû a Nehemia na taovia tagao butona momoru, ma Esra na manetabu, aia e sasaga sosongo tana rongona na Ketsa, ma na Levite igira ara vuresi makalinogoa na Ketsa vanigira, mara tsarivanigira na toga, “Na dani iani na dani tabu loki vania na Taovia nimui God, kamu laka na melu se na ngangai.

Binaboli 28:30

Ko molosagea na Urim ma na Tumim i laona na todo tetelo ia, rongona kara ka gini totu varangisia na kosuna a Aaron pipi kalina aia ke mai i mataqu inau. Mi tana tagu vaga ia, ma nina aqo ke molo sailaginia na todo tetelo ia tana aseasena, rongona ke gini tangomana na tsodovulagiana niqu kili inau vanigira na tinoni ni Israel.

Nehemia 10:1

Ma na kesanina tinoni e mare soana i konina, aia nogo a Nehemia na dalena a Hakalia, mi muri ma Sedekia e mare soana. Migira sui goto na tinoni girani ara mare soaqira i konina:

Esra 2:63

Maia gaqira tagao butona momoru igira na Juda e tongo vanigira na ganiana na mutsa ara savori vania God, poi tsau kalina kara tsodoa kesa na manetabu loki e dona na gini aqo na Urim ma na Tumim.

Na Vaolusi Ketsa 33:8

Mi tana rongoqira igira tana puku konina a Levi aia e tsaria: “Taovia, igoe o sauvanigira na Levite nimu maneaqo dou, kaira ruka na vatu na Urim ma na Tumim gana kara tsodovulagiginia na omea igoe o kilia. Igoe o tovogira i Masa mo tsodovulagia niqira sasaga tana kô i Meriba.

Tsoko Tinoni 27:21

Ma Josua nina aqo ke ba na rorongo i konina a Eleasar na manetabu, maia Eleasar ke gini aqo na Urim ma na Tumim na mani tsodovulagi vaniana na omea inau au kilia. Mi tana nauvaganana nogo ia, ti aia Eleasar sauba ke sau sautu vania a Josua kolugira na toga popono tana Israel i laona pipi sui niqira aqoaqo ara naua.”

Aqo Manetabu 2:10

Ma na tsarana na sausau ia gaqira nogo igira na manetabu; me gini lia na omea tabu loki sosongo rongona e talu tana vangana na mutsa amu sauvania na Taovia.

Aqo Manetabu 2:3

Ma na tsarana na sausau na uiti ia kara aditamaniqira igira na manetabu; me gini lia na omea tabu loki sosongo rongona e talu tana vangana na mutsa ara sauvania na Taovia.

Aqo Manetabu 8:8

Me moloa na todo tetelo ke tsautsuna i aseasena, me molotsavukaira na Urim ma na Tumim i laona.

Nehemia 7:66

Me saisai migira sui kolu na mane ni Israel ara visutugua i veraqira ara tsaulia 42,360 kolugira goto: ara 7,337 niqira mane ma na daki aqo me 245 na mane ma na daki ara dona na gini sinagi na itai tatangi me 736 na ose me 245 na liana na ose ma na asi me 435 na kamelo me 6,720 na asi.

Nehemia 7:70

Mara danga vidaqira na toga ara sanga na sauqolona na aragovisuana na Vale Tabu. Na taovia tagao butona na momoru e saua e 8 kilo na qolumila, me 50 na popo qolumila, me 530 na polo sagesage katsi vanigira na manetabu. Migira na ida tana duli ara saua e 168 kilo na qolumila, me 1,250 kilo na siliva. Migira na toga ara saua e 168 kilo na qolumila, me 140 kilo na siliva, me 67 na polo sagesage katsi vanigira na manetabu.