Nehemia 2:19 - Ghari

¹⁹ Mi kalina tugira a Sanbalat, ma Tobia, me kesa na tinoni ni Arab, a Gesem na soana, ara tu rongomia na omea ami vangaraua na nauana, mi tugira ara tu kiataginigami mara tu tsaria, “?Nagua vaga ia amu naua igamu? ?Laka amu padâ tana nauvaganana ia ma kamu gini susuliga na tuliusiana na taovia tsapakae?”

Nehemia 2:19 Referans Kwoze

Nehemia 6:6

Miani e vaga na goko e totu i laona na leta ia: “A Gesem e tsarivaniau laka na goko e liubamai i laoqira na tinoni ara totu polipoligita laka igoe migira na Tsiu amu padâ kamu livusuguradi, maia nogo na rongona ti amu aragovisuginia na baravatu. Me tsarigotoa laka o pada ko molokae segenimu mo ko lia na taovia tsapakae,

Marko 5:40

Migira sui tana ara gilugana moa. Te e tuu a Iesu, me ketsaligira kara rutsu sui i tano. Maia e adikaira moa na tamana ma na tinana na baka mi tugira gana duli, mara tu sage tana voki tana e tsaro na baka.

Hibru 11:36

Mara visana ara tsirigira, mara rarusigira kakai tana rongona niqira tutuni. Mara visana ara sorigira mara tsonigira tana vale sosori.

Aqoaqo 24:5

Igami, ami tsodovulagia na mane iani aia e seko sosongo baa na sasagana. E totu matengana na tsaikore i laoqira na Tsiu pipi sui nauna tana barangengo, maia e ida vanigira goto kesa na alaala ara soaginigira na Nasarene.

Ioane 19:12

Mi kalina a Pilate e rongomia na goko vaga ia, maia e tovoa na lave sautuna na nusileana a Iesu. Migira na toga ara guguvisu loki baa mara tsaria, “!Ti vaga ko nusilea aia, me vaga moa ti igoe o tau na kulana na Sesar! !Asei ti ke tavongani tsarisegenina laka aia e taovia tsapakae, tinoni vaga ia e peamangana na Sesar!”

Luka 23:2

Mi tana, migira ara tuturiga na tatamanga gana mara tsaria, “Ami tsodovulagia na mane iani e raqa sasiligira nimami tinoni. Me tongo vanigira kara laka na voli takesi vania na Sesar. Me tsarisegenina goto laka aia na Mesia, na Taovia Tsapakae.”

Jeremia 20:8

Me pipi kalina ti kau tû na goko, migoe o raiau moa laka kau gudato ma kau katea, “!Na Vailabugi Loki sauba ke laba, migamu sauba kamu viri mate sui!” Taovia ko reigira ara tsiriau mara peaau pipi moa kalina, tana rongona nogo nimu goko igoe o raiginiau na katevulagiana.

Linge 80:6

Mo tamivanigira na puku tavosi ara totu poligami kara laua nimami kao; migira gamami gala ara tsirigami lê.

Linge 79:4

Igira sui na puku tavosi ara totu poligami ara peagami mara kiataginigami mara tsirigami.

Nina Papi A Job 30:1

Ma Job e tsarigotoa, “!Eo, mi kalina ia migira na tinoni vaolu ara tû mara gilugaqu! Ma na tamaqira nogo igira ara tinoni sekoseko lê, me utu kau tamivanigira kara sangagira niqu pai na mataliaqira niqu sipi.

Nehemia 6:9

Ara nauvaganana ia rongona ara ngaoa kara molomatagu vanigami ma kami gini mololea na aqo. Minau au nonginongi mau tsaria, “!Au nongigo Taovia God ko susuligasiau kalina ia!”

Nehemia 4:1

Mi kalina a Sanbalat e rongomia laka igami na Tsiu ami tuturiga na aragovisutuguana na baravatu, maia e kore loki sosongo me tuturiga na gilugamami.

Nehemia 2:10

Mi kaira a Sanbalat ni Bet Horon, ma Tobia kesa na tinoni lokiloki tana butona momoru ni Amon, ara ka rongomia laka e mai nogo kesa rongona ke sangagira na tinoni ni Israel, mi kaira ara ka tau saikesa rongomingaoa.

Mateo 9:24

Ma Iesu e tsarivanigira, “!Kamu rutsu sui i tano! Na baka daki e tau mate. E maturu lee moa.” Migira sui tana ara gilugana.

Nehemia 13:28

A Joiada aia na dalena a Eliasib na Mane Tabu Loki e tamivania kesa na dalena mane ke taugalalo kolua na dalena daki a Sanbalat ni Bet Horon. Minau au ketsalia a Joiada ke vanoligi tania i Jerusalem.

Linge 123:4

Ara tsiri sekoligami oka sosongo nogo igira ara tamani omea danga, mara peagami igira na vanga kaekae.

Jeremia 41:10

Mi muri ma Ismael na dalena a Netania e aditsekagira sui na dalena daki na taovia tsapakae, migira sui goto na tinoni ara kauvisu i Mispa, igira aia Nebusaradan gaqira taovia na mane vaumate e mologira i vavana nina reitutugu a Gedalia, mara vano kalea na butona kao ni Amon.

Linge 80:7

!Ko adivisugami, God Susuliga Sosongo! !Sauvulagi vanigami na galuvemu, me sauba igami kami gini mauri!

Isaia 36:5

?Se laka o padâ igoe na goko lê vaga ia ke susuliga liusia bâ na sasaga loki tana vailabu ma na alaala loki na mane vaumate? ?Laka asei nomoa o padâ igoe sauba ke sangago na tukapusiaqira na Asiria?