Nehemia 13:25 - Ghari

²⁵ Mau taimataqira na mane girani, mau vealaginigira, mau ramitsigira, mau raqavutia na ivuqira. Mi muri mau ketsaligira kara gini vatsa na asana God laka igira se na daleqira kara tau goto taugalalo kolugira na tinoni ni veratavosi.

Nehemia 13:25 Referans Kwoze

Nehemia 13:17

Mau taimataqira igira na ida i laoqira na Tsiu mau tsaria, “!Kamu reia bâ na omea seko amu naua! Amu tau saikesa padalokia na Dani na Sabat, mamu naua me gini lia vaga moa ti na dani lê.

Esra 10:5

Maia Esra e tû me raigira na ida i laoqira na manetabu ma na Levite, migira sui na Israel, kara vatsa vania God na nauana na omea vaga e pedenogoa a Sekania.

Na Vaolusi Ketsa 7:3

Kamu laka na taugalalo koluaqira, ma kamu laka goto na tamivaniaqira na dalemui na taugalalo koluana sa vidaqira,

Nehemia 13:11

Mau taimataqira igira ara reitutugua na Vale Tabu rongona ara tau reitugutugudoua. Mau soavisumaigira na Levite migira ara dona na gini sinagi na itai tatangi, mau mologira kara aqotugua tana Vale Tabu.

Isaia 50:6

Mau tamivanigira na gotuqu gana kara ramitsia. Mau tau goto tukapusigira kalina ara gokopea vaniau, mara tatavutia na ivuna na ngolaqu, mara tsuvelia na mataqu.

Goko Tabana 28:4

Ti vaga igoe o tau gini boe na muriana na ketsa, migoe o totu tabana i koniqira na tinoni vanga tsutsukibo; me ti vaga ko muridoua na ketsa, migoe o tukapusigira na tinoni vaga gira.

Linge 15:4

Aia e peagira igira God e sove tanigira nogo, me padalokigira igira ara rongomangana na Taovia. Me manalia pipi kalina na omea aia e vekea na nauana, atsa moa ti ke tsodoa na rota i laona.

Nehemia 5:13

Mau tû mau tsoraligia na polo au sageli taligua i bunguqu mau tiduvâ. Mau tsaria, “God sauba ke tiduvâ vaganana iani asei vidamui ti vaga ke tau manalia nina veke. Sauba aia ke adiligi tanigamu na valemui ma na omea sui amu tamanina, ma kamu tau goto tamanina sa omea.” Migira sui ara totu i tana ara tsaria, “!Amen! !E dou, moloa ke laba vaga nogo ia!” Mara tsonikaea na Taovia. Migira na ida ara manali mananâ niqira veke.

Esra 7:26

Masei moa ti ke peâ nina ketsa nimu God, se na vali inau a Artaserkses na taovia tsapakae au mologira, na tinoni vaga ia, nimu aqo nogo ko kedetsakua: ko matesia, se ko tsonitsekâ, se ko adiligitania pipi sui nina omea tatamani sui, se ko tsoni bâ tana vale sosori.”

Na Vaolusi Ketsa 6:13

Kamu kukuni tania na Taovia nimui God, maia segeni moa kamu samasama vania, mi tana asana segeni moa aia kamu aqosigira nimui veke.

Binaboli 34:16

Me tau utu ti igira na dalemui mane kara taugagira na daki ni veratavosi girani, migira sauba kara raqa sasiligira na dalemui ma kara tau totu kakai i koniqu inau, ma kara ba sanga na samasama vaniaqira niqira god ponotoba.

Josua 23:12

Me ti vaga igamu kamu tau totukakai i konina na Taovia, ma kamu ba sai kolugira na puku tavosi ara totuvisu moa i laomui ma kamu vaitaugagi,

2 Taovia Tsapakae 2:24

Ma Elisa e pilovisu me vusuligira kakai, me vealaginigira tana asana na Taovia. Mi tana, me ruka na pai atsi daki ara ka rutsu labamai talu tana legai atsi, mara ka gati ngotsingotsigira ara vati sangavulu ruka vidaqira na baka mane.

Nehemia 13:24

Ma na turina popono na daleqira ara gini goko tana goko ni Asdod, se visana tana goko tavosi, mara tau saikesa dona kara gini goko nimami goko segeni igami.

Linge 119:53

Mi kalina au reigira na vanga tsutsukibo ara kutsigira nimu ketsa, me galasiau sosongo inau.

Nehemia 5:6

Mi kalina au rongomia na goko vaga ia mau gini kore loki sosongo,