Nehemia 12:47 - Ghari

⁴⁷ Mi tana taguna a Serubabel, mi tana taguna goto a Nehemia, pipi sui na tinoni ni Israel ara adimaia niqira vangalaka pipi dani, mara saugira vanigira igira ara gini sinagi na itai tatangi ma na mane matali Vale Tabu. Mara adimaigira goto niqira vangalaka dou bâ vanigira na Levite, migira na Levite ara tuvari votagira na turina dou bâ i laoqira na vangalaka girani vanigira na manetabu vaga nogo ara marea tana papi na Ketsa.

Nehemia 12:47 Referans Kwoze

Galatia 6:6

Na tinoni e sasania na gokona God i konina kesa na tarai, nina aqo ke patakolua gana tarai na omea dou sui aia e tamanina.

Nehemia 12:26

Ma na tinoni girani ara mauri tana tagu kalina e Mane Tabu Loki a Joiakim na dalena a Jesua ma na kukuana a Jehosadak, ma Nehemia e taovia tagao butona momoru, ma Esra e manetabu aia e sasaga sosongo tana omea sui e kalea nina Ketsa God.

Nehemia 12:12

Mi kalina a Joiakim e Mane Tabu Loki, migirani nogo na manetabu ara ida tana duli manetabu: a Meraia tana duli konina a Seraia ma Hanania tana duli konina a Jeremia ma Mesulam tana duli konina a Esra ma Jehohanan tana duli konina a Amaria ma Jonatan tana duli konina a Maluki ma Josep tana duli konina a Sebania ma Adna tana duli konina a Harim ma Helkai tana duli konina a Meraiot ma Sekaria tana duli konina a Ido ma Mesulam tana duli konina a Gineton ma Sikri tana duli konina a Abija ma Piltai tana duli ka koniqira a Miniamin ma Moadia ma Samua tana duli konina a Bilga ma Jehonatan tana duli konina a Semaia ma Matenai tana duli konina a Joiarib ma Usi tana duli konina a Jedaia ma Kalai tana duli konina a Salai ma Eber tana duli konina a Amok ma Hasbabia tana duli konina a Hilkia ma Netanel tana duli konina a Jedaia.

Nehemia 12:1

Ara danga na manetabu ma na Levite ara visumai tania na totu tsinogo i Babilonia, mara visutugua i Jerusalem kolukaira a Serubabel na dalena a Sealtiel, ma Jesua na Mane Tabu Loki.

Nehemia 11:23

Aia David na taovia tsapakae e vaturigira nogo i sau na vovorona e kalegira igira na duli babâ kara vaioligi na ida tana raqa linge tana Vale Tabu pipi dani.

2 Taovia Tsapakae 7:10

Mi tana, mara tu mololetugua tana nauna ara tsogotania igira na Siria, mara tu visutugua i Samaria, mara tu gu bâ vanigira na mane matali tana matsapakapuna na vera, mara tu tsaria, “I tugami ami tu vano tana niqira nauna na tototu igira na Siria, mami tu tau goto reia se kami tu rongomia ke kesa i tana; migira na ose ma na asi ara tau goto nusigira, ma niqira valepolo ara totu dou saikesa moa.”

2 Taovia Tsapakae 25:30

Me pipi dani tana maurina popono, a Evilmerodak e sauvania na qolo ke tugua na voliginiana na omea sui aia e kilia vania na maurina.

Na Vaolusi Ketsa 18:8

Maia ke adigotoa gana tuva vaga ara adia igira na manetabu tavosi, me tangomana ke adigotoa na omea koegua moa kara saumai vania igira na kamana.”

Esra 2:2

Ma gaqira ida i tugira nogo a Serubabel, ma Josua, ma Nehemia, ma Seraia, ma Reelaia, ma Mordekai, ma Bilsan, ma Mispar, ma Bigvai, ma Rehum, ma Baana. Miani nogo na mamarena na duli ni Israel, kolua na dangaqira i laona pipi na duli igira ara visutugua i Jerusalem: