Nahum 3:13 - Ghari

¹³ Migira nimui mane vaumate ara vaga saikesa moa na daki. E tagara goto sa vidaqira ke susuliga na tukapusiaqira gamui gala. Ma na lake sauba ke ganisuia na raravena nimui matsapakapu.

Nahum 3:13 Referans Kwoze

Jeremia 51:30

Migira na mane vaumate ni Babilon ara mololenogoa na vailabu, mara ba toturavi tana niqira valekakai. E puka lê rebona gaqira susuliga mara maluku vaga moa ti na daki. Migira na matsapakapuna na verabau ia ara viri tavui, mara iru sui na vale.

Isaia 19:16

E maimai nogo na tagu, i tana igira na tinoni ni Ejipt kara posu vaga moa na daki. Sauba kara gariri tana matagu kalina kara reia na Taovia Susuliga Sosongo e kedegira.

Nahum 2:6

Ara tupi ovatia na matsapakapu e totu gana ngongo na kô. Migira sui ara totu i laona na valena na taovia tsapakae ara viri matagu mate.

Jeremia 50:37

!Kamu matesigira sui nina ose ma kamu toroutsanigira sui nina terê! !Kara mate sui igira nina mane vaumate aia e voligira gana kara sangâ, na vanga posu igira! !Kamu laugira sui nina omea loki matena, ma kamu adivanogira!

Linge 147:13

Aia nogo e ravekakaisigira sui na matsapamu, me vangalaka vanigira nimu tinoni.

Linge 107:16

Aia e taitapaligira na matsapa ara aqosiginigira na tapalamila, me taimitsigira na tapala sui ara raveginigira na matsapa.

Jeremia 50:36

!Kara mate goto igira nina propete peropero, na vanga bule igira! !Ma kara mate goto igira nina mane vaumate, igira ara matagu sosongo mara viri tsogo saranga!

Nahum 3:15

Me atsa moa ti na omea koegua kamu naua, ma na lake sauba nomoa ke ganigamu, se kamu mate tana vailabu. Me sauba kara suilavaginigamu saikesa vaga moa kalina na alaala na kipo ara gani sui lakalakagira na omea tsukatsuka. !Igamu amu pabo babâ mamu danga vaga moa na alaala na kipo!

Nahum 2:7

Migira na gala ara aditsekavanoa na daki taovia, migira nina dakiaqo ara ngangaisia, mara lumua na aseaseqira tana melu.