Nahum 3:10 - Ghari

¹⁰ Eo, me atsa moa ti na Tebes e susuliga vaga ia, migira gana gala ara tuliusia nomoa, mara aditsekavanogira na tinonina. Mara labumatesigira na daleqira pipi tana tsuruna na sautu loki. Mara soriginigira na itai tapala niqira tinoni lokiloki, mara tsonikutsu mateqira tana daisi, gana kara tsodovulagia laka i konina asei kara ba aqotseka.

Nahum 3:10 Referans Kwoze

Isaia 20:4

Na taovia tsapakae ni Asiria sauba ke tangolikaira na Ejipt ma na Sudan me ke aditsekavanogira malaiole ka niqira tinoni. Atsa moa ti na tinoni vaolu se na tuqatuqa, migira sui sauba kara vanovano kolua moa na tuaqira lê ma kara malaiole, me ke lalaba lê na tutukeqira, me ke gini paluvangamana na Ejipt.

Joel 3:3

Mara tû mara tsonikutsu tana daisi agana kara tsodovulagia laka asei ke tamanigira na tinoni igira ara aditsekagira. Mara tsabirigira goto na baka mane ma na baka daki, gana kara tsodoa na qolo na mani voliginiana na rebi ma na uaeni.

Hosea 13:16

Nina aqo nomoa na Samaria ke gadovikede rongona e sove taniau inau. Igira nina tinoni sauba kara mate tana vailabu. Migira na baka tetelo sauba kara tsoni rapasigira tana kao, ma kara toba ovagira na daki titiana.”

Tangitangi 2:19

Ko tû tugua, mo ko ngangaidato vania moa na Taovia tana bongi popono. !Ko katevulagi vania nimu rota sui, mo ko nongia ke galuvegira na dalemu ara viri mate na vitoa pipi tana tsuruna sautu!

Isaia 13:16

Mi kalina igira ara momoro tagara sasaga, me sauba kara labumatesigira na daleqira tetelo, ma kara raqagira na tauqira ma kara laugira niqira omea sui i laona na valeqira.”

Amos 1:13

Na Taovia e tsaria, “Igira na tinoni ni Amon ara sasi babâ moa, mi tana rongona ara nauvaganana ia, ti inau sauba nomoa kau kedegira. Mi tana niqira vailabu gana na lauana goto visana na butona kao, igira ara toba ovatigira goto na daki titiana ni Gilead.

Tangitangi 4:1

Reia bâ nida qolumila angaanga ara pura nogo kiki kalina ia, ma na vatuna na Vale Tabu ara viri totu piriutsa bamai tana sautu loki.

Isaia 13:6

!Kamu kanga loki rongona nina dani na Taovia e maimai varangi nogo, na dani i tana aia na God Susuliga Sosongo sauba ke molomaia na toroutsa seko.

Linge 137:8

Igoe Babilon ko rorongo, sauba kara toroutsanigo igoe. Ke mage aia e tangotugumami igami me ke labuvisugo tana rongona na omea seko igoe o naua vanigami igami,

2 Taovia Tsapakae 8:12

Ma Hasael e veisuâ, “?Rongona gua ti o ngangai vaga taovia?” Ma Elisa e tsarivania, “Rongona au donagininogoa na omea seko sosongo igoe sauba ko naua vanigira na tinoni ni Israel. Igoe sauba ko mololakena na veraqira ara barapoliginia na vatu, mo ko labumatesigira sui niqira mane vaolu, mo ko pisa matesigira sui na daleqira tetelo, mo ko puta ovatia na tobaqira na daki titiana.”

Nina Papi A Job 6:27

!Me vaga moa ti igamu amu naua na tsoni daisi mateqira na baka tinamate, ma na tsabiriaqira gamui saidou rongona kamu gini tamani qolo danga!

Linge 137:9

me ke adigira na dalemu boruboru me ke pisagira tana vatu.

Linge 149:8

kara soriginigira na itai tapala niqira taovia tsapakae; ma niqira ida tana barina na itai tapala;

Isaia 19:4

Minau sauba kau mologira na tinoni ni Ejipt i limana kesa na taovia tsapakae e dona sosongo na kore ma na bingi sekoliaqira nina tinoni. Inau nogo na Taovia Susuliga Sosongo au tsaria na omea iani.”

Esekiel 29:7

Mi kalina igira ara vataragi bâ i konimu, migoe o tavongani takutsi lê mo baoa na abeabeqira, me gini taboku na sulina na gotuqira.