Nahum 1:7 - Ghari

⁷ Na Taovia e doulaka. Aia e reitutugugira dou nina tinoni tana tagu na rota loki, me aragogira igira ara pilo bâ i konina aia.

Nahum 1:7 Referans Kwoze

2 Timoti 2:19

Ma na tsutsuvatuna na tutuni vaga God e vaturinogoa, e totukakai saikesa moa me utu goto ke aligiri. Miani nogo na goko vaga ara marea i konina: “Na Taovia aia e donaginigira igira nina tinoni segeni.” Miani goto e kesa na goko e totu tana mamare i konina: “Asei moa ti vaga ke tsaria laka aia nina tinoni na Taovia, ma nina aqo aia ke molole saikesalia na nauana na omea e sasi.”

Ioane 10:27

Niqu sipi ara rongomigadovia na lioqu. Au donaginigira, migira ara muriau.

Tangitangi 3:25

Eo, na Taovia e dou sosongo vania asei moa e norua aia.

Ioane 10:14

“Minau na reitutugu sipi laka. Vaga na Tamaqu e donaginiau, minau au donaginia na Tamaqu, me vaga goto inau au donaginigira niqu sipi, migira ara donaginiau. Mau tamisegeniqu kau mate tuguqira niqu sipi.

Linge 100:5

E dou manana na Taovia ma nina galuve e vo sui, maia e mana saviliu na dani ma na dani.

Linge 27:5

I laona na tagu na rota aia sauba ke ravisiau. Aia sauba ke moloau kau totu raviravi dou i laona nina Vale Tabu, me ke molokaeau ma kau totu dou i kelana na vatu loki.

Goko Tabana 18:10

Na Taovia e vaga moa na kusudato susuliga, i tana tangomana kara ba totu raviravi igira e gotolaka niqira sasaga.

Linge 1:6

Na Taovia aia e mataligira me reitutugugira igira e gotolaka niqira sasaga, migira na tinoni seko ara muria moa na sautu e kalea na mate saliu.

Galatia 4:9

Mi kalina eni, igamu amu donagininogoa na God manana. Ke dou baa ngatsu ti kau tsaria laka kalina eni God aia e donaginigamu nogo igamu. ?Megua igamu ti amu ngaoa laka kamu visutugua i limaqira na tidao maluku lee ara tagaovigamu nogo i sau? ?Matena gua ti amu ngaoa kamu totu tseka moa vanigira igira?

Isaia 25:4

Igira ara tau tamanina sa omea, migira goto ara kili sasanga, ara tsogo bâ i konimu igoe, mi tana ara gini totu raviravi tana tagu na rota. Migoe nogo o ravisigira tania na legai loki, mo tsavugira tania na paparana na aso loki. Igira na tinoni vanga bingisekoli tinoni ara maiginigami vaga moa na guguri loki tana tagu na bisi,

1 Turupatu Dato 16:34

Soadoua na Taovia rongona aia segeni e dou sosongo; ma nina galuve e totu saviliu.

Jeremia 33:11

gugû na magemage, ma na tatangina na magemage na kavomutsa na tauga. Me sauba kamu rongomigira na tinoni kara lilinge kalina ara adimaia niqira sausau na soadou i laona niqu Vale Tabu. Migira sauba kara tsarivaganana iani, ‘Soadoua na Taovia Susuliga Sosongo, rongona aia e dou sosongo ma nina galuve e totu saviliu.’ Minau sauba kau naua ma na kao iani ke tamani omea danga vaga nogo tana idana. Inau nogo na Taovia au tsaria na omea iani.”

Linge 86:7

Kalina au totu tana rota loki minau au soago igoe, rongona au dona laka sauba ko rongomia niqu nonginongi.

Isaia 32:2

Pipi kesa vidaqira sauba ke vaga kesa nauna i tana igira na tinoni kara tsogoravi tania na guguri ma na legai. Me sauba kara vaga na kô e tatave i laona na kaomate, me vaga goto na auauna kesa na maragova dato ao i levugana na kaomate.

Linge 25:8

Rongona na Taovia aia e gotolaka me dou saviliu, te e sasanigira na tinoni sasi na liu tana sautu dou.

Daniel 3:28

Ma na taovia tsapakae e tsaria, “!Ka tsonikaea tu niqira God a Sadrak, ma Mesak, ma Abednego! Aia nogo e molomaia kesa nina angelo ke laumaurisitugira na mane tugirani ara tu aqovania mara tu norua. Ara tu petsakoe vaniau mara tu sove na muriana niqu ketsa au moloa, mara tu bisâ tu mauriqira mara tu sove na tsuporu tsuna ma na samasama vaniana sa god tavosi, maia lelê moa tu niqira God.

Linge 71:3

Ko didisiau, mo ko lia niqu mani toturavi i tana kau bâ totu raviravi, rongona igoe nogo o ravisiau mo isutuguqu.

Linge 91:15

Mi kalina ti igira kara nongiau kau sangagira, minau sauba kau sangagira; me ti vaga ke gadovigira na rota, minau sauba kau totu i koniqira. Sauba kau laumaurisiqira ma kau molokaegira.

Linge 59:16

Minau sauba kau lingena tana rongona na susuligamu igoe, niqu God, me pipi tana matsaraka inau sauba kau gini linge loki tana rongona nimu galuve vo oli. Igoe nogo niqu mani tsotsovata mo ravisiau tana tagu e gadoviau na rota.

Linge 50:15

Kamu soaau tsaku kalina ti ke laba vanigamu sa omea seko, minau sauba kau maurisigamu, mi tana nauvaganana ia, ti igamu kamu gini tsonikaeau manana inau.”

Daniel 6:23

Me gini mage loki sosongo bâ na taovia tsapakae, me raigira kara raqakaea a Daniel tania na qou. Bâ, mara raqakaea a Daniel, mara reia laka e tau lelê goto boka rongona aia e norukakaia God.

Roma 11:22

God e dona sosongo na galuve, eo, me dona sosongo goto na pede kakai. E pede kakaigira na Tsiu igira ara puka, me galuvegamu igamu, ti vaga kamu totukakai babaa moa i laona nina galuve. Me ti vaga kamu tau totukakai babaa i konina aia, me sauba ke bokuligigamu goto igamu.

2 Turupatu Dato 32:21

Ma na Taovia e rongomigira me molomaia kesa na angelo ke matesigira nina mane vaumate ma nina mane sasanga na taovia tsapakae ni Asiria. Mi tana, maia na taovia tsapakae e paluvangamana me visutugua i Asiria. Me kesa dani kalina aia e totu i laona nina valetabu nina god, migira visana na dalena mane segeni nogo aia ara ba matesiginia niqira isi.

Mateo 27:43

Aia e norua God, me tsarisegenina laka aia na Dalena God. !Eo, vaga ia, ma ka reia ti God ke maurisia kalina ia!”

Mateo 7:23

Mi tana, minau sauba kau tuu, ma kau tsarivanigira, ‘Inau au tau saikesa donaginigamu. !Kamu baligi taniau inau, igamu na tinoni seko!’

Esra 3:11

Ara linge na tsonikaeana na Taovia mara gini gokovisu na tsaqina goko vaga iani: “Na Taovia e dou sosongo, ma nina galuve vanigira na Israel e totu saviliu me vo oli.” Migira sui ara linge mi gotu na lioqira mara tsonikaea na Taovia, rongona e tuturiga nogo na aqo na molo papakana na Vale Tabu.

2 Turupatu Dato 32:11

A Hesekia e tsarivanigamu laka na Taovia nimui God sauba ke laumaurisigamu tania na susuligamami igami, maia a Hesekia e perobulesigamu moa igamu, rongona kamu gini mate na vitoa ma na marou.

2 Turupatu Dato 32:8

A Senakerib e tamanina moa na susuligana na tinoni lê, migita a tamanina na susuligana na Taovia nida God ke sangagita me ke vailabu tuguda.” Ma nina goko vaga e tsonia a Hesekia na taovia tsapakae e malagaisiginigira nina tinoni.

1 Turupatu Dato 5:20

Migira ara vataraginia niqira amesi konina God mara nongia ke sangagira, ma God e rongomia niqira nonginongi me sangagira, me gini managaqira na tuliusiaqira na Hagar migira sui goto ara sai alaala kolugira.

Linge 20:1

!Na Taovia ke rongomia nimu nonginongi kalina igoe ko totu i laona na rota! !Ma nina God a Jakob aia nogo ke reitutugugo!

Linge 37:39

Na Taovia e maurisigira igira na tinoni ara totugoto i matana me reitutugudougira tana tagu na rota.

Linge 37:40

Aia e sangagira me maurisigira; me laumaurisigira tanigira na tinoni vanga tsutsukibo rongona ara dona kara vano totu raviravi i konina aia.

Jeremia 16:19

Taovia, igoe nogo o reitutuguau mo susuligasiau; migoe goto nogo o sangaau tana tagu e gadoviau na rota loki. Migira na puku sui pipi sui tana nauna, tû kesa tabana na barangengo, me tsau bâ tabana, sauba kara mai ma kara tsaria, “Niqira god na mumuamami igami na god peropero moa. E utu saikesa kara naua sa omea kara sangaginigami.

Jeremia 17:17

Ko laka na totoposuliaqu inau; igoe nogo niqu mani totu raviravi tana tagu seko.

Jeremia 24:5

“Inau na Taovia, na God ni Israel, au padâ igira na tinoni inau au tsiavanogira i Babilonia ara vaga na vuana gai dou girani.

Joel 3:16

Na Taovia e totu i Jerusalem tana Vungavunga Sion, me maququ nina goko, me poda loki vaga moa na quluqulu, mara ka gini gariri na barangengo ma na masaoka. Maia na Taovia sauba nomoa ke dilagira nina tinoni segeni.

Sepania 3:12

Rongona inau sauba kau mologira moa igira na tinoni ara totu palatsuna mara vô na kaekae, kara totu kalavata tana niqu vungavunga tabu, migira sauba kara dona na mai i koniqu, ma na nongiaqu kau sangagira.

2 Turupatu Dato 13:18

Mi tana migira na tinoni ni Juda ara tangomana na tuliusiaqira na Israel, rongona ara vataragi i konina na Taovia aia niqira God na mumuaqira.

Linge 9:10

Igira ara donaginigo Taovia, sauba kara norugo, rongona e utu vanigo igoe ko tsonilegira igira ara mai i konimu.

Linge 46:2

Vaga ia, me sauba e utu goto igita ka matagu, atsa moa ti vaga na barangengo ke kasisi popono, ma na vungavunga kara luvu takuti i laona na mao rodo.

Isaia 50:10

Igamu sui amu kukuni tania na Taovia, mamu muridougira na goko aia nina maneaqo e tsarivanigamu, kamu laka na matagu. E tau utu na sautu amu liu bâ i konina kalina ia ke rodo manana, migamu kamu norukakaia moa na Taovia, ma kamu vataragi i konina nimui God.