Nahum 1:15 - Ghari

¹⁵ !Kamu morosia bâ kesa na mane adigoko e ulo gaukutimai tana vungavunga me adimaia kesa na turupatu dou! !Maia e mai na tsarivulagiana laka e sui nogo na vailabu! Migamu na tinoni ni Juda kamu labasai ma kamu tuturiga tugua na lokisiaqira nimui bongi tabu, ma kamu saugira vania God na omea amu gini vekevaninogoa. Migira na vanga tsutsukibo sauba e utu goto kara bokitugua na veramui. !Rongona ara mate sui nogo, me utu goto kamu reigira!

Nahum 1:15 Referans Kwoze

Isaia 52:7

!E dou sosongo na morosiana aia e adi turupatu mai. E ulo gaukutimai tana vungavunga, me adimaia na turupatu dou, na turupatuna na rago! E katevulagia laka God e laumaurisigira nogo nina tinoni, me tsarivania Sion: “!Nimu God aia nogo e taovia tsapakae!”

Roma 10:15

?Me ke koegua ti ke laba na Turupatu Dou i koniqira ti vaga God ke tau molovanogira nina mane adigoko kara gini ba turupatuna vanigira? E vaga ara marenogoa tana Mamare Tabu i tana ara tsaria, “!E dou sosongo nomoa na maiaqira igira ara gini turupatuna na turupatu dou!”

Aqoaqo 10:36

Igamu dona nogo laka God e molomainogoa nina goko vanigira na tinoni ni Israel, ma na Turupatu Dou na rago e mai vanigira nogo ginia a Iesu Kristo, maia nogo gaqira Taovia igira pipi sui na vatana na tinoni i barangengo.

Luka 2:10

Ma na angelo e tsarivanitugira, “!Kamu tu laka na matagu tugamu! Au adimai vanitugamu kesa na turupatu dou na mage loki baa vanigira na tinoni sui.

Luka 2:14

“!Soalokia God i gotu vasau, mi lao ke baa na rago vanigira ara dou i matana!”

Joel 3:17

Maia e tsaria, “Mi tana ti igamu na Israel kamu donadouginia laka inau nogo nimui God. Inau au totu i Sion niqu vungavunga tabu. Ma na Jerusalem sauba ke lia niqu verabau tabu, me utu saikesa goto na tinoni ni veratavosi kara sage ba tugua i laona.

Isaia 52:1

!Jerusalem, ko susuliga me ke tangitugua gamu rongo! !Igoe nina verabau tabu God, ko sagelia gamu inilau angaanga! Igira na ponotoba sauba e utu goto kara sagemai i laomu.

Linge 107:15

Niqira aqo nomoa igira kara soadoua na Taovia tana rongona nina galuve vo oli, mi tana rongoqira goto na omea dou sui aia e nauvanigira.

Linge 107:8

Niqira aqo nomoa igira kara soadoua na Taovia tana rongona nina galuve vo oli, mi tana rongoqira goto na omea dou sui aia e nauvanigira.

Aqo Manetabu 23:4

Ma na Taovia e tsarigotoa, “Igirani nogo na Dani Tabu nimui aqo kamu saimai na lokisiaqira kalina ke gado niqira tagu.

Aqo Manetabu 23:2

na vovorona na ketsa girani ara kalea na muridouana na aqona na dani tabu, kalina igira na toga ni Israel niqira aqo kara labasai na samasama.

Nahum 1:14

Miani nogo e vaga na omea aia na Taovia e pedea tana rongoqira na Asiria: “Igira sauba kara tau goto tamanina sa kukuaqira agana kara adidatoa na soaqira. Minau sauba kau toroutsanigira na titinonina niqira god peropero ara totu i laona niqira valetabu. !Mau vangaraunogoa kesa na nauna na mani qiluaqira na Asiria rongona ara tabaru seko sosongo me tau goto ulagana kara mauri babâ!”

Isaia 41:27

Minau na Taovia au idanogo na kate vulagiana vania Sion na turupatuna, minau nogo au molovanoa i Jerusalem kesa na mane adigoko ke ba tsaria, ‘!Ara maimai nogo igira nimu tinoni! !Eo, ara vivisu mai i vera!’

Isaia 42:11

Igamu sui amu totu tana kaomate, kamu tsonikaea God; migamu goto na tinoni ni Kedar, kamu lilinge ma kamu tsonikaea. Migamu amu totu tana verabau ni Sela kamu gudato tana magemage i kelaqira na vungavunga.