Mika 7:8 - Ghari

⁸ Igira gada gala ara tau tamanina sa niqira rongona na kiataginiada. E mana rago laka igita a puka lê nogo, me sauba nomoa ka tukae tugua. Migita a totu tana rodo kalina ia, ma na Taovia segenina nogo sauba ke lia nida marara.

Mika 7:8 Referans Kwoze

Ioane 8:12

Me kesa dani segeni ma Iesu e goko tugua vanigira na Parisii me tsaria, “Inau na mararana na barangengo. Asei ti ke tsarimuriqu, aia sauba ke tamanina na mararana na mauri, me utu goto ke liu tana rodo.”

Isaia 9:2

Igira na tinoni ara liu moa tana rodo ara reivulagia kesa na marara loki. I sau igira ara totu moa tana rodo pulipuli, mi kalina eni na mararana God e mamarasigira.

Linge 112:4

Na marara e maka tana rodo vanigira na tinoni e dou niqira sasaga, igira ara dona na galuve ma na sangaaqira na tinoni tavosi, me goto niqira sasaga i matana God.

Linge 27:1

Na Taovia aia nogo niqu marara ma na pukuna niqu sasanga. ?Masei goto sauba kau matagunia? Na Taovia nogo aia e reitutuguau tanigira pipi sui na omea seko. ?Masei kau matagunigotoa?

2 Korint 4:6

God aia e tsaria i sau, “I laona na rodo pulipuli sauba ke labamaka na marara,” maia goto nogo e moloa nina marara ke mararasia na tobada, rongona igita ka gini donaginia na mararana God, aia e labamaka tana ngorana a Iesu Kristo.

Linge 38:16

Ko laka na tamivaniaqira gaqu gala kara gini mage kalina ara reia inau au rota. Ko laka goto na tamivaniaqira kara vaitsari gaqu kalina au puka.

Na Katemai 22:5

Me utu goto ke bongi tana, me utu goto kara kilia kesa na laeti ke mararasigira, se na aso ke sinarigira, rongona na Taovia God aia nogo sauba ke ngiti niqira marara, migira kara tagao mala taovia tsapakae nogo na dani ma na dani.

Linge 84:11

Na Taovia aia nogo nida reitutugu, ma nida taovia tsapakae loki bâ, aia nogo e vangalaka vanigita me padalokigita. Me tau goto dona ke tongoa kesa na omea dou vanigira igira ara naua na omea e goto i matana.

Nina Papi A Job 31:29

“Minau au tau gini mage kalina au reia ara rota igira gaqu gala, se ke gini laoqu kalina e gadovigira kesa na omea seko,

Linge 97:11

Na marara e mararasigira na tinoni dou, ma na magemage e dangaligira igira e goto niqira sasaga.

Esekiel 35:15

vaga nogo kalina igoe o gini mage sosongo kalina o reia e toroutsa popono na Israel, aia niqu tamani segeni nogo inau. Igira sui na vungavunga ni Seir, eo, na butona momoru popono ni Edom, sauba ke mangu lê. Mi tana ti igira na tinoni sui sauba kara donaginia laka inau nogo na Taovia.”

Linge 35:19

Ko laka na tamivaniaqira gaqu gala, igira na vanga pero, kara mage rongona ara tuliusiau inau. Ko laka na tamivaniaqira igira ara reisaviau lê tagara sa rongona kara kiataginiau tana niqu rota.

Ioane 16:20

Inau au tsarivanigamu na manana: sauba kamu ngangai ma kamu tangitangi, ma na barangengo aia sauba ke magemage rago, eo, sauba rago kamu melu, ma nimui melu sauba ke lia na magemage.

Malaki 4:2

Migamu na tinoni amu rongomangaqu inau, sauba na susuligaqu gana na tusumauri ke sinarigamu vaga na aso, ma na lalaina ke maurisiginigamu. Me sauba kamu totu tanusi ma kamu magemage vaga moa na dalena buluka kalina ara sangavi vanigira na matsapana na baraqira, mara gini mage na rutsu ma na ulo bamai i taba.

Mika 7:10

Mi tana ti igira gada gala kara reia e laba vaga ia, me sauba kara gini vangamâ lê, igira nogo ara gilu gada tana idana mara veisuagita vaga iani, “?Laka iava e totu aia na Taovia nimui God?” Migita sauba ka reia kalina na Taovia ke tsogori pukaligira, ma na tinoni kara tsotso i kelaqira vaga moa ti na boko tana sautu.

Esekiel 25:6

“Miani nogo e vaga na omea e tsaria na Taovia God: Inau au donanogoa laka igamu amu reisavia na kao ni Israel, mi kalina amu reia laka e toroutsa popono nogo, migamu amu gini mage loki, mamu tapotapo, mamu tsipukae tana mage.

Aqoaqo 26:18

Igoe nogo nimu aqo ko sangavia na mataqira, mo ko pilovisugira tania na rodo ti kara reiginia na marara, ma kara gini piloligi tania na susuligana Satan, ma kara pilo baa i konina God. Mi tana niqira tutuni i laoqu inau, ti kara gini tanusi niqira sasi, ma kara sangasage i laoqira nina tinoni vivili God.’

Amos 9:11

Na Taovia e tsaria, “E maimai nogo na tagu i tana sauba inau kau vaturi visutugua na verana a David, aia e vaga kesa na vale e toroutsa saikesa. Inau sauba kau tsiparatugua na bengebengena ma kau aqosidoutugua. Sauba kau logovisutugua me ke totu dou vaga nogo i sau.

Mateo 4:16

Migira na tinoni ni tana ara totu moa tana rodo na sasi, me sauba kara reia kesa e mai vaga na marara loki, me ke mararasia na tobaqira. Migira ara totu moa tana ungana na mate, sauba na marara loki ia ke mararasigira.”

Jeremia 50:11

Na Taovia e tsaria, “Igamu na tinoni ni Babilonia amu lausuinogoa pipi niqira omea niqu tinoni. Igamu amu gini magemage mamu gagavai kalina ia, vaga moa na dalena buluka e tsipu lekaleka bamai,

Isaia 49:9

Minau sauba kau tsarivanigira igira ara totu sosori, ‘!Kamu totu tanusi!’ Me vanigira igira ara totu tana rodo, ‘!Kamu rutsumai tana marara!’ Me sauba igira kara magemage vaga na sipi ara mutsamutsa i kelaqira na tetena;

Isaia 2:5

!Me vaga ia, migita na kukuana a Jakob, ida gita ma ka liu i laona na marara aia na Taovia e tusuvanigita nogo!

Linge 37:24

Me ti vaga kara puka, me sauba e utu vanigira kara tsaro saikesa, rongona na Taovia sauba ke tatatuugira ma kara tu tugua.

Linge 37:21

Na tinoni vanga tsutsukibo e kaoni omea me vô na tuguvisuana; maia moa na tinoni dou e dona na gini galuve tinoni nina omea.

Na Katemai 21:23

Me tau goto kilia na aso se na vula ke sinaria ti ke gini marara na verabau ia, rongona na mararana God nogo e mararasia, ma na Dalena Sipi nogo e ngiti mararana.

Isaia 50:10

Igamu sui amu kukuni tania na Taovia, mamu muridougira na goko aia nina maneaqo e tsarivanigamu, kamu laka na matagu. E tau utu na sautu amu liu bâ i konina kalina ia ke rodo manana, migamu kamu norukakaia moa na Taovia, ma kamu vataragi i konina nimui God.

2 Korint 4:9

Ara danga rago gamami gala, maia moa God e tau tsonilegami. Ami boka seko sosongo visana kalina, mami tau nomoa gini mate.

Linge 20:8

Na vatana na tinoni vaga igira, sauba kara tubulagi ma kara puka lê, migita sauba ka tukae ma ka tsotsovata kakai.

Jeremia 8:4

Na Taovia e tsarivaniau inau a Jeremia kau tsarivanigira nina tinoni na goko vaga girani, “?Egua, kalina ti vaga ke puka kesa tinoni, me laka sauba ke tau tû tugua? ?Se ti vaga kesa ke tova, laka sauba ke tau lavea na sautu me ke liuvisu i konina?

Jeremia 48:27

?Igoe na Moab, o padatugua kalina o tsirigira mo kiataginigira na tinoni ni Israel? ?Laka o padâ igoe laka igira na Israel na tinoni vanga komi, te pipi kalina moa igoe o goko gaqira, mo viruviru lovamu tana peapea?

Esekiel 36:5

“Inau na Taovia God au gini kore loki sosongo mau taimataqira na puku tavosi sui ara totu poligira na Israel, me putsikae bâ igira na Edom. Igira sui ara tsogori tsunaliau inau, mara gini mage loki kalina ara tangolia niqu butona momoru, mara aditamaniqira na kao tana e dato magobu dou na buruburu.

Mika 4:10

Kamu biritsiu ma kamu kukungu igamu na Jerusalem vaga moa na daki e parâ na vasusu, rongona kalina ia sauba kamu vanoligi tania nimui verabau, ma kamu ba totu tavongana bamai lê. Me sauba nomoa nimui aqo kamu vano i Babilon, mi tana nogo ti na Taovia ke laumaurisigamu tanigira gamui gala.

Sekaria 12:8

Mi tana tagu ia, ma na Taovia sauba ke reitutugira igira ara totu i Jerusalem, me ke susuligasigira, me atsa moa igira ara labelabeaga lê i laoqira, migira goto sauba kara susuliga vaga moa a David i sau. Migira na kukuana a David sauba kara tagaovidougira vaga moa nina angelo na Taovia, me vaga goto moa God segeni nogo.

Linge 143:3

Aia gaqu gala e takuviau me tsogori pukaliau saikesa. Maia e tsonisageau tana rodo pulipuli, mau vaga saikesa nogo igira ara mate oka nogo i sau vasau.