Mika 7:7 - Ghari

⁷ Minau sauba kau vataragi moa konina na Taovia. Ma kau norua laka aia ke maurisiau. Ma niqu God sauba nomoa ke rongomia niqu nonginongi.

Mika 7:7 Referans Kwoze

Linge 37:7

Kamu totu dodo i matana na Taovia, ma kamu pipitu tsau kalina aia ke sangagamu; laka na gini boe tana rongoqira igira ara tamani omea danga, se igira ara tangomana na nauana pipi kalina na omea seko ara botsangi segenia i tobaqira.

Isaia 45:22

“Bâ, mi kalina ia, igamu sui na tinoni tana barangengo popono kamu pilomai i koniqu inau me sauba kamu mauri, rongona inau segeni lelê moa au God, me tagara goto sa god tavosi.

Isaia 25:9

Mi kalina kara reia na omea sui kara laba vaga ia, me sauba na tinoni sui kara tsarivaganana iani, “!Aia saikesa nogo nida God manana igita! Aia nogo igita a vataragi kakai i konina, maia e tû me laumaurisigita. !Aia manana nogo na Taovia! Aia nogo igita a vataragi i konina, mi kalina ia igita a gini magemage me gini dou sosongo tobada rongona aia e maurisigita nogo.”

Linge 25:5

Ko sasaniau ma kau gini dona na mauri muriana nimu sautu mana, rongona igoe nogo niqu God, mo vagamaurisiau. Minau au norugo sailagi.

Linge 130:5

Au pitu sosongolia na Taovia ke sangaau, mau norukakaia moa nina tsaqina goko.

Linge 109:4

Igira ara reisaviau, atsa moa ti inau au galuvegira dou mau nonginongi vanigira.

Isaia 12:2

God aia nogo niqu vagamauri. Maia moa sauba kau norua, ma kau gini tau goto matagu. Na Taovia aia nogo na susuligaqu ma niqu vagamauri.

Linge 65:2

rongona igoe o rongomigira manana nimami nonginongi. Igira na tinoni sui sauba kara labamai i matamu igoe,

Tuturigana 49:18

“Minau au pipitua moa kalina igoe Taovia ko maurisiau.

Linge 38:15

Minau au norugo sailagi moa Taovia. Migoe niqu Taovia ma niqu God sauba ko rongomia niqu nonginongi.

Isaia 8:17

Na Taovia e poi segenina nogo tanigira nina tinoni, minau moa au norua mau vataragini kakaia niqu amesi i konina.

Linge 50:15

Kamu soaau tsaku kalina ti ke laba vanigamu sa omea seko, minau sauba kau maurisigamu, mi tana nauvaganana ia, ti igamu kamu gini tsonikaeau manana inau.”

Isaia 17:7

Mi kalina ke mailaba na dani ia, me sauba na tinoni kara pilo bâ tugua i konina na God tabu ni Israel aia nogo e aqosigira, ma kara nongia ke sangagira.

Daniel 3:17

Me ti vaga na God aia ami tu aqovania tugami ke tangomana na maurisitugami tania na umu romaroma me tanigotoa na susuligamu igoe, maia nogo sauba ke naua.

Hosea 12:6

Mi kalina ia igamu na kukuana a Jakob kamu norukakaia nimui God ma kamu visubatugua i konina. Kamu totukakai kalavata i konina, me ke goto nimui sasaga, ma kamu pitudoua nimui God ke mai sangagamu.

Joel 1:19

Minau au ngangai dato vanigo Taovia, rongona igira na buruburu ma na gai ara viri mate vaga moa ti e iruvigira na lake.

Habakuk 2:1

Inau sauba moa kau ba dato tana niqu kusudato gana na momoro, ma kau rongomiginia na omea na Taovia sauba ke tsarivaniau, me ke tuguvisu koeguania vaniau niqu goko korekore au nauvania.

Tsoko Tinoni 5:28

Me ti vaga na daki ia e tau naua sa sasi, me sauba na kô ia ke tau lelê labusaginia, me sauba ke tangomana moa na tamani dalena.

Linge 85:5

?Egua, laka sauba ko kore saviliu vanigami moa? ?Me laka nimu momosatoba ke tau goto sui?

Tangitangi 3:24

Mau tsaria, “Taovia igoe segeni moa au tamanina inau, mi konimu nogo au vataraginia niqu amesi.”

Habakuk 2:3

Ko maretsunadoua, rongona e tau vati labamai moa na taguna i tana ke laba. Me tagara ke tau oka, ma na omea inau au kate idanogoa vanigo sauba ke laba manana. Me atsa moa e rerei vaga ti e kisa sosongo na labaana, migoe ko pipitua moa. Sauba nomoa ke laba manana, e utu ke tagara. Me utu goto ke kisâ.