Mika 7:10 - Ghari

¹⁰ Mi tana ti igira gada gala kara reia e laba vaga ia, me sauba kara gini vangamâ lê, igira nogo ara gilu gada tana idana mara veisuagita vaga iani, “?Laka iava e totu aia na Taovia nimui God?” Migita sauba ka reia kalina na Taovia ke tsogori pukaligira, ma na tinoni kara tsotso i kelaqira vaga moa ti na boko tana sautu.

Mika 7:10 Referans Kwoze

Sekaria 10:5

Migira na tinoni ni Juda sauba kara vaga moa na mane vaumate susuliga ara tsogori pukaligira gaqira gala i laona na boko tana sautu loki. Sauba kara vailabu susuliga, ma kara tuliusigira gaqira gala atsa moa igira ara sage tana ose, rongona na Taovia nogo e totu kolugira.

Linge 42:10

Ara bingiginiau sosongo niqira goko peapea, mara totu matengana moa na veisuaqu sailagi, “?Laka iava e totu nimu God igoe?”

Na Katemai 18:20

!Ko magemage igoe na baragata, migamu sui goto nina tinoni God, migamu na apostolo ma na propete, rongona God e pedenogoa na vera loki ia tana rongona na omea seko aia e naua vanigamu!

Joel 2:17

Migira na manetabu ara aqo vania na Taovia tana pakoka i ka levugaqira na belatabu ma na matsapana na Vale Tabu, niqira aqo kara ngangaidato vania na Taovia ma kara nongia, “Taovia ko galuvegira nimu tinoni. Ko laka na tamivaniaqira na tinoni tavosi kara peagami, ma kara kiataginigami, ma kara tsaria, ‘?Laka iava nimui God igamu?’ ”

Linge 35:26

Migoe Taovia ko naua, ma kara luvu lê igira ara gini mage tana rongona na rota e gadoviau inau, me ke ponopala lê na tobaqira, migira ara koesegeniqira mara tsaria laka ara dou bâ liusiau inau, igoe ko naua, me ke tsavugira popono na vangamâ me ke paluvangamaqira.

Linge 18:42

Inau au tsogori rapasigira, migira ara rapa vaga saikesa ti na papasa lê na guguri e uvisalagira bamai lê. Au tsogorigira lê vaga moa ti na boko tana sautu.

2 Samuel 22:43

Inau au tsogori rapasigira, migira ara rapa vaga saikesa ti na papasa lê; mau tsogorigira lê vaga moa ti na boko tana sautu.

Mika 4:11

Ara danga nogo na puku loki ara sai alaala agana kara mai na bokiana na veramui. Mara tsarivaganana iani, “!Ida ma ka ba toroutsania na Jerusalem, ma ka reilakana kalina ke totu toroutsa popono!”

Jeremia 51:51

Igamu amu tsaria, ‘Ara paluvangamamami sosongo igami, mami totu moa tana vangamâ. Ami tau saikesa dona nagua kami naua, rongona igira na tinoni ni veratavosi ara sagenogoa i laona na nauna tabu tana Vale Tabu.’

Linge 79:10

?Ara gua vaga igira na puku tavosi te ara tû mara veisuagami igami, “?Laka iava e totu nimui God igamu?” Taovia, ko tamivanigami ma kami reia kalina igoe ko kedegira na puku tavosi tana rongona ara reoa na gabuqira nimu maneaqo.

Mateo 27:43

Aia e norua God, me tsarisegenina laka aia na Dalena God. !Eo, vaga ia, ma ka reia ti God ke maurisia kalina ia!”

Malaki 4:3

Mi tana dani kalina inau kau nauvaganana ia, me sauba igamu kamu tsogori pukaligira na tinoni vanga nauseko, migira sauba kara lia vaga na papasa lê i vavana na tuamui.

Malaki 1:5

Migamu na tinoni ni Israel sauba kamu reiginia na matamui segeni na omea vaga ia, me sauba kamu tsarivaganana iani, “!Na Taovia e susuliga sosongo nomoa pipi tana veratavosi goto, me tau tana Israel segeni moa!”

Daniel 3:15

Mi kalina ia, tana tagu tsotsodo ti kamu tu rongomia ke tangi na tavuli, ma na tuqulu, ma na uete, migira sui na vatana na vangana na sinagi, kamu tu tsuporu tsuna ma kamu tu samasama vania na titinoni ia. Me ti vaga kamu tu tau nauvaganana ia, minau sauba kau tsonisagetugamu saviliu i laona na umu romaroma. ?Laka amu tu padâ tugamu e tangomana sa god tavosi ke maurisitugamu?”

Jeremia 51:24

Na Taovia e tsaria, “Igamu sauba kamu reiau inau kalina kau tuguvisu vania na Babilon migira nina tinoni tana rongona na omea seko sui ara nauvania na Jerusalem.

Linge 115:2

?Egua vaga ti igira na puku tavosi ara veisuagita mara tsaria, “?Laka iava e totu nimui God igamu?”

Linge 109:29

Ko paluvangamaqira igira gaqu gala; na vangamâ ke tsavugira popono vaga moa ti gaqira polo sagesage.

Linge 58:10

Migira na tinoni e goto niqira sasaga sauba kara gini magemage kalina kara reia God e kedegira na tinoni sasi; sauba kara vulia na tuaqira tana gabuqira na tinoni vanga tsutsukibo.

Linge 42:3

Na dani ma na bongi inau au ngangai moa, ma na kô na mataqu e lia gaqu mutsa; pipi kalina moa ara veisuaau igira gaqu gala mara tsaria, “?Laka iava e totu nimu God igoe?”

Esekiel 7:18

Ma kara sagelia na polo baubau papadana na melu, me ke gariri popono na kokoraqira. Sauba kara tsara koakoa na lovaqira, me sauba nomoa ke paluvangamaqira sui.

Isaia 41:25

“Inau au vilinogoa kesa na tinoni e totu i longa. Me sauba kau raia me ke maiginigamu tû i vava. Aia sauba ke tsogorigira na tagaovera vaga moa na boko, me vaga nogo kalina na tinoni aqosi popovatu e tsogoria na kao tsitsi gana na aqosi popovatu.

Mika 7:8

Igira gada gala ara tau tamanina sa niqira rongona na kiataginiada. E mana rago laka igita a puka lê nogo, me sauba nomoa ka tukae tugua. Migita a totu tana rodo kalina ia, ma na Taovia segenina nogo sauba ke lia nida marara.

Josua 7:9

!Eo, migira sui na tinoni ni Kanaan, ma na tinoni tavosi sui ara totu i laona na butona kao ia, sauba kara rongomia na omea vaga ia e laba. Me sauba kara mai ma kara tupoligami ma kara matesigami sui lakalaka! ?Migoe ma nagua sauba ko naua gana ko dilaginia na tangisekona na asamu?”

Linge 92:12

Migira na tinoni ara totugoto i matana God, sauba kara dato magobu dou vaga nogo na gai na niu tana kao dou; ma kara katsi vaga na gai na sida ni Lebanon.

Isaia 26:11

Igira gamu gala ara tau donaginia laka igoe o saukaenogoa na limamu agana na mani kedeginiaqira. Taovia ko paluvangamaqira, mo ko molovanigira kara vatsangia na rotana na kede igoe o vangaraunogoa vanigira. Mo ko saumakaligotoa vanigira laka igoe o galuve sosongoligira nimu tinoni.

Jeremia 49:15

Na Taovia nogo e tsaria, ‘Inau sauba kau naua migoe na Edom, ko gini palatsuna i laoqira na vera tavosi sui, me ke tagara goto kesa ke padalokigo.

Sepania 3:15

Aia na Taovia e suilavaginigira nogo na kede sui ara gadovigamu; me matesiligigira pipi sui gamui gala. Na Taovia, aia na taovia tsapakae ni Israel, e totu kolugamu; me tagara nogo sa nimui rongona kamu gini matagu kalina ia.